啤梨率領新城義工隊再度出動 范振鋒夫婦拍拖支持情緒支援服務

生命熱線「愛．喜．行」慈善步行暨園遊會2026昨日（2月1日）假馬灣1868順利舉行，活動以「用藝術表達愛」為主題，吸引大批市民攜同家人參與，新城廣播義工隊為善不甘後人，再度出動。

新城義工隊隊長葉文輝（啤梨）率領多位同事浩浩蕩蕩預備出發。

義工隊由MBO TV台長兼義工隊隊長葉文輝（啤梨）親自領隊，率領新城廣播有限公司總經理（項目及商業事務）朱靜宜、新城財經台台長魏美珍、新城藝人經理人及項目總監范振鋒（阿范），以及多位主持與員工，包括游莨維（Master Joe）等。一行十多位同事浩浩蕩蕩投入公益，氣氛融洽。阿范更帶同太太李思欣同行，夫婦檔拍拖做善事。

左起：MBO TV台長兼義工隊隊長葉文輝（啤梨）、新城廣播有限公司總經理（項目及商業事務）朱靜宜、李思欣、新城藝人經理人及項目總監范振鋒（阿范）、新城財經台台長魏美珍、主持游莨維（Master Joe）

啤梨分享減壓方法　呼籲大眾關注情緒健康
啤梨表示，每次新城義工隊出動都獲同事踴躍響應：「大家明明好忙，但都會放低工作報名參加，成班人好似去旅行咁開心又有愛心，我真係好愛所有義工同事！」他亦呼籲市民多關心身邊受情緒困擾的朋友或家人，如有需要可致電生命熱線尋求協助。

談到個人減壓方式，啤梨分享：「唔開心時，我會望海、聽歌。有時會搵朋友傾，但有時又唔想畀相熟嘅人知，就會選擇搵陌生人傾訴。做節目時聽眾打嚟分享心事，能夠抒發、有人聆聽，好似生命熱線咁，有專業意見，其實冇嘢係解決唔到。」

MBO TV台長兼義工隊隊長葉文輝（啤梨）

阿范夫婦談情緒與相處之道：停一停、鬆一鬆更重要
阿范表示，現今社會壓力大，不少人遇到不如意時選擇沉默，因此提醒大家要主動關心身邊人：「如果發現朋友突然少咗聯絡，不妨主動問候一下。」太太思欣亦分享心情調節心得：「如果太唔開心，可以搵朋友傾下，或者停一停諗一諗，唔好越踩越深，只要鬆一鬆，好多事都會迎刃而解。」

談到夫妻間的磨擦，思欣笑言：「以前我會好chur，但發現愈chur愈傷感情。依家會先停一停，等大家冷靜，關係反而更好。」阿范則補充：「香港地方細，如果大家困喺細空間，火氣未散，不如落街抖一抖，等情緒沉澱。」

范振鋒與太太李思欣

左起：葉文輝、李思欣、范振鋒

歌手張德蘭將於5月30日在紅館舉行入行60周年演唱會《相識是緣份》，惟她日前為演唱會試衫時不幸發生意外，導致左臂甩骹及骨裂。張德蘭昨日（4月23日）到新城廣播接受薛家燕、思敏及范振鋒主持的新城電台節目《開心大派對》錄音訪問，親述受傷經過及最新康復情況，並強調會積極面對，務求以最佳狀態演出。

張德蘭接受薛家燕《開心大派對》錄音訪問。

張德蘭表示習慣工作前先去洗手間，以免阻礙後續行程，但當日對場地環境不熟悉，加上心急，未有留意地上有一級黑色梯級而踏空：「我一起步已經知道大事不妙，因為級數都幾高。」她回憶當時第一時間想到不能用手撐地，以免傷勢更嚴重，於是用手臂側面着地：「點知都卸唔到咁多力量，就『砰』一聲路落地，自己都聽到自己『clock』一聲。」

她續指，跌倒後整邊身扯着劇痛，手部更一度失去知覺，無法自行站起。幸得丈夫在附近男廁聽到她大叫，即時趕來協助：「好彩有佢喺度，因為佢以前有打功夫，好有直覺，佢一摸就話『唔得，老婆你一定係甩咗骹』。」同時要求太太要即時前往就醫。

左起：范振鋒、薛家燕、張德蘭、思敏

雖然劇痛難耐，但張德蘭坦言當時一度猶豫應否即時離開：「我話唔得，約齊晒所有人上嚟，咁樣走好似唔係幾好。」但在丈夫堅持下，她最終妥協。她先由相熟的骨醫診治，惟醫生指甩骹位置太痛，無法即時復位，必須到醫院在全身麻醉下進行。經詳細檢查後，醫生發現她除了甩骹亦有骨裂，幸情況不算嚴重，毋須接受手術。

她說：「醫生話如果做手術仲麻煩，要落螺絲就真係大手術。因為呢個裂嘅程度唔係太厲害，就希望好似我今日咁，孭住呢把『槍』（護托），穩定啲，唔好郁動上臂嘅位置咁多。」

張德蘭為演唱會試衫不慎跌傷。

張德蘭透露，現時傷勢已明顯好轉，痛楚減輕，但仍需佩戴護托固定位置。她解釋，因部分肌肉仍在腫脹發炎，會有繃緊感覺，影響到手指活動：「手指尾就差少少，但醫生話正常，因為入面嘅肌肉仲腫，就會影響到壓到一啲神經線。呢個問題應該唔大，如果我聽日去照X光，睇吓個片，骨裂冇問題，就要開始做物理治療。」

她呼籲大家不用太過擔心，並展現一貫樂觀態度：「我而家都有郁，我哋都好勤力、好進取，我覺得真係要郁，就算我整親隻手，今日我都一定要出嚟，因為我唔想困喺自己屋企，我覺得真係要見吓人、郁動吓，就更加快好。」

張德蘭左臂腫脹發炎戴護托亮相。

雖然受傷來得突然，但張德蘭未有因此氣餒。她透露是次演唱會獲資深填詞人鄭國江老師送上一首新歌，名為《快意人生》。她指歌詞猶如在為自己打氣：「歌詞係話要開心，做人最緊要係開心，即使遇到挫折都只係考驗，你應該樂觀去面對。」她認為這首歌十分適合現時的情況，充滿正能量。

張德蘭強調，演唱會將如期於5月30日在紅館舉行，她會繼續投入排練，只是會因應傷勢調整部分動作。她說：「就算我整傷咗手，今日我都一定要出嚟。我覺得真係要見吓人，郁動吓。」她又感謝各界關心，並表示會以最佳狀態回饋等了14年的樂迷。

詳細節目內容，請重溫4月25日，下午2- 3時，新城知訊台《開心大派對》節目，網址：https://www.metroradio.com.hk/MetroInfo/