娛圈事
曾於2015年參選香港小姐、有「牛雜妹」之稱的李亦喬（Monnie），於2024年與圈外男友舉行婚禮，婚後二人生活甜蜜，不時在網上放閃。李亦喬星期一在IG突然宣布再度懷孕，並曬出一張同老公的溫馨合照，相中的李亦喬腹部已明顯微隆，而老公就在身邊手持BB超聲波照片，兩公婆笑得勁甜蜜，隔住個mon都能感受到幸福！
IG圖片
李亦喬在IG發長文，剖白心路歷程，原來兩年前的她曾經歷小產之痛。她寫道：「2年前，曾經我聽到過最悅耳的心跳聲，可是突然的，那個聲音離開了我……」失去BB之後，李亦喬坦言低迷咗好一段時間，心情跌入谷底。
IG圖片
IG圖片
事隔接近600日，李亦喬終於成功再度懷孕，預計今年8月就會迎來新生命。她又透露知道再次有咗嗰一刻，與老公都激動到喊：「我和我老公都哭了，開心了一會兒，又不敢太開心，怕突然的，這一切都會消失…」
IG圖片
李亦喬指，直到進行多次產檢，親眼睇住BB健康長大、手腳郁動，才令自己同老公可以慢慢放下心頭大石。網民們亦都紛紛湧入IG留言送上祝福，恭喜二人終於跨越陰霾，迎接新生命！
歌手謝安琪（Kay）一向喜愛在社交平台與粉絲分享日常，踏入四月，她近日就撰長文分享過去一個月為她帶來的感悟。
謝安琪分享享過去一個月為她帶來的感悟。
謝安琪在文中提及老公張繼聰的重要性，透露自己無論心情好與不好都會飲咖啡，但與老公一齊飲咖啡心情就一定會好，「心情唔好都變成心情好好，心情好好就會變成心情好好好。」至於一對仔女，她就指愛女Kakaball很乖，常常會幫手做家務，最近亦報名參加多個跳舞比賽，見到囡囡能與好朋友透過雙人舞賽事增廣見聞，作為媽都為囡囡感到高興，但她亦因為太想念正在澳洲讀書的愛子張瞻，就算生日心情都一直灰灰地，幸好有一班好友為她帶來好多歡笑。
View this post on Instagram
謝安琪IG圖片
謝安琪IG圖片
謝安琪IG圖片
謝安琪IG圖片
謝安琪IG圖片
謝安琪IG圖片
謝安琪IG圖片
不過，人生有喜亦有悲，謝安琪和家中另外兩隻狗狗依然好想念已故愛犬晶晶，她更多次夢見晶晶，「我每次都係好似平日生活嘅片段咁，只係有一次，我喺夢裏面突然醒起，晶晶已經離開咗，令我知道嗰個係夢，但係嗰一刻，我仲望到晶晶喺我面前，我唔捨得夢醒，但係結果都係驚醒咗。然後我行出房，走去客廳去返頭先發夢見到嘅位置，想感受吓晶晶喺唔喺度。但其實晶晶喺唔喺度都好，佢一定知道我好掛住佢。就正如張先生同Kakaball咁講：每一次我哋諗起晶晶，其實就係我哋又再一次互相connect，只要我哋成日都掛住佢，心入面成日都有佢，佢就永遠都同我哋一齊。」
謝安琪IG圖片
在老公和囡囡的安慰下，謝安琪感謝晶晶來到她家成為親人，「多謝你喺生命裏面，每一日都活得咁開心咁自在，你提醒咗我亦都示範咗俾我睇，活着嘅每一刻都值得慶賀。就算生命嘅軌跡有高有低，我都會好似你咁，笑住去面對，我會加油㗎，多謝你，晶晶。」
謝安琪IG圖片
謝安琪IG圖片
