港男替亡父申請寬頻轉名遭拒 客服竟要求「死者簽名」網民：自己去搵先人簽

一名港男於網上發文表示，其父親去世後，他向寬頻公司要求寬頻合約轉名。但客戶服務員堅持要「亡父」親自簽名，強調「你爸爸唔簽，轉唔到你名」。幾經辛苦成功轉名，沒想到又因更改支付方式，再被客服要求「亡父」親自簽名作實，令樓主嬲爆。

替亡父申請寬頻轉名遭拒

樓主於社交平台Facebook群組「小心駕駛(討論別人駕駛態度)」發文，講述辦理「亡父」寬頻合約轉名的離譜經歷，「OT ……發生喺我身上」。

樓主替亡父申請寬頻轉名遭拒。資料圖片

樓主表示，由於父親去世，他向寬頻公司要求把父親的寬頻合約轉到其名下。惟客服人員竟堅持要父親親自簽名，令他不解問「佢哋叫我老竇返簽名，我話死亡證都畀埋你，簽咩嘢名呀」。

客服要求「死者簽名」

客服回覆「你爸爸唔簽，轉唔到你名……」。樓主反駁「咁我喺咪要叫返佢起身，去你屋企，簽名畀你呀？一係你而家叫人拎份嘢過嚟九龍大酒店，我叫佢行落嚟同你簽好冇呀」，又明言「你處理唔到，就叫你上司處理，唔好嘥我時間」。

客服回覆「你爸爸唔簽，轉唔到你名……」資料圖片

轉換支付方式出現問題

樓主指，寬頻合約轉名後不久，發現轉換支付方式出現問題，「明明已經叫佢改埋支付方式，都仲喺要draw我老竇張咭（信用卡）」。

寬頻合約轉名後不久，發現轉換支付方式出現問題。資料圖片

被再次要求父親親自簽名作實

他於是再向客服反映，沒想到對方再次要求其父親親自簽名作實，令樓主嬲爆，「又發生同一樣嘢，又喺叫我老竇簽名作實……今次我已經唔想同佢再講，直接叫佢經理處理」。

樓主不解為何會錯2次

樓主續指「經理一聽到係我已經冇乜好講，我都直接講……係我吖，又係我吖，冇咩嘢我都唔想再聽到你把聲㗎啦。佢都好無奈」。樓主感嘆，「真心唔明，錯1次都算，連錯2次，到底要幾難先做到呢……」。

樓主不解為何會錯2次。資料圖片

網民都感傻眼：自己去搵先人簽啦

網民認為客服處事手法難以理解，「啲客服係咪搞事」、「叫佢哋自己去搵先人簽啦！唔係一條龍服務，咁樣唔得喎」、「一早叫客服燒份嘢落去簽咪得囉，轉名咁麻煩，喺冥通銀行做埋自動轉賬，一條龍搞掂」。

本港一名68歲婆婆近日在社交平台分享獨自前往日本福岡旅遊的經歷，迅即引發網絡熱話。

本港一名68歲婆婆近日在社交平台分享獨自前往日本福岡旅遊的經歷，迅即引發網絡熱話。Threads截圖

為Pokemon水渠蓋行足個半鐘

這位自稱「金髮旅遊」的婆婆在帖文中劈頭寫道：「68歲的獨旅有乜唔同？」相中的她身穿深色上衣、灰色長褲配白波鞋，在機場閘口前笑容燦爛，打扮輕鬆有型。

68歲婆婆依然活力滿滿！Threads截圖

婆婆去了福岡LaLaport與高達合照。Threads截圖

她的行程絕非一般長者慣常的悠閒模式，反而充滿挑戰與活力。她透露旅程中「坐巴士周圍去，行攰咪食下tea，買衫買鞋」，更專程朝聖「Pokemon Centre」，甚至「為咗幾個水渠蓋，行咗成個幾鐘」，連自己也笑言「太顛，下次咪啦」。

婆婆專程朝聖「Pokemon Centre」。Threads截圖

網民質疑「報大數」

帖文一出，大量網民對她的外貌與心態表示難以置信，留言質疑：「靚姨，你最多58，不要騙我們哦」、「你邊忽68！？曬命post」。婆婆展現出過人幽默感，風趣回應：「我冇啊法官大人」、「個殼呃人啫，細胞已老」，又笑說：「咁快啲戴返對黑超。」

婆婆指，「為咗幾個水渠蓋，行咗成個幾鐘」。Threads截圖

婆婆指，「為咗幾個水渠蓋，行咗成個幾鐘」。Threads截圖

婆婆指，「為咗幾個水渠蓋，行咗成個幾鐘」。Threads截圖

當有網民考問她是否認識其他Pokémon角色時，她如數家珍地舉出多個英文名稱，證明自己是貨真價實的Pokémon Go玩家。她解釋玩遊戲是為了「同下一代保持聯繫」，到各地Pokémon中心則是為了「朝聖兼打道館」，創造共同回憶。

勇氣來自「想知自己得唔得」

原來這次並非婆婆首次獨遊，早在2025年10月臨近68歲時，她已成功「解鎖」人生首次7天沖繩獨旅。當時她已分享「不能眾樂樂，不如獨樂樂」的心得，全靠Google Map、巴士和單軌列車走遍天涯。她曾表示該次經驗令她信心大增，更預告會再訪日本其他地方。

婆婆影的美景。Threads截圖

婆婆影的美景。Threads截圖

對於不少網民表示不敢獨遊，她鼓勵道：「勇氣來自想知道自己得唔得」，並建議「先喺覺得言語自由嘅地方獨遊一下先，學識用Google Map就會大膽好多」。她分享即使不懂日文，只要懂講「多謝、早晨、唔好意思就橫行天下」，拍照則可靠「搵路人映相」，因為當地人都「好nice」。

運動與心態是不老秘訣

婆婆能保持如此活力，與其積極生活態度密不可分。她透露自己熱愛運動，主要打羽毛球，也玩乒乓球、桌球和行山。她坦言「保持健康先可以走得更遠」，即使曾扭傷背肌，康復後依然活躍。除了運動，她認為心態同樣重要，要「思想跟貼啲潮流，與時並進嘛」，並對新事物充滿興趣。過去她亦曾探討染髮問題，思考是否接受自己的白髮，展現出坦然面對歲月的豁達態度。