《香港歐化飛鷹活絡油呈獻：中年好聲音4》將於周日（2月15日）晚8點翡翠台播映，本季除了車婉婉，還加入了鄭衍峰做主持。
「企鵝人」究竟係邊個？
「企鵝人」唱歌充滿感情。
來到「70強一對一PK賽」最終回，上回合憑超似古巨基靚聲、掀起全城熱估藝人身份的「企鵝人」，今次選唱陳奕迅歌曲《綿綿》，獲肥媽讚輕描淡寫用感情唱歌，張佳添更指「企鵝人」完美示範less is more，能很輕鬆、很舒服地將憂憂情感散發出來，令大家陶醉在浪漫氛圍之中。
林靖枝唱功獲讚有進步。
至於報稱餐飲管理諮詢顧問的林靖枝，選唱張敬軒的《靈魂相認》，他自爆原來早已認識軒仔，更曾獲對方讚許：「軒仔話『你唱得好要堅持落去！』咁我就再撐一撐啦。」周國豐讚林靖枝比上次進步好多，似變了另一個人，令大家耳目一新。谷婭溦則讚林靖枝揀啱歌，甫開聲已進入歌曲的感情。
陶枳樽可唔可以晉級呢？
陶枳樽舞姿誘人。
肥媽與海兒齊齊指着張佳添。
張佳添睇到勁開心。
身為「中4顏值擔當」的陶枳樽跳唱《你為了愛情》，其誘人舞姿加上電眼，將女性媚態發揮得淋漓盡致，張佳添睇到露出享受笑容，肥媽即指着他說：「你睇吓佢睇到幾興奮！」想知張佳添睇到咁開心又會唔會撳燈？記得周日晚睇《中年好聲音4》。
《香港何濟公止痛退熱散呈獻：中年好聲音4》昨晚（4月5日）播映「黑白榮耀換位賽」最終回，出場對戰的成員及所得分數是：白隊姚兵《淚海》91分Vs黑隊范子睿《怎麼說我不愛你》93分，白隊陳逸璇《Never Enough》83分Vs黑隊雷小雷《魔鬼中的天使》89分，白隊許雲妮《讓我留在你身邊》90分Vs黑隊吳亦偉《吳亦偉》（原創歌）95分，白隊可嵐《你給我聽好》86分Vs黑隊楊嘉瓏《Fly Me To The Moon》88分，白隊周志康《悲哀代言人》87分Vs黑隊梁煜坤《嘉賓》83分，最終白隊只得周志康登上榮耀寶座。
焦點圖片
吳亦偉首次唱《吳亦偉》
吳亦偉跳唱原創歌《吳亦偉》奪95分，成為全晚最高分之餘，更勇奪MVP殊榮。亦偉獻唱期間，延續High到震的氣氛，就連亦偉的對手許雲妮都跟住音樂一齊「Un」。亦偉透露很多歌都有「以為」的字眼，原本想寫「你以為、我以為」，但難得可在《中4》舞台表演，便乾脆改成「吳亦偉」，並自爆兩、三個月前才完成此歌，更是首次獻唱，全場驚訝之餘都讚他才華洋溢。
吳亦偉唱《吳亦偉》引爆全場氣氛。
吳亦偉唱《吳亦偉》引爆全場氣氛。
吳亦偉唱《吳亦偉》引爆全場氣氛。
張佳添激讚聽得很爽：「呢隻歌直情要賣畀TVB，你好聰明亦好有自信，咁樣Hard Sell自己，用自己個名改成呢個歌名，然後變咗首咁好玩嘅歌，呢個係你演唱會，恭喜你。」周國豐則讚亦偉做到「歌人合一」，谷婭溦說：「你是全能ACE，你能唱，你能寫、你能編、你能作。」亦偉得到評審們一致激讚，封「ACE偉」實至名歸。
肥媽、谷婭溦、張佳添與海兒聽到勁投入。
肥媽、谷婭溦、張佳添與海兒聽到勁投入。
肥媽、谷婭溦、張佳添與海兒聽到勁投入。
許雲妮放下勝負，全力為對手吳亦偉打氣。
戰友們拍爛手掌兼歡呼。
吳亦偉將歌詞「以為」改為「亦偉」，變成獨一無二的自家歌曲。
吳亦偉奪MVP。
今集登上榮耀寶座的白隊周志康唱《悲哀代言人》表現平穩，他坦言參加《中4》，與當年參加《超級巨聲》的心態有很大分別：「克服到嗰種心跳，我係一個容易緊張嘅人，對歌曲演繹有唔同睇法。」對於周志康的表現，谷婭溦說：「把聲好乾淨，張力你有，但點樣變到更加大？你情感上嘅嘢唔使講㗎喇，你要加強嘅係技巧。」肥媽則指周志康揸咪的姿勢有問題：「你個咪離到太遠，好難入咪，你喺呢度（肚臍）唱，你估你係我咩？你要習慣擺番埋個咪。」
周志康唱歌感情豐富。
周志康唱歌感情豐富。
周志康唱歌感情豐富。
周志康克服了比賽的堅張心理。
至於陳逸璇選唱「跳崖歌」《Never Enough》，只得83分，與同樣獲得83分的梁煜坤一同被淘汰。周國豐直指陳逸璇揀了一首「詛咒之歌」：「每位參賽者唱呢首歌，都會出現Never Enough，呢首歌太難。」張佳添則說：「你要檢討嘅唔係歌藝，而係策略，咁難度高嘅歌，在座應該冇邊個會揀。」
陳逸璇落力獻唱，可惜被指選錯「跳崖歌」。
陳逸璇落力獻唱，可惜被指選錯「跳崖歌」。
陳逸璇落力獻唱，可惜被指選錯「跳崖歌」。
陳逸璇離開《中4》舞台前剖白內心世界，她飲泣表示曾滿懷希望當歌手，但最後卻前路茫茫：「舊年陷入人生低谷，係《中年好聲音》拉番我出嚟，畀番我追夢同人生義意，最後我要多謝一班戰友，就算我唔希望離開，但係我覺得唔難睇。」
陳逸璇靠《中4》走出谷底。
梁煜坤被指唱到「死人冧樓」
至於梁煜坤以崩潰情感唱《嘉賓》，被谷婭溦批評由參賽至今都是同一個唱法，周國豐則指梁煜坤唱錯歌中意思：「成首歌最尾嘅部分係釋懷、放手，成首歌嘅基調係慘，但未慘到接近死人冧樓嘅階段。」梁煜坤感性表示能走到《中4》30強絕不容易，自己一直強忍淚水，因覺得最後一次站在《中4》舞台一定要堅強和開心。最後他感謝工作人員、戰友幫忙和照顧，以及專程到場支持他的老師和朋友。
梁煜坤不捨《中4》戰友。
梁煜坤不捨《中4》戰友。
