交易平台賣家腐爛垃圾當貓糧臭過排泄物 港女中伏報警 奉勸面交一定要檢查

有網民在網上發文表示，一名男子於二手交易平台Carousell稱賣貓糧，但面交後打開發現內裏竟是腐爛垃圾。事主一拆開包裝，一股腐臭味立即湧出，仔細察看發現內有疑似用過的衛生巾、垃圾袋、吃完的罐頭殘渣等等。她直言事件「惡心」和「恐怖」，並已報警。

樓主在二手交易平台Carousell買貓糧

樓主於社交平台Threads發文表示，因家中貓糧已用完，寵物店購買需要等貨，她心急下在Carousell購入，「買咗包頂住先，之前都試過咁做，正常係全新未開封，所以今次都冇太多戒心」。

交收完無檢查就匆匆離開

樓主原本想要求順豐收件，但對方堅持面交。當時她趕着去上班，交收完無檢查就匆匆離開。樓主指，回家拆開包裝，「一陣腐臭味即刻衝上嚟」。

樓主原本想要求順豐收件，但對方堅持面交。當事人帖文截圖圖片

中伏稱臭過排泄物

她再仔細察看，發現是一袋腐爛垃圾，有疑似用過的衛生巾、垃圾袋、吃完的罐頭殘渣。樓主直言「一邊影相一邊反胃到想嘔」，更形容「臭過排泄物」。

樓主中伏稱臭過排泄物。當事人帖文截圖圖片

再聯絡賣家但沒有回覆

樓主表示，之後再翻看賣家照片，「先發現佢後面有影到封口開咗，而我當時心急冇睇到。」但樓主萬萬想不到入面會是垃圾，「仲要係腐壞到爆嗰種」。事後她已不斷聯絡賣家，但對方沒有回覆。樓主指，「如果佢係有心咁做，只可以用惡心同恐怖去形容」。

再聯絡賣家但沒有回覆。當事人帖文截圖圖片

樓主奉勸面交一定要檢查

樓主亦奉勸網民，「面交一定要檢查，唔好再喺網上買開過封嘅食物，唔好貪方便，平冒險，永遠唔知對面係乜人，或者入面有乜，以後我會乖乖返寵物店買糧」。

有網民勸樓主報警

有網民勸樓主報警，「其實你要報警，雖然只係$190，但警方可以搵到佢出嚟㗎，你唔好姑息呢啲X街呀」。而樓主留言說已報警，「警方表示因為我已經收到貨，所以唔涉及詐騙，建議我搵海關，因為對方違反《商品說明條例》」。

有網民勸樓主報警，當事人帖文截圖圖片

網民表示：條友應該反社會

有網民表示，「佢仲要堅持面交，樓主你要唔要搵個師傅睇睇保平安，都唔知係咪啲過衰運儀式嚟」、「我覺得佢係想見證你打開嗰下，所以堅持面交，點知你冇check」、「應該係心理變態」、「條友應該反社會」、「黐線好核突呀！條友應該黐線㗎喎，以後交收一定要check清楚」。

不少大人小朋友都喜歡夾公仔，但要夾到心儀的公仔絕非易事！日前有顧客向連鎖超市AEON（永旺百貨）投訴，指店內的夾公仔機「好似唔想比人夾到咁」，好難夾到公仔。店長於是親筆回覆，並提供「教學攻略」，傳授3大心得！

有顧客投訴AEON店內的夾公仔機「好似唔想比人夾到咁」。AEON FB圖片

顧客投訴：好似唔想比人夾到咁

有網友在社交平台分享日前在AEON店內留言版上影到的其中幾張「顧客心聲」及「店長的話」，並以「Aeon店長教你夾公仔」為題發文。只見其中一名顧客留言自稱一向都很支持AEON，唯覺得店內的夾公仔機「好似唔想比人夾到咁」並質問店家「有無需要set 到咁難」坦言「大家嚟玩都係想開心」。

threads 圖片

店長分享三大夾公仔心得

而店長在翌日隨即親筆回覆表示，現和顧客分享一些夾公仔的經驗，稱「希望可讓閣下輕鬆取得心儀公仔」。店長列出三大心得，首先指出要「觀察公仔擺放位」，盡量選擇近出口位置的公仔，若心儀公仔不近出口位置，可先投幣將公仔移至近出口位，同時亦可觀察公仔夾的力度。

店長在翌日隨即親筆回覆。threads 圖片

第二是「借力將目標推至出口」，若多次也夾不中，便要將夾夾向目標旁的公仔，令目標公仔更接近出口位。

最後店長指需「注意公仔重心點」，盡量避開頭，置中位置，因重心重，若公仔較大重心較重，夾子會不夠力，故要選四肢或非重心位置。

店長在翌日隨即親筆回覆。threads 圖片

網讚：好用心既回覆！

帖文一出即引來網民熱議，有人大讚「店長手字好靚」、「好用心既回覆！」、「好欣賞呢啲小事認真做嘅人」、「顧客同時仲得到想要嘅答案，簡單嘅回應睇到店長的文化修養」，有人就搞笑稱「店長：我盡左力啦，咁都夾唔到真係幫唔到你」。