台灣BL劇帶挈粉絲激增 范麒智王智騫衣錦還鄉 情人節「蜜」會粉絲

向來「男女通殺」的型男范麒智（Kenji）與王智騫（Martin）， 去年憑主演台灣BL劇《靈魂約定》人氣大增，不僅其社交群組激增五位數粉絲，更吸引不少品牌客追捧，日前二人就宣布於情人節舉行、由光尚娛樂主辦的《Kenji & Martin Fan Meeting 2026 in Hong Kong》，將帶著久違的興奮與感動回到香港舞台，與粉絲再次相聚，大派福利！

范麒智（Kenji）與王智騫（Martin），去年憑主演台灣BL劇《靈魂約定》人氣大增。

日前二人就宣布於情人節舉行粉絲見面會粉。

預告有驚喜
過去一段時間，Kenji與Martin的工作重心多在外地，但無論身在何方，他們依然心繫香港粉絲，為回饋香港粉絲的支持，二人特別選在情人節這個溫馨的日子舉行粉絲見面會，亦是相隔兩年後，再次在港與粉絲近距離相聚，對此Kenji表示：「過咗兩年再喺香港開Fan Meeting，心情當然開心，因為呢段時間成日都喺香港同台灣兩個地方走嚟走去，所以冇乜機會見到香港嘅朋友仔。今次我哋除咗會有表演，亦有唔同環節同粉絲互動，仲會即場推出一對Kenji同Martin嘅公仔，當然唔少得有驚喜送畀大家，真係好期待呢日嘅來臨！」

Martin就認為選在情人節舉行見面會，喻意一種同家人團聚的感覺：「上年好多時候都唔喺香港，成日都會收到唔同fans嘅訊息，問我哋幾時會有香港活動。今次終於可以正正式式咁樣再同來自各地嘅朋友聚一聚，所以特登揀情人節呢一日，就係想畀大家一種團聚嘅感覺，就好似屋企人咁。」

范麒智（Kenji）

王智騫（Martin）

CP熱度不減
二人自從以CP組合亮相後，粉絲數目不斷遞增，未知當中是否吸納了大批男粉絲？Kenji聞言即哈哈大笑：「吸納男粉絲都有嘅，我記得有一個台灣嘅男粉絲好支持我，所以喺台灣活動佢都幾乎到齊晒，而我記得好搞笑嘅，就係有一次佢整粉絲應援嘅時候，佢印錯咗我個名做『 Kengi 』。」至於Martin指，自《靈魂約定》後，他多了不少粉絲追蹤他的社交平台，雖然劇集已告一段落，但仍有不少粉絲，以他在劇中的名字來稱呼他。

《Kenji & Martin Fan Meeting 2026 in Hong Kong》

見面會詳情
《Kenji & Martin Fan Meeting 2026 in Hong Kong》
日期：2026年2月14日（星期六）
時間：晚上7時正
地點：The Wave 觀塘 - 8/F
票價：HK$880(VIP) / HK$680（全場座位）
主辦單位：光尚娛樂
經理人公司：昇陽娛樂文化
票務平台：BOOKYAY（https://www.bookyay.com/）
公開發售日期：2026年1月20日（星期二）
公開發售時間：早上10時正起

粉絲福利：
-全場觀眾皆可獲得「見面會限定小卡（隨機一款）」及參與「HI TOUCH」環節。
-購買HK$880 VIP門票的觀眾可享有「VIP專屬小卡」、「簽名海報（隨機1款）」及參加「2：1合照」。
-購買HK$680 門票的觀眾可以參加「2：4合照」。
- 更多粉絲福利詳情，請參見附圖。
-主辦單位保留一切活動最終決定權。

更多關於見面會公布：
http://www.facebook.com/SSUEntertainmentHK
https://www.instagram.com/ssu_entertainment_hk/

由昇陽娛樂型男王智騫（Martin）與范麒智（Kenji）擔演的台灣BL劇《靈魂約定》，自開播以來好評如潮，不但令兩人人氣大增，更令他們的社交群組在短短三個月內激增逾兩萬多粉絲，而日前劇集播出大結局，Martin、Kenji更到台灣出席終映會活動，與數百劇迷近距離見面，場面墟冚。對於今次在BL劇刷出亮麗成績，他們心感滿足，更為演藝路注下強心針。

Kenji、Martin在劇中激烈床戲

Kenji、Martin在劇中激烈床戲

Kenji、Martin在劇中激烈床戲

（左起）Martin、Kenji

終映會場面墟冚

劇集《靈魂約定》改編自台灣原創小說《靈魂的約定》，講述靈魂交換，一個69歲老人魂穿越到20歲孫子身上，與室友共譜出一段命運錯綜交織的情緣，劇集播出近三個月，日前終於迎來結局篇，二人有情人終成眷屬，當中更有一幕尺度令人嘩然的激烈床戲，Martin表示：「播到尾聲，感覺好神奇，好似同Kenji又完成一個創舉咁，因為由開拍到播完，短短唔夠一年內完成，大家學到嘅嘢真係好多。嗰場床戲其實係我哋套劇煞科前最後一場戲，所以感受好深，因為我本身都冇試過拍床戲，完全冇經驗，不過拍攝過程同Kenji相處咗咁耐，大家建立咗好多信任，所以都冇尷尬，我只怕自己做得唔好，好彩Kenji畀咗好多信心我，神奇地拍嘅時候導演係冇cut同NG，我哋一take過完成。」

終映會

終映會

日前在台灣舉行劇集終映會，吸引近數百劇迷到場，席上除了Martin跟Kenji開金口即場獻唱主題曲《換不了的你》外，亦為壽星仔Kenji慶祝生日，為終映會掀起高潮，Kenji稱：「今次過程真係好難忘，啱啱過去大半年嘅努力，好似出成績表咁，喺呢一日透過大家對部劇同埋對我哋嘅支持，一次過收到哂。加上當日同我慶祝生日，所以好感受到大家背後嘅支持，希望嚟緊可以拍到更加多好嘅作品俾大家。」

（左起）Martin、Kenji

粉絲群取名「茶葉」

Martin與Kenji因劇集而人氣急升，他們的社交群組在短短三個月內激增逾兩萬多粉絲，而他們的劇迷更叫做「茶葉」，名字由來自劇中他們的角色，Martin飾演夏茶、Kenji飾演葉海淵；而提到今次BL劇的成績理想，他們會否繼續以BL劇為發展目標？Kenji指：「我相信以BL劇為目標呢樣嘢會暫告一段落。不過如果短期內要搵一個新嘅partner同我組CP，我會好唔習慣，所以就算真係有一套新嘅BL，我諗我都會想同返Martin一齊。」Martin指他的目標是希望可以在大銀幕跟大家會面，而在遇到合適機會之前，他會繼續裝備自己。