「麥花臣節2026」首輪陣容率先公佈 農夫首辦廣東話棟篤笑大賽Teddy Fan呼籲歌迷「帶多件衫」

位於旺角心臟地帶的麥花臣場館，每年舉辦約200場本地歌手音樂演出及文化活動，不少本地以及外國歌手亦曾於場館留下精彩演出時刻。麥花臣場館除了是本港最炙手可熱的中型表演場館之一，更是本地音樂的搖籃，為正在追夢的音樂人及藝術家提供展現實力的平台！每年麥花臣場館於一月至四月期間舉辦年度音樂盛事「麥花臣節」，提供豁免租場名額及青年培訓計劃，而今年的「麥花臣節2026」更邀得不同的歌手單位合作，日前已正式公佈先由農夫與Teddy Fan 范梓謙打頭陣，更預告即將陸續公佈更多強勢陣容加入！

陸永

C君

農夫

農作天下頭炮力作  C君：「人哋最平嘅票價，係我哋最貴嘅票價，仲要睇兩場。」

農夫最近開設工作室「農作天下」(So Fa So Cool)，隨即宣佈頭炮製作 ——「麥花臣節2026」的廣東話棟篤笑大賽「港笑」，更是兩人首次以主辦單位身份做騷！陸永直言是個「唔太生嘅生意」，他說：「因為我哋想試吓自己嘅製作能力，可以做到個主辦，好彩又有麥花臣同我哋合作，解決咗好多場地嘅問題。」C君笑謂幸好平日夠八卦：「（我）鍾意去留意唔同嘅嘢，又會參與創作，所以今次做主辦要處理嘅嘢，都近乎想像之中嘅，只係當中好多細節比想像中複雜，handle到嘅。」他更力推所有表演者都要試做一次主辦：「你知道點去計budget、計人手，更加有利之後嘅創作，真係成個視野唔同晒。」陸永解釋為何這個活動不是「生意」，亦趁機宣傳：「因為想多啲人睇，所以我哋個票價真係非常合理。」C君接着說：「人哋最平嘅票價，係我哋最貴嘅票價，仲要睇兩場，初賽同決賽！麥花臣又好坐又夠冷氣。」

農夫向來鍾情棟篤笑，希望藉着這次的比賽引起更多香港人留意，陸永說：「我唔知道我哋能力有幾多，想盡量多啲人認識就好啦。棟篤笑喺香港唔係一個好流行嘅表演方式，可能聽落好容易，一個人上台講十幾分鐘咋喎，但係成件事要度幾耐呢？有人會度一年、兩年、四年，係一樣千錘百煉出嚟嘅嘢，勇氣好緊要！」C君認同肯上台表演棟篤已經好有膽識：「大家要畀自己多啲自豪，尤其喺整個世界都處於較多不快樂嘅時間，去做棟篤笑，起碼令人笑吓、放鬆一下，係一件好偉大嘅事。」他們期待所有參賽者，完成比賽仍會繼續做：「甚至下個麥花臣節有佢哋自己嘅專場就最好啦。」現時已收到過百份參賽報名表，完全超出他們想像。陸永私心分享他的小貼士：「可能嚟參賽嘅，唔係做開棟篤笑嘅名人，最好最好要介紹到自己先，因為我要知道你係邊個，先可以投入到你嘅世界。唔使好複雜，好似『我係一個廚師』咁之後就可以講關於廚房嘅，或者飲食界嘅笑話㗎啦。」提到麥花臣場館，他們曾經在場館做過多次演出，最難忘是場館自由度很高：「有次我哋喺個台度邊化妝、整頭，啲觀眾邊入場，我哋就同佢哋傾偈，之後完騷就送客，企喺門口逐個握手，估唔到我哋都握咗成個鐘，辛苦場館啲同事。」

Teddy Fan

Teddy Fan

Teddy Fan

Teddy Fan

Teddy Fan

Teddy Fan

Teddy Fan騷名為「BOSS GAME」  廣邀好友任神秘嘉賓

至於另一個將在「麥花臣節2026」的音樂人Teddy Fan 范梓謙，亦會在場館舉辦首個音樂會！他興奮地表示：「個騷會叫BOSS GAME，即係打大佬關！我一開始出歌，最想都係有一個自己嘅騷，呢兩年過五關斬六將終於有，對我嚟講就是打大佬嘅時刻。所有觀眾就係我大佬，我要畀一個好嘅演出大家睇。」他透露已邀請好友們一齊玩，笑言到時要帶多件衫：「基本上我係好想做一個好睇嘅Band Show，始終我係Band出身，所以今次我哋主要玩Band，當然有我嘅導師、好兄弟，我好希望同佢玩一個好開心嘅晚上。仲有個重點就係，我所有歌都會玩自己作，或者有份作嘅，冇Cover歌，很多快歌，所以希望大家入場的時候，因為睇呢個騷會（跳）到好攰！」各位樂迷敬請期待！

Teddy又大讚麥花臣的音響很好：「我自己每次嚟都幾鍾意，又係個好啱做Band Show嘅地方。我自己喺麥花臣都演出過好多次，作為一個結他手，我幾鍾意。由我自己出歌到而家，一直暗地想自己第一個Official演唱會，一定要喺麥花臣，我覺得咁係最好去呈現我自己音樂嘅地方。」他表示能夠在麥花臣場館開騷，絕對是音樂路上的一個Check Point！

