「唱作王子」馮允謙（Jay）早前以「J星文」透露即將開戶外騷大賣關子，引起熱話。演唱會海報終於曝光，正式宣布，明年1月17-18日於西九文化區安盛竹翠公園，舉行由寰亞娛樂及東亞娛樂主辦、AXA安盛呈獻《BLUE MOON WANDERLUST 馮允謙演唱會2026》。門票港幣$1080、$780、$580，下周一（11月17日）早上10時東亞銀行信用卡獨家優先訂票，Jay話齋「機會難能可貴」歌迷萬勿錯過！
馮允謙將於明年1月17-18日於西九文化區安盛竹翠公園，舉行《BLUE MOON WANDERLUST 馮允謙演唱會2026》。
今次是Jay首個個人戶外演唱會，隆重其事，推出以「月亮」這個自然元素做主題的海報。Jay還介紹今次影海報其中一位「拍檔」，他說：「因為今次演唱會名『BLUE MOON WANDERLUST』，同月亮有關，喺呢個咁精彩嘅布置，除咗我，仲有一位朋友：『月亮』，係一個藍色嘅月亮。我好似一個巨人，將呢個月亮放喺大自然裏面。」至於花花布置，他說：「今次演唱會充滿『愛』同埋『溫暖』，所以用花花營造呢種感覺。要多謝設計團隊好有心思整咗呢個布置，完全不同感覺，我好期待。」
點擊看圖輯
馮允謙將於明年1月17-18日於西九文化區安盛竹翠公園，舉行《BLUE MOON WANDERLUST 馮允謙演唱會2026》。
演唱會海報拍攝花絮
對於演唱會命名「BLUE MOON WANDERLUST」，Jay解說：「英文有一句諺語『Once in a blue moon』，意思係rare occasion（難能可貴）。就好似今次，係我第一次個人戶外演唱會，做完唔知幾時再有機會，係一個好特別、好難得嘅機會。而『WANDERLUST』 意思旅行、探索、走來走去，希望未來我嘅歌去更多地方，唱歌畀大家聽。」
演唱會海報拍攝花絮
每次Jay開騷，父母都會拉隊捧場，今次亦不例外，他說：「我諗佢哋會返晒嚟，每一次我開演唱會佢哋都好支持，因為每一個騷對我嚟講都係大件事，我好想同我愛嘅人一齊去享受，所以除咗屋企人，特別好想見到我啲Fans。」
演唱會海報拍攝花絮
演唱會詳情：
AXA安盛呈獻《BLUE MOON WANDERLUST馮允謙演唱會2026》
日期：2026年1月17至18日
時間：7:30PM
地點：安盛竹翠公園，西九文化區
票價：HK $1080／$780／$580
主辦機構：寰亞娛樂／東亞娛樂
東亞銀行信用卡獨家優先訂票
優先購票日期：2025年11月17日（上午10時）至11月19日（晚上11時59分）
優先購票渠道：www.hotdogtix.com或HotdogTIX手機應用程式
**東亞銀行信用卡持卡人請先登記成為HotdogTIX會員，以享優先訂票。
注意事項：有關票務詳情（包括官方售票途徑），請參閱稍後於購票網站公佈之條款及細則說明。主辦機構呼籲市民應循正式途徑購票，以免受騙及招致損失，及會涉及風險，並助長門票炒賣。
瑞典汽車品牌Volvo昨日（3月6日）於沙田新城市廣場舉行盛大記者會，迎來萬眾期待的旗艦純電豪華七座SUV Volvo EX90正式亮相。同場更驚喜展出全新純電豪華房車ES90，為香港電動車愛好者帶來雙重驚喜。活動特別邀請了Volvo品牌好友、唱作歌手Jay Fung馮允謙親臨現場，不僅與一眾主禮嘉賓共同為新車揭幕，更即席獻唱兩首歌曲，將現場氣氛推至高峰。
