非常檢控觀｜「豪游CP」成功入屋爆笑床照再掀熱話！ 游嘉欣熱褲白背心造型再掀熱議

由林志華監製、黎倩儀編審的全新劇集《非常檢控觀》，逢周一至五晚八點半翡翠台播映。劇集主要演員有馬德鐘、吳偉豪、賴慰玲、陳煒、陳曉華、游嘉欣、蔣家旻、張馳豪、李成昌、程可為等。

展Sir呢隻貓，都係好多網民至愛。

吳偉豪嘅麒麟臂真係好勁。

昨晚（1月27日）一集，因成功入屋被網民封為「貓鼠CP」的吳偉豪（展熊飛）及游嘉欣（白逸桐）上演了一幕香艷不足、搞笑有餘的床戲。劇情講述展熊飛為了逼令桐桐出手幫忙查案，暗中捉走了桐桐的錦毛鼠，更一度令錦毛鼠走失…求鼠不得的桐桐衝上展Sir家中尋鼠，引爆連場鬥氣…結果一次意外，桐桐整個人撲向躺在床上的展Sir，成就了之前播出預告時已引爆期待值的床戲畫面！

昨晚「豪游CP」搞笑床戲令網民錯足兩大重點！未知是鏡頭角度問題、還是吳偉豪真的太大隻，在不少鏡頭中，吳偉豪的無敵麒麟臂均相當呼之欲出，山形線條極之吸睛！至於游游的「白背心熱褲」打扮，亦令網民百看不厭，更以潮語「Dope」大讚游游身形一流：「游嘉欣幾Dope」、「游游好有MK味」、「游游集集都白滑背心」、A0女神好正，夠進擊！」

游游嘅白背心已經成為咗熱話。

游游嘅白背心已經成為咗熱話。

昨晚場口，游游釋演的桐桐確是相當進擊，無論是「飛擒大咬」或是「化解尷尬」，均由桐桐採取主動；至於鏡頭背後，根據無綫官網今日發布的場口花絮，游游同樣比吳偉豪主動及進擊。片段所見，當現場攝影師教兩位主角如何擺甫配合鏡頭時，游游全程表現雀躍，彈來彈去之餘又勇於發問，活潑非常；相反吳偉豪則全程表現靦腆，面對攝影師「假扮」游游挨到近一近時，吳偉豪更是嚇到窒一窒兼擰歪頭爆笑，現場熱鬧非常。

「豪游CP」成功入屋爆笑床照再掀熱話！

談到現場望落好像特別主動，游游笑言是為了令吳偉豪好過點才鼓起勇氣：「我覺得如果嗰啲場合我尷尬嘅話，佢（吳偉豪）應該會更加尷尬，所以我選擇做勇敢嗰個！」游游續指由於與吳偉豪都是I人，故此私下甚少溝通，但因性格相似，故此相處得都舒服，並笑言成日嫌吳偉豪悶：「我會話佢比我更加悶同老正，佢會好正路咁答問題，所以有時候可能我會窒吓佢，嫌佢悶咁。」

吳偉豪受訪時被問到麒麟臂為何如此Jumbo時，他謙稱是劇組功勞及靠平時多鍛煉：「都係燈光（打得好），當然一有break時我都會做吓掌上壓去谷吓。開戲之前要盡量操弗啲，因為開緊戲時基本上冇乜時間同精力做Gym。」他續指為了將這場床戲玩到盡，他與游游及劇組無論手腳擺位、揸枕頭力度，及「喺咩方向令啲光射到塊面」都有深入討論，相當認真。

Cam Man嘅「貼近」，搞到吳偉豪忍唔住爆笑，笑咗。

由林志華監製、黎倩儀編審的全新劇集《非常檢控觀》，逢周一至五晚八點半翡翠台播映。劇集主要演員有馬德鐘、吳偉豪、賴慰玲、陳煒、陳曉華、游嘉欣、蔣家旻、張馳豪、李成昌、程可為等。