喜迎馬年，財來運起！今日（大年初三）沙田馬場吉星高照，賀歲氣氛熾熱，香港賽馬會年度盛事「馬年賽馬日」圓滿舉行，吸引大批市民及旅客把握新春佳節入場接財神、沾旺氣。適逢馬年，馬場賀年活動豐富多彩，除了緊張刺激的「馬年盃」賽事，更有「新春綜合匯演」揭開序幕，祝願各位馬運亨通、心想事成！

郭富城

「新春綜合匯演」巨星雲集 歌舞喜迎馬年
今年「新春綜合匯演」陣容鼎盛，由樂壇天后陳慧琳（Kelly）打頭陣，化身「財運吉星」送上連場勁歌熱舞，瞬間點燃全場氣氛，為觀眾注入滿滿活力與新春祝福。緊接登場的鬼馬組合農夫FAMA首度踏足馬匹亮相圈舞台，以幽默風格獻唱熱門作品，更與玄學家麥玲玲師傅驚喜合體，演繹經典Rap作《風生水起》，寓意新一年大家風生水起、財源廣進，引得全場笑聲不絕！

一連串精彩的歌舞表演後，馬會一衆董事及高層聯同主禮嘉賓主持醒獅點睛儀式，醒獅獻瑞、財神賀歲，加上一眾騎師向觀眾拜年送福，祝願大家馬年行大運、豐衣足食。

陳慧琳（Kelly）

「馬年大使」郭富城 到場共賀馬年 為《融馬》雙駿藝術雕塑揭幕

今年活動更邀得歌影王者郭富城首度以「馬年大使」身份親臨沙田馬場，參與焦點賽事「馬年盃」的頒獎儀式，並與香港賽馬會行政總裁應家柏為當代藝術家馬興文的《融馬》雙駿藝術雕塑揭幕。郭富城表示：「馬一直象徵力量、毅力與不斷向前的精神。適逢馬年，在『馬年賽馬日』這個特別的日子來到沙田馬場，別具意義。很高興以『馬年大使』的身份參與其中，與大家一同感受賽事的激情，以及藝術、文化與馬匹精神匯聚的獨特氛圍，祝大家馬年行大運，馬到功成，心想事成！」

「財運吉星」樂壇天后陳慧琳 狀態大勇 分享家庭賀年樂
被譽為「人生勝利組」的天后陳慧琳（Kelly）事業家庭兩得意，今年特別化身「財運吉星」送上正能量。事隔三年再度踏上馬場舞台，Kelly 狀態大勇，一氣呵成演繹三首金曲，包括《大日子》、《失憶週末》及《歡樂年年》。她亦開心分享農曆新年與家人溫馨共聚的點滴：「每年新年最期待同家人一齊吃團年飯再去逛花市，一家人整整齊齊就是最圓滿的福氣。」將這份家庭溫暖轉化為舞台能量，Kelly 興奮表示：「馬年充滿活力與機遇，入馬場不但可感受熱鬧新春氣氛，更是接好運、招財氣的最佳去處！祝大家新一年龍馬精神、馬力十足，家庭幸福如春暉滿堂！」

陳慧琳（Kelly）

農夫FAMA x 麥玲玲師傅 搞笑互動派開運攻略1
首次在沙田馬場演出的農夫FAMA，以招牌幽默與觀眾互動，笑言：「馬年一定要做三件事：一係入馬場轉個風車行大運，二係同財神selfie吸財氣，三係學我哋同玲玲師傅合唱《風生水起》，包你全年順風順水！！」麥玲玲師傅除獻聲合唱外，亦介紹馬迷到訪不同馬場熱點開運1：「馬年想催旺財運同人緣？入場先到 馬匹亮相圈沾「聚氣納財」附近聚旺氣，再去凱旋門附近勝氣接旺勢，最後到 天馬驛補充能量，寓意新一年 好運在握！」

馬年賽馬日黃金大抽獎2、多個新春打卡位、特色美食與吉祥禮遇 共度圓滿賀年體驗
新一年運勢如馬力全開！活動當日於下午3時30分或之前入場的觀眾能夠參與「沙田馬場日日賞呈獻：馬年賽馬日黃金大抽獎」2，贏取合共1,888份徐悲鴻藝術委員會精選馬年典藏藝術品，當中包括多份黃金精品！沙田馬場內更特設多個新春主題打卡位，包括兩匹由當代藝術家馬興文精心打造的約4米高《融馬雙駿》藝術雕塑、巨型風車及桃花陣，讓賓客邊行大運邊打卡留下新春紀念。場內亦有賀年美食，指定小食亭及「好賞食」提供多款寓意吉祥的馬年限定菜式，如象徵「盤滿砵滿」的烤大蝦撈起及寓意「好事年年」的金蠔冬菇，讓大家大飽口福。

農夫與麥玲玲

1 嘉賓意見只供參考，並不構成任何建議。
2 推廣⽣意的競賽牌照號碼：61089-90（只適⽤於⼤抽獎）。此抽獎只適用於2月19日下午3時30分或之前完成指定登記之參加者，活動受條款及細則約束。圖片僅供參考，實際禮品外觀和顏色可能會有所差異。

郭富城