大熊貓6寶情人節浪漫表白 「我對你嘅愛就好似我嘅黑眼圈，永不褪色」冧爆全場

今天2月14日是西方情人節，海洋公園6隻大熊貓都有浪漫的深情表白，祝契爸契媽情人節快樂。

大熊貓加加祝大家情人節快樂。香港大熊貓官方ig圖片

打頭陣的是，仍然在讀海洋春卷幼稚園的家姐細佬，兩個熊貓BB應該不明白甚麼是情人節的了，但熊講我講，家姐加加祝大家「情人節快樂」，雖然有交行貨之嫌，但勝在樣子可愛搭夠；細佬得得就話「唔理天堂島定地獄島，最驚就係見你唔到」，估不到平時論論盡盡的得得，都出口成文，長大了一定係萬熊迷了。

大熊貓得得年紀細細，也識講情話冧人。香港大熊貓官方ig圖片

兩次相睇都對食物興趣大過可可的安安少爺，做熊坦蕩蕩，直接以自己的體重來告白：「如果我哋嘅愛係有重量，咁佢一定等於我嘅體重」。日前海洋公園公布安安體重已超過130公斤，可以期待，這份愛將會越來越重。

仍然單身的大熊貓安安也過情人節。香港大熊貓官方ig圖片

另一邊廂，兩次相睇都對安安流露出一點點興趣的可可公主呢，拿起一節竹、對著鏡頭說，「嗱，呢支竹唔係特登留畀你架！」另有內心獨白：「口不對心我最勁」。可可的少女心事，有無熊聽到呀？

仍然單身的大熊貓可可開心地過情人節。香港大熊貓官方ig圖片

壓軸登場的，當然係「老夫老妻」的樂樂和盈盈啦！不要看樂樂常常一副chill淡定的佛系表情，但原來講起情話都真係很有一套，一句「我對你嘅愛就好似我嘅黑眼圈，永不褪色」，真係冧爆全場，難怪娶到大美熊盈盈了。

大熊貓樂樂向盈盈說情話。香港大熊貓官方ig圖片

至於已為熊妻又為熊母的盈盈就話：「你係我嘅竹筍~我要一層一層剝開你嘅心」。從小就同樂樂青梅竹馬，一起長大，更生了愛情結晶加加得得，盈盈早早就俘擄了樂樂的心啦！

大熊貓盈盈雖然已為熊母，但情話仍然動聽。香港大熊貓官方ig圖片

海洋公園兩隻大熊貓龍鳳胎已經一歲半了，懂得聽自己的名字，懂得跟隨飼養員的指令作出指定動作，飼養員每天的「收貓」工作也變得容易很多了。

大熊貓家姐「加加」。香港大熊貓官方ig專頁短片截圖

大熊貓細佬「得得」。香港大熊貓官方ig專頁短片截圖

家姐「加加」同細佬「得得」每天由早上10點到下午4點都要在外場「營業」，但收工後飼養員就要收貓，引導兩姐弟回到後場內舍。不過，曾經有一段日子，兩隻熊貓B都高高掛在樹上，懶理奶爸奶媽的呼召，有時要花上很長時間才哄到兩姐弟落樹。

大熊貓細佬「得得」。香港大熊貓官方ig專頁短片截圖

大熊貓家姐「加加」。香港大熊貓官方ig專頁短片截圖

不過，香港大熊貓官方ig專頁今日(2月26日)鋪文指出，比起以前，現在叫「加加」和「得得」落樹容易很多了。因為兩姐弟已懂得聽飼養員叫他們自己的名字，而且，落樹還有筍筍或者經蘿蔔作為獎勵，「為咗食咩都得」。雖然兩隻熊貓BB為食，但這亦是對牠們的訓練。

大熊貓家姐「加加」。香港大熊貓官方ig專頁短片截圖

大熊貓細佬「得得」。香港大熊貓官方ig專頁短片截圖