唔少網民勁好奇個赤盆到底係點發聲，到底係真撞鬼，定還是有科學原理係背後呢？就要密切留意劇情喇。

唔少網民勁好奇個赤盆到底係點發聲，到底係真撞鬼，定還是有科學原理係背後呢？就要密切留意劇情喇。

昨晚（27日）一集繼續是「血古董」單元，因父親饒英拔（鄭子誠飾）離奇失蹤多時、加上疑似藏著父親亡魂的「發聲赤盆」突然在家中出現，藝術系研究生女兒饒馨儀（羅毓儀飾）感事有蹊蹺，向包專員（馬德鐘飾）及展熊飛（吳偉豪飾）等人求助…經初步調查，赤盆上證實染有英拔血液，眾人並根據其他線索找到關鍵人物古董店老闆葉志健（林景程飾）及赤盆賣家龐喆（李成昌飾）…由於赤盆「證供」是破案關鍵，馨儀想盡辦法終令英拔亡魂透過赤盆指出殺死其真兇是馨儀大學教授何遠程（梁証嘉飾），馨儀聽畢面色大變…原來馨儀在英拔失蹤前曾與其發生激烈衝突，英拔直斥馨儀不知廉恥…

雖然赤盆指名何遠程是兇手，但不少網民認為另有內情，並直接與教授過從甚密兼且表情經常古古怪怪的Yuki才是真兇：「係咪個女殺咗老豆」、「Yuki相當有嫌疑」、「一定係Yuki有問題，頭先有場戲好明顯」。對於單元的靈異題材，網民更是受落，大呼過癮之餘，並對赤盆發聲之謎大感好奇：「套劇幾好睇」、「無咩悶場」、「真係好似鬼片」、「諗起《回魂夜》」、「最後會點解釋子誠把聲」、「點科學解釋呢單嘢」、「真撞鬼？」、「唔通佢（指Yuki）用腹語？」

鄭子誠呢個假髮造型夠晒Impressive。

鄭子誠呢個假髮造型夠晒Impressive。

昨晚一集焦點，絕對是「音樂情人」鄭子誠的靚聲演出！為配合劇情，子誠近乎全集只透過聲線表達所有情感：「我死得好慘呀！我畀人殺死，靈魂附咗喺呢個赤盆上面，你哋官威好重，陽氣太盛，我講嘢好辛苦呀」、「係大學教授何遠程害成我咁架~」，短短數句已夾雜恨意、淒涼、痛楚及詭異感；另一段向林景程求助的場口：「我喺呢度呀，我喺呢度呀（逼切），我畀人害死，你要幫我呀」，子誠亦單憑聲線演活了冤屈淒厲感＋逼切感；而與阿女Yuki對話時，子誠的聲線則會多了一份窩囊，層次分明。

作為「血古董」靈魂角色的子誠，受訪時笑言是次獻聲演戲絕對是「正中下懷」：「一直以嚟我都覺得我用聲表達情感，係遠比我用樣嚟得得心應手啲嘅」、「主要都係電台訓練大派用場，初初入行時我做咗好多廣播劇，要單靠聲線表達角色感覺同情緒，呢啲恒久訓練令到我呢方面都有啲信心。」談到養聲心得，子誠笑言是絕不唱卡拉ok！「唔食辣、唔飲酒、唔食煙，最重要我唔唱卡拉ok，因為如果唔識用聲唱歌、只用喉嚨大嗌，對於聲線係長久損害，所以我唔唱歌，因為我到依家都未掌握到唱歌嘅竅門，點可以唱完把聲唔沙。」

羅毓儀成為本單元最大嫌疑人物，到底佢係咪真係賊喊捉賊？

羅毓儀成為本單元最大嫌疑人物，到底佢係咪真係賊喊捉賊？

除了「好戲靚聲」，飾演失意藝術家的子誠，落泊造型亦是相當出位，有網民更分不出是真髮還是假髮。子誠受訪時親揭角色造型是假髮，笑言背後笑料百出，皆因撞樣無綫監製陳維冠，令不少台前幕後見到「假髮子誠」時肅然起敬：「有次迎頭撞到阿廉，佢好似唔識我咁，再行近啲，佢打招呼叫我阿Joe（陳維冠英文名）」、「其實長頭髮正正係我自己好鍾意嘅髮型，我都試過留長，奈何我頭髮偏硬，留完長之後好似一個地拖咁，好難梳理」。

談到女兒Yuki，子誠讚不絕口：「Yuki係有趣嘅女孩子，佢好可愛，好用心去做每件事。每次見到佢都好開心，今次對佢嚟講係演技大挑戰，因為大部分時間對住死物去演戲。」子誠續指Yuki很多時只能靠現場助理編導幫子誠讀對白去交戲，相當考驗演技。Yuki受訪時則感激子誠私底下向她傳授了不少貼士，並笑言由於子誠做奸角太出色，故拍攝對手戲時忍不住會有「被害妄想症」：「因為子誠真係做好多奸角、又做得好好，搞到我有少少入咗血，有陣時對戲會唔知點解有種佢係咪要害我嘅懷疑，好搞笑。」