直播靈接觸｜周漢明師傅龍鳳胎「從兒格」承父業 玄學界各領風騷

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》昨晚（11月10日）主題為「雙胞胎命格」請來一門三傑周漢明師傅及龍鳳胎子女哥哥亦謙（Jacky）、妹妹亦彤（Thierry）。兩人大學時期分別修讀酒店管理及藝術，最後卻轉跑道繼承父業，轉行當風水師原來是應了命理學上的「從兒格」。

昨晚嘉賓周漢明師傅及龍鳳胎子女Jacky、Thierry。

昨晚嘉賓周漢明師傅及龍鳳胎子女Jacky、Thierry。

周師傅講起雙胞胎跟居住在「六運樓」有關，他說︰「嗰時同太太結婚都5、6年未有小朋友，太太好心急走咗去求金花娘娘，加上我哋住嘅係『六運樓』，最後求到孖胎。」所謂「六運樓」是建於1964年至1983年的樓房，配合風水擺設會容易求得孖胎。思浩問到Jacky及Thierry有否坊間經常提到的心靈感應時，Jacky說︰「無乜點為意，不過聽爸爸講過3、4歲時，佢話買六合彩，我同細妹同時間講出同一個號碼。」

周漢明師傅及龍鳳胎子女Jacky、Thierry。

Jacky又自爆由「弟弟」變成「哥哥」的由來，原來懷胎時Jacky被臍帶纏頸，要緊急剖腹取出，因此先出世變成大哥。講到心靈感應Thierry亦有類似經驗，有趟一家人旅行，睡到半夜發覺腳好痕，她說︰「開頭以為畀蚊咬，但第二朝起身又唔見有蚊赧，跟住就聽哥哥喺同一個地方畀蚊咬，先知原來係佢畀蚊咬，但係我都感覺到。」

Jacky搶閘出世由「細佬」變「大佬」。

目前周師傅的子女都繼承父業，在玄學發展各領風騷，周師傅解釋跟二人命格有關︰「佢哋命格係『從兒格』，唔係所有雙胞胎都係，呢種命格嘅人多數會跟爸爸做嘢。」他補充當懷孕時只要年月配合，玄學師傅就可以為客人擇日及時辰，誕下「從兒格」的子女。

Jacky、Thierry

至於電影中經常提到的「搶運」，在玄學中不太存在。Jacky及Thierry在外國讀書，最後繼承父業，哥哥Jacky表示都是順其自然，沒有太大掙扎。反而Thierry較戲劇性，她笑言是忽然開竅︰「原本係學畫畫，細細個爸爸都同我講叫我去追夢啦。」之後她由加拿大畢業返港工作生活單調，反思人生覺得宇宙很大，自己懂的不多，決定跟爸爸學習玄學風水。Thierry自成一派將風水結合室內設計，發揮對美學的品味闖出名堂。但她每遇有大事都會請教父親，Thierry笑說︰「例如感情事啦，不過問啲男仔攞八字，佢哋都叫我唔好畀爹哋睇。」

Thierry笑言遇有感情時都會請教父親。

Thierry結合風水與室內設計自成一派。

Thierry結合風水與室內設計自成一派。

Thierry結合風水與室內設計自成一派。

4位「港女野人」陳若思（Amber）、廖慧儀（Jessica）、胡美貽（Nicole）及何泳芍（Honey）再度化身「收納達人」，主持全新訪談節目《WD-40 萬能防銹潤滑劑呈獻 : 傾家‧入宅》，今晚（23日）9點35分及明晚（4月24日）9點半於TVB Plus（82台）播映最後兩集。

Nicole被踢爆愛在家中擺放鏡。

今晚請來玄學家周漢明及囡囡風水設計師亦彤（Thierry）父女檔上陣擔任嘉賓。周師傅專長風水、算命，囡囡Thierry在外國修讀藝術，結合傳承自父親的風水學，兩者合而為一將玄學時尚化。今集會參觀周師傅的家居，他自豪的說︰「粗略估計風水擺件，起碼有50、60件擺設同風水有關。」自踏入大門一刻，便步入周師傅的風水陣。單是大門口位便放有很多銅器，包括銅獅子用來鎮守家宅、銅瓶用意是增加人緣、6枚銅錢既有招財亦有化病功效、掛在大門的「蝠鼠吊金錢」擺飾亦是招財納福之用。至於石狗擺設則是出於Thierry手筆，作用是守護家門及招人緣。

玄學家周漢明及囡囡風水設計師Thierry。

周師傅家中有多個風水陣。

門口放有多款銅器擺設。

露台病位放有金鐘擋煞。

周師傅每日做課誦的地方。

周師傅當年斥重資購入古籍。

風水設計師Thierry傳承父親的玄學。

周師傅表示如此重視大門風水，是根據古老格言「千斤大門四兩屋」，他解釋當中原因說︰「門口重點作用係增強同化解，如果教客人會簡單啲，因為有啲人未必鍾意擺咁多飾件，咁我做呢行就不妨擺多啲。」而每月陣法都會隨需要轉變。他提到陣中最搞笑的是放在病位的金色鐘，年中為全家「頂」了不少病源，所以經常會壞並不時要換。周師傅又展示家中珍藏的一套絕世「鐵板神算」古籍，當年對術數沉迷至「發癲」程度，當得知有人出售這套絕世古籍加口訣時便斥60萬購入，當年夠買一層不錯的住宅單位。當時是暪住老婆行事，他笑說︰「如果同佢講實畀佢鬧，所以買嗰時佢唔知，係呢幾年先知，已經過晒氣唔緊要喇。」周師傅直言古籍啟發了對玄學的認知，成就今日的地位。

Thierry展示結合風水與設計的擺飾。

Amber及Honey對獨特擺飾愛不惜手。

此外，節目中Nicole被幾位姐妹踼爆家中放滿一屋鏡，周師傅忠告鏡不可以亂放，更有數大禁忌，包括︰不可對住門口、床頭、房門，他解釋︰「因為鏡會有反影，容易令人有錯覺，精神容易出現問題。我見好多家居設計師自己屋企鍾意用好多鏡，佢哋嘅職業經常要轉腦筋、諗嘢，可能會對佢哋設計有幫助。但擺錯位都會出毛病。」Nicole解釋屋企喜歡放鏡，但不會放當眼位，只會掛在門後或隔鄰，相信問題不大。