港女越南機場發難斥男友「叫雞」兼家暴 再大鬧機艙推跌空姐引熱議

一對情侶疑因感情事於越南峴港機場大吵大鬧，甚至由候機室一直「大戰」至航機上，全程都被圍觀者及乘客拍了下來，並在社交平台上分享。女方除了指控男方「叫雞」，更指被家暴「打40拳」，雖然機組人員多次勸阻但無效，最終兩人被請離機艙，而航班亦因此延誤。

女子除了指控男方「叫雞」，更指被家暴「打40拳」。網上圖片

大聲斥罵男友叫雞兼家暴

涉事的原訂乘坐一架於周日(11月2日)7:25pm由峴港飛往香港的HKexpress (香港快運) UO559航班的兩名乘客，由網上流出的片段所見，一對情侶在候機室爭執，一名女子站着並用身體力壓着坐着的男方，大聲指罵，「佢叫雞呀！佢叫雞呀！佢叫雞呀！我有見到佢叫雞呀！你鍾意影就影啦！」並似是正故意張揚事件，希望得到關注，跟着又向在場圍觀者表示：「佢打我40拳呀！港怡醫院有紀錄......佢打我40拳，醫院有紀錄㗎！係呀，我有證據呀，擺上網！係你嘅損失，知道晒你嘅衰嘢！」而男方則不停反駁，並努力爭扎想逃離現場，但奈何一直被女方用身體壓着，動彈不得！

男方努力爭扎想逃離現場，但奈何一直被女方用身體壓着，動彈不得！網上圖片

女子似是正故意張揚事件，希望得到關注。網上圖片

男方則對女子的指責不停反駁。網上圖片

要求坐男友旁邊座位遭拒再發難

而另一個影片，則見到同一位女子上機後，在機艙裏被幾位機組人員包圍，情緒激動的大叫！據樓主所講，原本一對男女被安排分開坐，但女子上機後要求坐在男友身旁，空姐解釋因他們取登機票時已是分開，所以安排不到。女子因而再次情緒失控。

女子上機後，在機艙裏被幾位機組人員包圍，情緒激動的大叫！期間更推跌一名空姐。網上圖片

空姐勸阻慘被推跌落地

由影片所見，當時幾名空姐嘗試力勸女子返去原本的座位，但女子極力反抗，混亂中推跌了其中一名空姐，而另一位從後面攬住女子的空姐則不斷力勸「冷靜啲呀小姐。」但女子繼續聲嘶力竭大叫「我要同佢坐！佢做錯嘢！我要同佢一齊坐！係佢做錯嘢喎！」空姐見到如此情況，唯有警告對方「唔好意思呀，你要落機啦！」女子此刻才回復冷靜問到：「咁我唔落啦，依家冷靜，係咪畀我坐呀？」但空姐拒絕：「唔係囉，對唔住呀！我控制唔到你！Sorry！」女子又再次失控激動大叫：「唔落機」

據樓主所講，女子上機後要求坐在男友身旁但遭拒後，又再情緒失控。網上圖片

機艙上大哭大鬧被警告請落機

女子期間大哭起來「依家想我點呀，係咪全香港人都唔幫我呀！依家係佢做錯事！依家做錯事係佢喎！你係咪唔企我果邊呀！你哋係咪蝦我呀！」空姐安撫到：「我幫你！一齊去前面，一齊返屋企先，好唔好？！男人係咁㗎啦......」這時男方突然回應說：「你聽佢講？你聽佢講咩呀！我有，我X街死呀！佢精神病㗎！」有空姐示意他不要再出聲，女子聽聞又再嚎啕大哭：「你講咩呀！」空姐繼續安撫：「一人讓一步好唔好！我哋返香港先啦！一齊返香港，呢到點鬧都無用。」

