社會事
大埔宏福苑一場五級大火，讓無數災民無家可歸。部分受影響居民獲安排入住尖沙咀皇家太平洋酒店。日前一名宏福苑居民就在網上撰文， 感謝酒店員工及義工在艱難時期提供無微不至的照顧，包括安排每日三餐、洗衣服務、專車接送學童， 更特意送上玩具安慰小朋友，讓剛剛遭遇巨變的事主，感受到香港人的溫暖。
巴士的報記者攝
事主在facebook群組「大埔 TAI PO」發帖，據其分享的相片可見，酒店房間內備有家電、生活用品及玩具。事主特比提到感謝皇家太平洋酒店員工及管理層：「喺我哋宏福苑居民遇到困難嘅呢段時間 ，你哋嘅關懷同幫忙 ，令我哋覺得好溫暖。 多謝你哋為我哋安排好每日三餐，幫手洗衫，仲專登安排車接送小朋友番學放學，又特登送玩具上房畀我嘅小朋友，令佢喺呢段時間都可以好開心。」
大埔宏福苑火警。巴士的報記者攝
fb圖片
事主曝光引來大批網民留言支持：「我這幾天都遇到好多好人，有人知道我係災民都給我打氣。感謝你們 」、「感謝酒店各人及義工Yen幫忙」、「安頓好以後調整心情，重新出發，take care」
不少車主都視自己的愛車如珠如寶，不容許車身有任何花痕，日前就有網友在街頭驚見一架紅色私家車，車身竟佈滿了疑似小童的塗鴨，於是拍下照片，上載至社交平台和網民分享，並寫到「聽講Threads好易搵人，想同呢位爸爸講聲，好欣賞你架車，好欣賞你嘅豁達」怎料帖文真的引來車主親自回應。
車主疑似育有兩兒
由樓主分享的相片所見，一架紅色跑車的車身、甚至倒後鏡都疑似被小童畫滿塗鴨，而車窗位置下面更貼有英文字母貼紙組成的英文名，車身亦寫着「哥哥」、「弟弟」等字眼，所以估計車主是一位父親，並育有兩名兒子Marcus及Mike 。
網讚：呢位爸爸好sweet好正呀
除了樓主，令人注目的紅色跑車同樣引來不少網民的關注，大家都讚車主好有愛，留言「家庭關係一定好好」、「全球限一，絕無同款」、「好過好多老豆，有啲自己小朋友喺架車入邊食嘢都唔俾喊打喊殺咁 」、「呢位爸爸好sweet好正呀」、「冇畫過嘅Tesla喺廠有幾萬架，畀自己細路呢個歲數畫過嘅得一千零一架」、「Marcus同Mike記得珍惜你老竇」。
估或貼了車膜不怕被塗鴉
有網民就覺得車主應該貼了車膜，所以不怕被塗鴉，任由小朋友在愛車上揮筆「一睇就知貼左膜，對賣二手車無影響 」、「畫花晒咪貼過套新嘅」、「貼咗膜的話會笑 無貼膜的話會笑中有淚 」、「其實噴少少酒精就抹得甩，但呢位爸爸冇咁做」。
車主回應：只要一對仔仔開心就好
之後樓主再留言，指帖文竟然獲得車主親自回應，「車主睇到了！Threads好強大。佢話只要一對仔仔開心就好，祝佢哋家庭幸福，小朋友開開心心快高長大。」
有網民竟然在街頭搵到第二位同樣好豁達的爸爸。threads 圖片
有網民竟然在街頭搵到第二位同樣好豁達的爸爸。threads 圖片
天下豁達的爸爸何止得一位?
有趣的是有網民竟然在街頭找到同樣豁達的爸爸，車身畫滿了小童的塗鴨，或被貼滿了貼紙。令不少網民大呼「Daddy is the best！」、「好有愛」、「錫到燶」、「So sweet」
