孔德賢晒參加內地烹飪比賽花絮照 第一輪即做小隊長挑戰用豆腐為100人準備一餐飯

28歲的TVB小生孔德賢（Danny）出名熱愛又擅長多種運動，但想不到原來他的廚藝同樣精湛，日前他在社交平台透露參加內地烹飪競技比賽《開灶少年團》，並晒出參賽的花絮照。

孔德賢參了內地烹飪競技比賽《開灶少年團》。

孔德賢指去年九月第一次去到內地拍攝綜藝節目，但想不到竟然是一個烹飪競技比賽，「由Online面試，再飛去北京試煮一次嘢食俾佢哋食，到最後去到杭州拍咗兩個星期，辛苦得來又非常之享受。」他透露這個節目有30個男仔參賽，然後進行幾輪比賽，最後剩下的8人會組成一個主廚團隊，然後管理一間餐廳，「總共有五輪嘅比賽，亦都係我第一次參加有淘汰制嘅節目，其實都幾殘忍。」

不過，孔德賢最大的感覺是，原來去內地拍綜藝節目與在香港拍攝是截然不同，無論是拍攝的方式，還是工作人員的工作模式，而且和他一同參賽的參加者99%都不是香港人，所以溝通對他來說是一個好大的挑戰，「唔單只係語言上，文化上都係，好似佢哋講嗰啲gag，我係完全Get唔到，佢哋講細個睇過嘅嘢我又完全冇睇過，佢哋講嘅頂流明星，我又完全唔識，而且我係30個入面年紀差唔多最大嗰幾個，佢哋全部好似細佬咁，最細嗰個得18歲。我都要肩負起做一個哥哥嘅責任，但平時喺公司我永遠都係最細嗰個。」

孔德賢IG圖片

孔德賢IG圖片

孔德賢又指節目的第一、二集已經播出，「第一輪嘅挑戰就係我哋嗰組要用豆腐做主題去幫100個人準備一餐飯，而且我係呢個小隊嘅隊長，着起黑色廚師衫嘅主廚，要帶住一班隊員喺二十四小時之內，由設計菜式，試菜試味，上場比賽都係我去負責，同我平時拍戲要面對嘅困難真係完全唔同，好難兼顧到所有嘢，又同時間要做到節目效果。」

孔德賢IG圖片

孔德賢IG圖片

最後，孔德賢希望大家能支持這個節目，「呢個節目除咗係煮嘢食之外，其實係望住咁多個男仔點樣去成長，點樣去面對困難，點樣短時間之內同另外29個陌生人由相識去到合作，有血有淚，希望呢30個少年可以感動到各位觀眾。大家可以去到芒果TV或者YouTube《開灶少年團》 #開灶少年團」。

孔德賢IG圖片

一連三集的旅遊節目《玩轉澳門加倍Fun》逢周六晚上8點半翡翠台播映。這次製作組繼續找來的「後生仔」班底有陸浩明（6號）、游嘉欣（游游）、孔德賢（Danny）及戴祖儀（Joey），齊齊玩轉澳門。

陸浩明、游嘉欣、孔德賢、戴祖儀開心玩轉澳門！

四人去品嚐新加坡餐廳美食。

戴祖儀豪爽話埋單！

Joey美食當前心情大靚。

6號慫恿大家講一句激嬲佢嘅說話。

今晚（7月26日）一集，四位主持除了去到典當業展示館、最新公仔打卡位、茶酒crossover的特色茶室外、應付製作組突如其來的「盲盒式」埋單，更挑戰了100蚊內買最多種類小食！今集Joey一度主動埋單，事緣四人到新加坡餐廳食好西時，Joey品嚐炸雞髀配椰漿飯時突然思鄉，父親是馬來西亞人的Joey說：「因為我好多年冇返去，都會搵啲東南亞嘅嘢食。」當品嚐到咖央多士時，Joey即突然豪邁高呼：「好啦，呢一餐我決定唔玩遊戲啦，直接我俾錢…好食嘅嘢真係令到你全日心情都非常之愉快，今日你哋講咩我都唔會嬲㗎啦！」6號即慫恿大家一人講一句激嬲戴祖儀的說話。

四人將分成兩組挑戰100蚊內買最多種類的小食。

四人將分成兩組挑戰100蚊內買最多種類的小食。

Danny以「美色」講價。

6號殺價功力驚人！

Joey都忍不住讚嘆。

游游「顏值」不及Danny 6號殺價勁狼死
至於「Budget限定買小食」挑戰，游游孖住Danny齊齊嘗試以「美色」講價，期間Danny獲街市姐姐大讚靚仔，成功殺價！另一隊Joey、6號也不惹小，二人化身「講價達人」，殺價度高達25％，當中尤以6號最為狼死，40蚊一嘢壓價至30蚊，令Joey大感讚嘆：「我好欣賞你劈價，可唔可以以後shopping都搵你？」最終，Joey竟只用了40蚊，就買齊榴槤、香印提子、蜜瓜、藍莓等高級水果！到底他們如何「刀仔鋸大樹」？密切留意今晚播出的《玩轉澳門加倍Fun》啦！

究竟邊隊贏呢？

四人去到典當業展示館。

上演小劇場。