幾位空姐不停安撫，但奈何女子仍不停哭鬧。網上圖片

航班延誤約35分鐘後才起飛

最後一對男女被機組人員請落機，而原定晚上7時25分開出的航班，要延誤1小時25分鐘才起飛。而一眾機組人員處理事件的冷靜態度及專業精神，則受到一眾網民的大讚「想讚機組人員處理恰當，明白事情起因，男女情緒起伏不斷，四個鐘機程不適宜飛行，情緒不穩相比遇到氣流更危險，請落機冷靜係好事，顧及全機人員安全和服務質素，被推到空姐盡心盡力公司必然加許，空組訓練有質素，讚！」、「若非HKExpress機組人員嘅專業服務，相信唔係delay 35分鐘咁少」、「辛苦晒空姐... 真係湊客」。

一眾機組人員處理事件的冷靜態度及專業精神，則受到一眾網民的大讚。網上圖片

近日網上流傳一段影片，一隻狗狗乖巧地叼著手挽袋跟隨男主人過馬路，惟途中袋疑被途人踢跌，狗狗無助望向主人，影片上載者代為發聲：「邊個衰人踢跌佢個袋！」事件引發網民熱議，不少人讚賞狗狗可愛，同時提醒狗主應繫上狗繩保障安全。

影片上載者代為發聲：「邊個衰人踢跌佢個袋！」。Threads截圖

狗狗乖巧叼袋過馬路

影片所見，該隻狗狗在行人路上等待過馬路，面前放著一個手挽袋。綠燈亮起後，身穿淺藍色上衣的男主人回頭呼喚，狗狗隨即叼起袋子緊隨其後。

男主人回頭呼喚，狗狗隨即叼起袋子緊隨其後。Threads截圖

然而當時路上行人眾多，狗狗的袋子懷疑被途人踢到，在接近對面行人路時掉在地上。狗狗無助地望向主人，主人亦有回頭察看，影片至此結束。不少網民大讚狗狗是「可愛的小助手」，對其遭遇感到心疼，並呼籲應幫忙拾回袋子。

狗狗的袋子懷疑被途人踢到。Threads截圖

網民籲狗主拖繩

雖然狗狗表現乖巧，但不少網民關注到狗主並未為牠繫上狗繩。有人指出：「過馬路又唔拖繩，又掛住睇電話，隻狗俾人踢咗個袋，企喺馬路嗰度佢都冇即時幫佢，其實都好危險。」

亦有人提醒：「鬧市又唔上繩，狗狗乖係一回事，但到時真係出事真係唔好喊又怨天尤人。」根據香港法例，體重達20公斤或以上的大型狗隻在公眾地方必須以不超過2米的狗帶牽引，否則一經定罪可罰款2.5萬元及監禁3個月。

網民紛曬「偶遇」照

事件亦勾起不少網民回憶，紛紛分享曾在旺角、太子一帶見過同一隻狗狗的照片及影片，包括牠叼著袋下樓梯、過馬路、進入商場，以及放下袋子安靜等候主人的情境。

網民紛曬偶遇照，亦有網民澄清：「個主人一拎佢個袋，佢就吠！」Threads截圖

網民紛曬偶遇照，亦有網民澄清：「個主人一拎佢個袋，佢就吠！」Threads截圖

有網民表示：「我上次喺旺角都見到，紅燈就放低個袋，綠燈就拎返起。」亦有人觀察到：「成日喺旺角太子一帶見過佢，感覺佢主人想show off（炫耀）佢隻狗多啲，有時人來人往都唔多理隻狗。」

可考「甩繩牌」豁免

法例亦提供豁免安排，狗主可為大型狗隻報考漁護署舉辦的「大型狗隻豁免規管考試」（俗稱「甩繩牌」）。考試分為「性情評核」及「控制能力評核」，後者包括測試狗隻在無牽引下隨行、面對陌生人、聽從召回指令及遇上其他狗隻時的表現。通過考試的狗隻會獲發專用徽章，在公眾地方必須佩戴於頸圈或胸帶上，方可免受狗帶牽引限制。

通過考試的狗隻會獲發專用徽章。Threads截圖