朱敏瀚手術後帶傷首現身新城《開心大派對》節目 專業精神獲讚

陳煒（煒哥）、朱敏瀚（朱仔）昨日（2月7日）現身新城廣播，接受薛家燕（家燕姐）、范振鋒及思敏主持的《開心大派對》訪問。而朱仔因踢波斷了兩條韌帶，剛完成手術仍未康復，仍堅持帶傷撐拐杖如期現身，專業精神令主持們大讚。

朱敏瀚帶傷撐拐杖，與陳煒接受薛家燕《開心大派對》節目訪問。

朱敏瀚帶傷到馬來西亞演出　回港馬上動手術
家燕姐與煒哥、朱仔早前於1月31日齊赴馬來西亞，參與當地電視台的大型春晚倒數演出，朱仔在節目中被阿范踢爆，原來他在馬來西亞演出已經受傷，只是忍痛帶傷上陣，沒有告訴其他人受傷之事，令到有份演出的家燕姐及煒哥都十分擔心及驚訝。

朱仔表示出發往馬來西亞前，因為踢波而受傷：「當時聽到『啪』一聲，以為只是拗柴，照MRI才知斷了兩條韌帶。見消了腫，就如期往馬來西亞演出，所以冇人知。」家燕姐問他是否因為受傷，所以演出時冇跳舞？朱仔即笑答：「就算有『兩條』(指韌帶未斷時) 都跳唔到，哈！演出完後，返到香港即刻入院做手術。傷口仍然好痛，植入了兩枝新型好幼的鋼釘。」家燕姐即打趣：「新年嚟拜年畀封利是保平安，快啲好番。」

左起：范振鋒、朱敏瀚、薛家燕、陳煒、思敏

陳煒七年後再訪馬來西亞，粉絲熱情如火
煒哥自2018年後首次再到馬來西亞，並順道舉行粉絲見面會。她的新劇《非常檢控觀》正於當地熱播，人氣高企。她形容：「天氣同Fans一樣咁熱同熱情。」演出當晚雖遇大雨，但家燕姐出場前竟即時停雨，煒哥即讚這是家燕姐的福氣帶來陽光。

朱敏瀚專業精神獲讚！

家燕姐舞台魅力驚人，出場即停雨
家燕姐坦言：「出場前好擔心大雨，因為戶外演出，現場又有六、七千名觀眾，驚大家要淋雨，於是在後台祈禱，雨勢真係即停，感謝主。」煒哥及朱仔盛讚家燕姐舞力驚人，一出場即刻推高氣氛暖場，仲要跳足十幾分鐘。家燕姐笑言：「我都七十幾歲，跳到索氣，唔敢畀人知。」

陳煒讚家燕姐舞台魅力！

到埗即嚐榴槤 肉骨茶及「撈起」
朱仔表示已是第二次到馬來西亞演出，今次是首次戶外演出，全場觀眾為他亮起手機燈，令他十分感動。抵埗首日更與煒哥等同事大啖榴槤、肉骨茶及「撈起」，並入鄕隨俗，一路「撈起」，一路以福建話喊出「興！旺！發！」。家燕姐亦首次聽到煒哥與朱仔獻唱，大讚二人歌喉了得，笑言下次要帶他們登台，大家即大叫「發達囉！」

三人暢談馬來西亞春晚演出。

藝人林韋辰日前到新城廣播接受李有毅（Ben）與兒子李國煒（Benson）主持的《Ben同Benson「Chur」到行》錄音訪問，大談入行多年以來的點滴；林韋辰透露，當年TVB藝員訓練班同學包括鄭伊健、歐瑞偉等，並由著名武打唐佳親授兩個月武打訓練，專門學習如何「畀人打」。

林韋辰接受新城《Ben同Benson「Chur」到行》錄音訪問。

林韋辰解釋：「拍戲要打上靶又要打下靶，打上靶要學識唔好打傷人，打下靶又要學識避，仲要拍出嚟似真嘅。」他直言電視台是人類潛能訓練所：「平均一日可能得兩三個鐘頭瞓覺，試過做完廠景收兩點，返到屋企三點半，六點通告，五點半就要起身，平均得兩個鐘頭瞓。」

林韋辰在90年代中期轉投亞視，迎來事業高峯。當年獲邀拍攝《再見艷陽天》，更憑該劇奪得視帝寶座，他謙虛表示：「大家俾面啫，完全唔關演技事，我同期有劉松仁、四哥謝賢一齊競選，可能因為角色討好，加上當年做網上評選，四哥同松哥啲fans未必識上網，我就贏咗呢半票，攞咗個視帝返嚟。真係唔係實力嘅表現，不過好感謝觀眾認同呢個角色。」

左起：李有毅、林韋辰、李國煒

他形容那段時間是事業高峯：「嗰兩年係冇休息過一日，開始多人識，喺香港市場第一次嘗到甜頭。做戲做到有人叫得出你個名，呢樣嘢真係好緊要。」除了拍劇，林韋辰亦主持《今日睇真D》，他坦言直播節目極具挑戰：「試過唔夠時間剪片，監製話你口才可以，就叫我現場VO，即係睇住片講。第一唔可以NG，第二要啱啱好夠時間，唔夠就要自己加多兩三個字，好刺激。」

談到北上發展的契機，林韋辰坦言是被迫的選擇：「亞視喺2013年開始有好大變動，監製想開戲要自己搵贊助，綜藝又話你自己搵到贊助先開。我覺得呢個台有啲困難，就開始慢慢向北面放消息。」並於2018年投身內地發展。

林韋辰憶入行辛酸。

早前林韋辰因椎間盤突出壓到坐骨神經，一度行動不便。他坦言：「我未試過一次受傷咁犀利，有半年時間喺生活上係癱瘓咗。如果冇屋企人照顧，直頭生活唔到。」他描述當時的痛苦：「企唔到、坐唔到，坐一陣就已經好痛，要即刻瞓低。每日要推住個旅行喼好似扶手咁行來行去，冇扶手就行唔到。」

他感激張耀揚的建議，最終選擇透過復位治療康復：「佢話唔好做手術，同我分享咗好多。我最終揀咗復位，後來搵到一個專門幫運動員做嘅，兩三次就好番九成。但一定要做番好多強化運動，坐姿都要留意。」

爆奪視帝內幕。

詳細節目內容，請留意3月28日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/