年度盛事《澳娛綜合呈獻：萬千星輝頒獎典禮2025》於今晚（1月4日）假澳門上葡京綜合度假村—上葡京綜藝館隆重舉行，曾展望（GM）與葉蒨文（Sophie）以情侶檔現身紅地氈，GM一身白色西裝，與Sophie一襲粉色公主裙可謂襯到絕！
本網記者攝
本網記者攝
二人笑言連前無夾過，GM更賣口乖大讚Sophie是公主，而每日都好靚好有新鮮感，更對女友得獎好有信心！Sophie亦讚男友有白馬王子feel，更宣示主權：「不過淨係屬於我一個㗎！你哋唔準覺得佢係！」同樣亦對男友得獎有信心！
本網記者攝
本網記者攝
被網民推舉為「男飛躍、女飛躍」大熱，GM表示：「我覺得係開心嘅，增加信心在於就係如果 之後做嘢都會有信心啲，因為覺得觀眾都好認可我哋嘛，咁但係對獎項呢樣嘢有信心嘅同時都係平常心啦，即係有冇獎，有獎梗係開心啦，但係冇獎有觀眾支持都好開心！」問到如果兩位一齊得隨會否以「結婚」慶祝？Sophie表示：「我哋應該會慶祝㗎，但我哋個慶祝方式有啲特別，我哋就係明日即刻去返工呀，我哋明朝一早已經要去出trip，所以今日係凌晨返到香港，執埋行李就即刻走，應該冇得瞓」，並透露將會合作拍攝新春節目《一馬當先行大運》，到訪內地不同的廟宇。
本網記者攝
