張柏芝日前（4日）驚喜現身上海樂高樂園，為細仔 Marcus（張禮承）慶祝7歲生日，引來不少遊客留意。當日她身穿鮮紅波點上衣，心情大好，全程陪住囝囝切蛋糕、砌樂高，仲一齊參與高達十米的星願樹亮燈儀式，超有節日氣氛。
張柏芝日前（4日）驚喜現身上海樂高樂園
為細仔 Marcus（張禮承）慶祝7歲生日
全程陪住囝囝切蛋糕、砌樂高
從現場相片可見，Marcus切蛋糕時表情超級認真，萌樣十足；玩樂時亦緊握媽媽的手，母子互動甜到爆。更令人留意的是，Marcus身高已衝上媽媽腰間，Marcus活潑又開朗。
Marcus切蛋糕時表情超級認真
單親媽媽張柏芝近年一貫奉行低調育兒，甚少曝光三子生活。今次破天荒陪細仔到樂園慶生，即惹來網民熱議。有粉絲表示，柏芝早前為大仔謝振軒慶祝18歲生日時同樣以家庭聚會為主，可見她不論對大仔細仔，都一視同仁、用心陪伴。
單親媽媽張柏芝近年一貫奉行低調育兒
「Remember記得‧鍾嘉欣演唱會」佛山站生日限定場星期六晚（4月18日）在嶺南明珠體育館圓滿舉行。鍾嘉欣 (Linda) 並非首次在佛山開騷，不過現場反應依然熱爆，全場座無虛席。作為一場別具意義的生日限定演唱會，主辦方特別設置了延伸舞台，讓Linda能與觀眾近距離互動。而全晚最大驚喜，莫過於兩位重量級嘉賓張柏芝 (Cecilia) 與曾比特 (Mike) 的登場，將現場氣氛推至高峯。
鍾嘉欣在演唱會後分享，選擇佛山作為2026年演唱會的首站，是源於她對這個地方的喜愛。她坦言：「上年第一次開演唱會就在佛山，反應好好，所以今年都揀呢個地方作起點。今次呢個場館有7千人，我第一次挑戰咁多觀眾，事前已經好期待。」她更盛讚佛山充滿人情味，生活節奏舒適，而且美食眾多，特別點名「雙皮奶真係好好食」。
為了給佛山觀眾帶來新鮮感，Linda在服裝上全面煥然一新，歌單亦新增了六首新歌，更特別加插一節勁歌熱舞環節，務求發放滿滿正能量。
鍾嘉欣與曾比特合唱夏日傾情
全晚最大驚喜，莫過於兩位重量級嘉賓張柏芝 (Cecilia) 與曾比特 (Mike) 的登場，將現場氣氛推至高峯。
談到兩位驚喜嘉賓，鍾嘉欣難掩興奮。她表示，張柏芝和曾比特都是她非常渴望合作的對象。她笑言：「曾比特，我喺社交平台睇過佢演出，佢把聲好靚，好欣賞佢。我好好奇佢把攣髮係咪真，一見到佢就想親手摸下！」而邀請到張柏芝，更是圓了她多年心願。Linda透露：「我2013年喺香港開演唱會已經邀請佢做嘉賓，不過嗰時佢檔期唔得。我一直都想再邀請佢，今年再嘗試揾佢，佢真係好Sweet，一口就答應。仲話只要佢個期得，啲工作調前調後，佢都會100%支持。我聽到佢咁講，覺得好感動同窩心。」
作為一場別具意義的生日限定演唱會，主辦方特別設置了延伸舞台，讓Linda能與觀眾近距離互動。
談到兩位驚喜嘉賓，鍾嘉欣難掩興奮。
鍾嘉欣形容，入行初期透過朋友認識張柏芝，對方在她心中一直是一位充滿愛心、樂於助人的大姐姐。「以前當我遇到難題時，我會請教佢，佢都會畀意見我。今時今日再見，呢個大姐姐嘅感覺，仲加咗一種好媽媽嘅親切。作為一個媽媽，佢係我學習對象。」
鍾嘉欣與嘉賓張柏芝溫情擁抱
「Remember記得‧鍾嘉欣演唱會」佛山站生日限定場星期六晚（4月18日）在嶺南明珠體育館圓滿舉行。
鍾嘉欣展現舞台正能量魅力
在表演環節，鍾嘉欣與張柏芝合唱了《目的地》和《任何天氣》兩首經典作品。Linda特別解釋點唱《任何天氣》的「私心」：「我希望柏芝可以唱這首歌畀我聽，因為這首歌內裡歌詞好有正能量。」而與曾比特合唱黎明金曲《夏日傾情》時，鍾嘉欣則笑言有種找回初戀的感覺，互動甜蜜。
剛於4月9日度過生日的鍾嘉欣，被問到如何慶祝時，她表示一切從簡。「生日喺香港簡簡單單咁過，好多朋友約我慶祝，但因為今次個唱關係，自己想閉關練舞同歌，唔想食咁多蛋糕，因為要Keep Fit。」為了以最佳狀態示人，她連生日蛋糕也忍口拒絕，專業精神可見一斑。
鍾嘉欣指邀請到張柏芝，圓了自己多年心願
