周吉佩新歌MV與女主角頭貼頭尷尬狂飆汗演繹悲傷情歌慨歎「好彩我宜家生活美滿」

娛圈事

周吉佩新歌MV與女主角頭貼頭尷尬狂飆汗演繹悲傷情歌慨歎「好彩我宜家生活美滿」

2025年11月25日 23:00 最後更新：23:55

歌手周吉佩（吉吉）日前推出今年第三首歌曲《為何我比不上他》，以K歌曲風唱出悲傷情歌，MV中攞正牌與女主角頭貼頭。

對於第一次推出K歌曲風，吉吉都感到很新鮮：「其實一直都好喜歡香港嘅K歌，由細聽到大，聽到呢首Demo 2日後，我個腦依然好記得佢嘅旋律，所以諗都唔駛諗就決定要唱呢首歌。」今次歌曲監製請了製作《用背脊唱情歌》的Patrick Yip，吉吉表示因之前與監製合作演出過，今次第一次與對方合作製作歌曲，感覺非常合拍：「監製對呢首歌期望好高，希望大家會喜歡呢首歌。」

點擊看圖輯

周吉佩（吉吉）日前推出今年第三首歌曲《為何我比不上他

新歌MV女主角今次找來獨立女子樂隊Fiester 主音蘇嘉齊（Alison），吉吉與女主角頭貼頭，又互餵對方食麵，表現親暱，吉吉表示：「頭貼頭嗰刻，因為天氣好熱，其實當時我滿頭大汗，要貼住對方額頭，真係非常唔好意思，更出動兩把風扇降溫。」為前樂隊主音的吉吉事前不認識對方，拍MV過程中與對方不斷交流音樂心得。

至於歌曲內容，講述第三者搶走自己心愛的人，吉吉話自己小時候都曾經經歷過：「對方係唔愛自己，自己付出幾多都無用，嗰刻個心真係好痛，其實唔係自己唔夠別人好，只係真正愛自己嘅人未出現，好彩我宜家生活算美滿啫。」

往下看更多文章

周吉佩帶老婆仔女飛泰國旅行延續「周氏傳統」著泰服影相留念

歌手周吉佩（吉吉）與太太婚後育有一對仔女，一家四口生活幸福美滿！作為第一屆《中年好聲音》的冠軍得主，吉吉工作、演出非常多，但他一有時間就會陪家人四圍去，而且他們一家更有個傳統，就是每去到一個地方旅行，就會換上當地的傳統服飾拍照留念，近日他們一家就去到泰國旅行！

吉吉在IG晒出一家人穿上泰國在鄭王廟打卡留影的靚相，並留言：「今次影泰服，適逢泰國入冬，温度非常舒適，鄭王廟好靚，泰服好靚，影相公司服務好好，因為不停播我嘅歌，仲話《為何我比不上他》好好聽！泰爽！」不少網民看過吉吉的帖文都紛紛留言大讚：「吉吉成個泰皇咁，影得好靚」、「一家人都好靚」、「俊男美女天生一對/真係好靚」、「吉吉、吉太好靚呀」、「吉吉一家真係好靚呀，吉太包包係公主，吉吉波波係王子，俊男美女！」