周國賢「新仔上場」加盟英皇娛樂變後輩 目標一年出十首歌

周國賢（Endy）正式加盟英皇娛樂，結束近五年的「獨立廠牌」生涯，除此之外，Endy還送上加盟後第一炮，全新派台歌《大個要做個好人》今日（1月23日）上架，跟歌迷分享「做好人」的心酸及反叛。

周國賢正式加盟英皇娛樂。

並推出全新派台歌《大個要做個好人》。

由單打獨鬥轉為簽約唱片公司，Endy指其實公司兩年前已開始跟他談合作，而最終打動他的，是一個十分實際的問題：時間！Endy坦言過去幾年自己做獨立公司雖然自由度高，可以任性做《百鬼夜行》這類不理市場的音樂，但所有事情都一腳踢，由創作、拍MV、剪片到出糧計數都要處理，根本沒時間專心寫歌，「講真都四十幾歲，時間過得好快。」

MV圖片

Endy謂公司只要他專注創作，「其他嘢公司全力配合，呢樣正正係而家最需要嘅。」當然，人亦是主要因素，「公司有我十年前嘅舊拍檔，當年一齊打造『有時三部曲』呢個經典系列；仲有好多識咗好多年嘅老朋友喺度，令我更加安心。」

MV圖片

MV圖片

加入新公司，論資排輩點計？Endy笑住話自己是「細路仔」！「記得早排同洪卓立傾偈，我話而家我係小朋友，佢話：『係呀，你要叫我師兄㗎。』哈哈！」問到最想跟公司哪位歌手合作，Endy就話個個都想，「因為霆鋒、祖、Kenny、小巧，大家都識咗好多年，以前都幫佢哋寫過歌，期待同所有朋友仔合作。」

MV圖片

MV圖片

至於大計，Endy雄心壯志，直言今年目標想當試做回十年前的「多產年代」，想推出八至十首歌，然後推出一張完整大碟，再開show，「承認呢個想法『好老土』，但作為一個經歷過Analog（模擬）時代嘅音樂人，我依然深信一張完整專輯有不可取代嘅魅力同重要性，係誠實記錄自己想法同情緒嘅方式。」除此之外，Endy亦透露一直都想拍電影，加盟公司亦因為知道公司熱衷電影製作，相信會有更多機會，更自爆，「而家其實都有部電影溝通緊，可能夏天開拍，自己都好期待。」

MV圖片

MV圖片

全新派台作《大個要做個好人》，由Endy操刀作曲、林若寧填詞，充滿英式搖滾風格。歌曲是對現今社會一種「做好人競賽」現象的反思，世界彷彿要求人人捐款要多、讓座要快、OT要通宵，猶如競逐「好人獎狀」。Endy跟林若寧希望透過歌曲，帶大家回到可以「搗蛋」的年紀，狂想一下。與其盲目跟從世界定義怎樣才叫「大個要做好人」，其實我們更需要成為忠於自己的人。

MV圖片

觀看相關影片按連結：https://youtu.be/PhqUOaGYJDE

為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。

英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。

昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。

女團VIVA

溫碧霞（Irene）亦有到場感受氣氛。

經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」

VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」

何佩瑜（Jeana）

Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」

周國賢（Endy）壓軸登場。

全場瘋狂high爆！

整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。