餐廳老闆貼告示坦白暫停晚市原因 網民感動：他真係愛佢嘅小朋友！

仔女學校成績表現都是父母關心的課題，如果成續不如理想，甚至每況愈下，相信家長都會覺得責無旁貸。近日有網民在Threads分享一張食店的告示，上面寫到將暫停晚市營業，但原因就引來網民熱議。

threads圖片

樓主：全世界都知道你成績差了

由網民分享的告示見到店主寫着「由於孩子功課成績欠佳，需多些陪伴，故此暫停晚市營業」，並寫上營業時間改由早上7時至傍晚6時15分，即不做晚市。「全世界都知道你成績差了」樓主就覺得店主咁樣向街坊說出不做晚市的理由，變相將仔女成績不好公告天下。

示意圖。AI生成圖片

網憂：公開侮辱小朋友可造成心理損害

帖文引來不少網友的留言「孩子：唔係市道差，係我差」、「我幫佢孩子補習，佢包我三餐可以？」。有人就認為店主出這樣的告示會傷害孩子的自尊心，「公布晒自己小朋友『成績差』，咁樣公開侮辱小朋友可以造成心理損害。其實佢可以就咁講『我夜晚需要教小朋友做功課／溫書，晚市停業』」不過有網友就覺得「人哋只係比較直白去講出真心話，同埋佢都係只係講欠佳。定係你覺得應該要寫『未如理想』感覺上會禮貌啲？」。

設計圖片

網讚：香港有幾多父母可以做到

亦有不少人被店主的決定所感動，「我淨係睇到父母真係真正愛佢嘅小朋友」、「雖然小朋友功課成績差可以請補習，但係佢哋都唔會全部假手於人要自己睇返，香港真正有幾多父母可以做到」、「我覺得這張要好好留着，將來小孩子會知道，他的父母親為了他的前途，願意犧牲掉賺錢、休息的時間」。

資料圖片

樓主擔心小朋友或他同學見到帖文

而樓主在出PO後的第二天，都留言說擔心店主仔女的同學見到個帖文，憂「個細路後日返學應該點面對同學」更說會「求神拜佛個細路同佢啲frd 唔好有 Threads 帳號 」

曾被譽為港島動漫電玩聖地的灣仔東方188商場，近年人流大減，被網民形容風光不再。

有網民指，灣仔東方188商場風光不再。Threads截圖

「老翻之場」變死場

有網民近日在社交平台分享，於平日晚上7時黃金時間到訪，場內僅剩零星顧客，不少店舖拉閘未營業，感慨「港島昔日第一大場都係呢個光景」，引發一眾網民懷緬該商場昔日的熱鬧歲月。

一眾網民懷緬該商場昔日的熱鬧歲月。Threads截圖

90年代開幕成潮流集中地

東方188商場於1992年開幕，曾是港島區動漫、遊戲、玩具及潮流用品的集中地。在90年代末至2000年代初，更因售賣盜版影音產品而一度被稱為「老翻之場」。然而，隨著網購盛行、北上消費成風，加上疫情後零售模式轉型，商場人流與生意明顯下滑。有網民指出，自2014年地下漫畫店結業後，已逐漸少訪該商場。

一眾網民懷緬該商場昔日的熱鬧歲月。Threads截圖

網民懷念昔日盛況

帖文引發網民集體回憶，紛紛留言描述當年盛況：「以前買Game排到落樓梯」、「小學成日蒲188買日本CD同偶像相」、「當年百花齊放，有Game、有CD、有衫褲鞋襪，甚至有小食店」。亦有人分析沒落原因：「時代變，上網咩都有得買」、「一個Steam已經KO咗佢一半」。

有網民指，自從地下天朗漫畫店在2014年結業後，就少去了188。Threads截圖

僅餘老店苦撐

如今商場內僅餘少數老店如懷舊CD舖、皮革銀器店等仍在經營。有網民無奈表示：「已經算好啦，仲有人行，之前嗰排好似仲慘啲。」亦有人總結：「好肯定零售模式冇得返轉頭。」