奢遊記｜劉晨芝4億豪宅跟Bill Gates有關？ 鄭衍峰歎魚子醬劉德華上身「一人一罐」

由劉晨芝（Adrienne）夥拍鄭衍峰主持真人騷豪華旅遊節目《奢遊記》，本周四晚9點35分及周五晚9點半於TVB Plus（82台）播映最後兩集。

Adrienne、鄭衍峰參今晚踏足拉斯維加斯。

鄭衍峰初嚐魚子醬。

黃金奧西特拉鱘魚子醬非常名貴。

今晚（2月5日）劉晨芝（Adrienne）、鄭衍峰踏足賭城拉斯維加斯，首站奢華體驗是品嚐黑松露、魚子醬配香檳。一罐175克裝的黃金奧西特拉鱘魚子醬，未連稅價錢為700美金（約5,600港元），初次品嚐魚子醬的鄭衍峰知道價錢係，即時劉德華上身，拋出電影《門徒》金句「拎走個磅佢，一人一罐」後，接住又說︰「魚子醬初初入口係好重海水味，好鮮味，後勁係帶啲鹹香，加埋香檳成個感覺係炸開咗。」飯後二人參觀比總統套房更高一級的皇宮套房，進入房內Adrienne用「amazing」來形容，她說︰「呢間房唔係普通人可以入嚟住，一定要係high roller，即係一鋪至少要十萬美金嘅賭客。」接待他們的Anthony透露這類豪客不單生活要求高，亦有不少獨特的要求，他說︰「最瘋狂一次是有位客人，搞生日派對要求有獅子、鱷魚、蛇同場。」

Anthony擔任二入的接待大使。

皇宮套房內應有盡有。

drienne、鄭衍峰參觀位處三藩市億萬富豪街的豪宅。

豪宅的裝修佈局令二人嘆為觀止。

主人房極盡奢華。

此外，明晚（6日）終極一集，二人到訪三藩市最貴地段Billionaires' Row（億萬富豪街）。頂級豪宅代理Omar Maissen會帶他們參觀一間座落上址；價值約5,000萬美金（約4億港元）的豪宅。這幢宅第的優點是就近矽谷及史丹福大學，同一條街的鄰居非富則貴，不是上市公司的老闆，就是名人巨星。這幢屋隔鄰就住着NBA勇士隊球星Stephen Curry，鄭衍峰作為死忠Curry粉絲，讓他對這間屋加分不少︰「經紀就咁帶我哋成間屋行咗一個圈，都要成半個鐘，淨係廳同房加埋，最少有20間，包括唔同風格主人房、衣帽間、健身室、浴室、特色露台，仲有泳池、網球場同私人影院。全屋都使用簡潔設計，好啱香港人。」而最令Adrienne驚喜是屋內的一間密室，隱蔽程度媲美「黑玫瑰」的機關，意想不到這間密室竟然跟超級富豪Bill Gates拉上關係？想知原因留意節目播出。

泳池、私人影院是標準設備。

宅內有私人電梯。

Adrienne介紹的隱藏密室，竟然跟Bill Gates有關。

由劉晨芝（Adrienne）夥拍鄭衍峰主持真人騷豪華旅遊節目《奢遊記》，逢周一、五晚9點半及周二、四晚9點35分於TVB Plus(82台)播映。

Adrienne、鄭衍峰參觀市值3,500萬美金的豪宅。

廚房由名家設計。

泳池、衣帽間極盡豪華。

其中一間房是屋主愛犬的起居室。

有齊包括高比拜仁在內的湖人籃球隊員簽名。

今晚（2月2日）劉晨芝（Adrienne）、鄭衍峰會參觀一間位於比華利山中心地帶的超級豪宅，負責介紹的頂級豪宅代理Jessica用「Incredible」（不可思議）來形容，市值3,500萬美金（約2.7億港元）。鄭衍峰表示今次旅程參觀過不同大宅及設計，惟獨這間感覺最特別，他說︰「畀我覺得呢度係開party嘅地方，好奢華。特別係間屋好似入咗間時裝店，連氣味都似。」Adrienne則用「Hi-End luxury」（頂級豪華）來形容。大宅的廚房由著名品牌Fendi設計，所有櫃門的手抽，都用了品牌的logo極盡豪華。屋內設備齊全泳池已是標配，內有三部連線的賽車模擬器、健身房、桑拿房、偌大的車房放滿法拉利、保時捷等名車。戶主完全可以足不出戶，留在屋內便可輕鬆消磨幾日。

健身室、桑拿房及遊戲室應有盡有。

車房內放滿名車。

豪宅位處比華利山正中。

世界最貴的超市座落比華利山。

Adrienne接住帶鄭衍峰繼續做個有錢人，逛一間被公認全球至貴、被喻為「超市界Hermès」的超級市場。二人發現內裏一支水索價26美金（約200港元）、一袋8粒裝預製冰波要29.99美金（230港元），超市離地的價錢，皆因位處比華利山，而光顧的客人非富則貴，既有頂流明星、又有富豪及政界名人，價錢並不是他們考慮之列，最緊要方便。鄭衍峰接受訪問時笑言該超市的價錢有點脫離現實，他說︰「賣嘅都係好基本嘅嘢，平時香港賣緊10蚊，嗰度可以賣到50、100蚊，完全覺得係無可能嘅價錢，但真係有人買喎。當然住得喺比華利山嘅有錢人，係唔會介意。」他笑言眼界大開，就算香港最貴的超級市場，論價錢拍馬都追不上。

鄭衍峰直言價錢超乎想像。

Adrienne手上的水賣26美金。

拉斯維加斯的日間池畔派對玩得極盡瘋癲。

鄭衍峰被單價錢嚇一跳。

此外，明晚（3日）二人駕臨銷金窩拉斯維加斯出席著名的日間池畔派對，Adrienne以一襲超性感Deep V泳衣出場，她還跟在場外籍男士大玩騎膊馬落水，非常投入。拉斯維加斯的池畔餐桌服務收費屬世界頂流，開枱最低消費由3,000美金到50,000美金不等（約23,000港元至39萬港元）。拉斯維加斯日與夜，二人晚間繼續clubbing，夜店外雖然排完長長的人龍，依然難不到Adrienne，她口出豪言說︰「衍峰你唔使驚，一定唔需要你排隊，因為我成世人去club都未排過隊。」想知道Adrienne到底有何本事，就要留意節目播出。

Adrienne穿上Deep V泳衣騎膊馬。

工作人員舉起歡迎Adrienne的牌。

Adrienne豪言Clubbing從未試過排隊。