Jay Fung馮允謙
Jay Fung馮允謙
記者會邀請到瑞典駐港澳總領事貝樂儀女士（Ms. Louise Bergholm）、Volvo銷售計劃高級總監謝欣先生、維信汽車大中華CEO Robby Niermann先生，以及維信汽車香港區總經理曾耀民先生擔任主禮嘉賓。貝樂儀女士更在台上致辭，分享了瑞典品牌的創新、安全精神。
活動由黃心美擔任司儀，她首先介紹了Volvo近百年來以人為本，將安全作為設計核心的品牌理念。隨後現場播放了EX90的產品影片，展現這款旗艦純電SUV在北歐簡約美學與頂尖安全科技之間的完美平衡。
黃心美
在熱烈的掌聲中，唱作歌手Jay Fung出場。Jay Fung分享了他對Volvo品牌的喜愛，並提到自己在加拿大生活時，家人亦是Volvo的用家，對品牌的安全性能深感認同。隨後，Jay Fung聯同瑞典駐港澳總領事貝樂儀女士、謝欣先生、Robby Niermann先生及曾耀民先生，一同為萬眾期待的Volvo EX90進行揭幕。緊接其後，嘉賓們更移步至ES90所在位置，為另一驚喜新車純電豪華房車ES90揭幕，標誌著兩款全新純電車型正式登陸香港
揭幕儀式後，Jay Fung與維信汽車香港區總經理曾耀民先生留步，與司儀黃心美進行訪談。剛從加拿大放假兩星期回港的Jay Fung，心情特別愉快，分享道：「啱啱返咗加拿大放咗兩星期假，同屋企人一齊租場打冰上曲棍球，玩得好開心！不過因為成日同屋企人食好嘢，返港即發現肥咗十磅！」談到新車EX90的寬敞七座設計及特大尾箱，Jay Fung即顯得相當興奮：「以前喺加拿大成日同家人Road Trip去露營、滑雪、釣魚，當時要帶帳篷、燒烤爐同冰上曲棍球裝備，車尾箱成日唔夠用。見到EX90咁大嘅空間，載足全家人仲有位擺晒所有裝備，真係好適合我哋呢啲鍾意同屋企人去玩嘅人！」
雖然男性大多追求跑車的速度感，但從17、18歲開始揸車的Jay Fung卻有另一番體會：「揸車咁多年，我反而覺得安全比速度更重要。」他更笑言自己「睇位」技術一般，因此特別鍾情高身SUV：「高身SUV視野好好多，睇位容易啲，揸起上嚟安心好多！」他直言Volvo一直是安全的代名詞，與自己追求「安全第一」的駕駛理念不謀而合。
Jay Fung馮允謙
曾耀民先生補充道，EX90作為旗艦級純電七座SUV，不僅空間寬敞，Volvo更是一個以安全與健康為核心的品牌，近100年來致力守護每位乘客，並配備多項頂尖安全科技，包括照顧家庭需要的獨有內置式兒童安全坐墊，全面守護每位乘客。
分享環節結束後，Jay Fung以一首節奏明快的《齊柏林飛船》，寓意Volvo在汽車安全領域不斷突破界限，衝上雲霄的創新精神。緊接其後獻唱《給你幸福 所以幸福》，Jay Fung說：「同家人朋友坐喺Volvo咁安全豪華嘅車入面，一齊上山下海，幸福就係咁簡單！」歌聲與新車所傳遞的溫暖家庭價值完美融合，贏得全場掌聲。活動尾聲，維信汽車香港區總經理曾耀民先生公佈了萬眾期待的售價。 Volvo EX90 Plus：售價 HK$899,900起，Volvo EX90 Performance Ultra ：售價HK$1,399,900，Volvo ES90：售價 HK$$799,900起，而較早前已率先訂購EX90的準車主，更獲邀上台與Jay Fung合影留念，場面熱鬧。
Jay Fung馮允謙
