網民出奇招引入「四腳蛇大軍」 五日剿滅曱甴巢穴 過來人警告：或引發另類噩夢

香港氣候溫暖潮濕，不少家庭都會煩惱如何消滅蟑螂，不少主婦感歎，即使每日認真清掃，廚房仍會不時出現蟑螂，令人不勝其擾。

示意圖片

日前有網民在Threads發文分享，其住所過去三年飽受曱甴侵擾，家人試盡坊間各種殺蟲藥均無效。最終，走投無路的他從爬蟲店購入10隻四腳蛇，組成「四腳蛇大軍」應戰。結果竟然出乎意料，短短不足五日，家中曱甴已被徹底消滅。

threads圖片

threads圖片

該名網友稱，即使投放四腳蛇約兩個月後，家中幾乎再無曱甴蹤影，連帶螞蟻、蚊蠅等害蟲亦見減少。他指這群四腳蛇大軍平常大多躲在雪櫃、梳化底下，半夜才會出來活動，更形容牠們「意外地帶點另類的可愛」。

示意圖

帖文曝光掀起網民熱議，有網民亦分享，家中因長期有壁虎進駐，曱甴數量極少，亦有同樣不堪曱甴煩惱的網友指，將屋外的壁虎引入室內，一個月內便能告別曱甴困擾。

threads圖片

不過這招「以蟲治蟲」的方法並非百分百無副作用，有自稱是過來人的網友大吐苦水，提醒大家隨時引發新一輪衛生災難，原來壁虎糞便無處不在，窗台、床頭、牆壁都會留下難以清潔的黑色屎跡，清潔過程堪稱噩夢。

threads圖片

該網友指，更令人困擾的是，壁虎偏好在衣櫃等陰暗處產卵，試過打開久未穿的衣物，竟然發現破碎的蛋殼碎片，相當噁心。此外，壁虎喜愛溫暖狹窄的環境，不少網民在拆卸冷氣機或更換插座時，才發現已成壁虎「墓地」及「 產房」，堆滿乾屍與蛋殼，畫面十足驚悚。

下個月21日就係父親節，連鎖餅店美心今年推出兩款創意造型蛋糕，點知蛋糕相片一出，即時喺網上掀起熱烈討論，網民反應兩極，有人直指造型似足「祭品」，亦有人大讚夠晒創意。

threads圖片

有網民日前喺社交平台分享喺門市影到嘅蛋糕相，配文寫道：「豆腐火腩飯蛋糕好似上香做忌咁，好地獄」。從相片所見，兩款蛋糕分別係「豆腐火腩飯蛋糕」同「出前一丁餐蛋麵蛋糕」，全部以碗裝造型呈現。其中「出前一丁餐蛋麵蛋糕」直接用上經典紅色出前一丁包裝設計，頂部用奶油擠出密密麻麻嘅「公仔麵條」，再鋪上兩隻荷包蛋同一塊厚切午餐肉造型甜點；而「豆腐火腩飯蛋糕」則喺表面鋪滿模擬米飯嘅脆米，上方堆疊着像真度極高嘅「火腩肉塊」、「豆腐」同綠色蔬菜做點綴，賣相相當逼真。

threads圖片

帖文一出即引來大批網民留言，意見兩極。部分網民對蛋糕造型大感不解，紛紛留言狂轟：「好似祭品」、「真係唔知邊個approved」、「係咪同紙紮舖搞cross over」、「好核突，買唔落」，反應相當負面。

threads圖片

不過，另一邊廂亦有大批網民力撐產品夠晒新意，留言反擊：「又幾有創意喎，多個選擇啫。香港人真係厭尖聲悶，永遠只有彈，唔會讚」、「算係整得幾靚」、「其實好有創意」、「好有創意喎，邊度似啊？幾有諗頭呀，欣賞下得唔得，成日食嚟食去都係嗰啲懶靚嘅蛋糕，呢啲男人鍾意喎」。更有網民表示「好特別，想試晒兩款」、「坊間都好多呢啲造型蛋糕，以呢個價錢算係好抵」，甚至有人搞笑問：「有冇沙嗲牛肉麵？我老公鍾意食呢個」，令討論區瞬間變成「創意蛋糕點評大會」。