Plan V推賀年新歌《FAT FAT FAT CHOY》 成功邀樂易玲驚喜客串

Plan V（成員來自《聲夢2》：Duncan侯雋熙、Zayden彭家賢、Timothy陳昊廷、Vivian江廷慧、Desta李茵彤）推出全新單曲《FAT FAT FAT CHOY》，而且MV更邀請到重量級嘉賓——樂易玲（樂小姐）出山參演MV，歌曲在年廿九推出跟大家拜個早年，恭祝大家新年行好運齊齊發財。Plan V說：「我哋未必定義呢首做賀年歌，希望大家全年都發財，所以要loop足成年，就一定發達喇！」

Plan V推出全新單曲《FAT FAT FAT CHOY》

希望大家全年都發財

能夠邀請樂小姐參演，Plan V感到非常榮幸，他們說：「多謝小姐！我哋用盡三寸不爛之舌，誠意十足咁邀請樂小姐出山。其實萌生呢個想法都好瘋狂，相信都冇咩人夠膽咁做，我哋真係硬住頭皮去問小姐，小姐諗咗2秒之後話『好吖』，咁我哋就知今次掂呀！同埋都要多謝同事幫口先至可以成事！」

仲邀請樂小姐到參演

Plan V五位成員在MV中化身穿越古今的不同角色，Plan V說：「《FAT FAT FAT CHOY》呢首歌食正全世界大家嘅願望，就係發財呀！希望大家都發達！」

Plan V五位成員在MV中化身穿越古今的不同角色

大家都試了不同造型

Zayden飾演貪官，拿盡所有金銀珠寶，他說：「我係一個韋小寶（成員們：你就想！）其實我係一貪官凡係金色嘅都要！」

Zayden飾演貪官

Desta飾演神婆指點大家迷津，她說：「因為佢哋話我平時係好鍾意風水命理，係個星座人，所以今次就試下做埋一份。」

Desta飾演神婆指點大家迷津

平時Desta好鍾意風水命理

玩得開心

Duncan飾演一位大哥，成員們見到他造型十分雀躍：「你見佢（Duncan）唔著衫就知咩料啦，成個烏鴉（張耀揚在《古惑仔》的經典角色）咁！」Duncan說：「估唔到真係唔著衫囉，我準備咗好多花恤衫㗎！」成員異口同聲：「你行出嚟就係要唔著衫！下次我哋再拍MV可以唔使再幫佢book衫㗎喇。」

Duncan飾演一位大哥

Duncan說：「估唔到真係唔著衫囉，我準備咗好多花恤衫㗎！」

成員們見到他造型十分雀躍

造型似張耀揚在《古惑仔》的經典角色

玩得幾投入

Timothy飾一位成手銀紙飲靚紅酒的有錢人，他笑言：頭先好爽呀，佢哋喺火車下面追住我灑錢！」成員都笑表情囂張入型入格，但Timothy續說：「啲錢掉完我要自己執返㗎！頭先灑到成地都係呀！」

Timothy飾一位成手銀紙飲靚紅酒的有錢人

Vivian就笑言為了自肥，今次飾演一位貴妃，成員們見到她立即說：「參見娘娘！」不過原來娘娘有苦自己知：「我今朝3點AM就起身去到studio化妝，我付出好多㗎！」

Vivian就笑言為了自肥，今次飾演一位貴妃

歌曲在年廿九推出跟大家拜個早年

年度盛事《微博文化交流之夜2026》昨晚（4月12日）於澳門舉行，「雙料視帝」黃宗澤（Bosco）深受內地觀眾歡迎，獲頒年度實力演員。同屬邵氏兄弟的一眾藝人林夏薇、陳瀅、吳業坤、胡鴻鈞及李爾晨等亦齊齊攞獎，各人難得聚頭，十分興奮。

樂易玲與一眾藝人齊齊攞獎。

晚會除了推動國際文化交流之外，還對一眾在行業有傑出成就的台前幕後演藝人頒發獎項。邵氏兄弟樂易玲帶領一眾藝人出席盛會，各人隆重其事，亦悉心打扮。其中薇薇的一襲珍珠米白色低胸拖尾晚裝加珍珠鍊頭飾盡顯貴氣，而陳瀅的黃色花花圖案輕紗低胸長裙亦份外嬌俏，在紅地氈及晚會中齊齊搶盡鋒頭。

樂易玲帶領一眾藝人出席盛會。

林夏薇

陳瀅

樂小姐除了為晚會擔任頒獎嘉賓外，亦率先獲大會頒發「微博中國澳門年度傑出娛樂製作人」獎項。她在台上發表得獎感受：「呢個獎項係對我影視生涯嘅肯定，好開心製作出嚟嘅作品受到觀眾喜愛，亦好開心見到培養出來嘅藝人成績好好，攞好多獎項。佢哋嘅成功就是我嘅動力，未來都會繼續站在製作嘅第一線，因為對我嚟講唔單止係一份工作，仲要係我一生嘅熱愛。」

黃宗澤、樂易玲

黃宗澤（Bosco）奪得「微博中國澳門年度實力演員」，Bosco魅力非凡，大會一公布他的名字，現場觀眾立即哄動，歡呼震撼全場。他表示加入微博已經超過10年，記錄了他很多生活點滴，陪住他成長，形容今次好像是從老朋友手上得到這個重要獎項，感覺意義特別重大。他說：「剛才樂小姐話見到我們成功就係佢嘅動力，呢個獎就係佢嘅動力！」

林夏薇、黃宗澤

薇薇在內地劇《大生意人》客串慈禧一角大獲好評，大會頒發「微博中國澳門年度人氣女演員」獎。她感謝觀眾支持，感謝給予機會的每位導演及劇組，未來會塑造好每一個角色去答謝大家；即將跟蔡潔澳門開騷的陳瀅獲頒「微博中國澳門年度卓越矚目藝人」，有不少粉絲到場支持。她感謝公司給予這麼多機會，亦感謝粉絲支持，承諾會繼續努力。

林夏薇

陳瀅

剛得到飛躍進步男演員獎之吳業坤再下一城，得到「微博中國澳門年度飛躍實力藝人」，他答應會做更多好嘅作品同戲；胡鴻鈞從樂小姐手上得到「微博中國澳門年度矚目男歌手」一獎特別開心，希望未來可以創作更多更好作品畀大家。

胡鴻鈞、吳業坤、黃宗澤、樂易玲、林夏薇、陳瀅、李爾晨

至於Kyle李爾晨獲頒「微博中國澳門年度實力青年演員」，他開心地說：「呢個係我演藝生涯第一個獎項。由運動員走向演員呢6年，我學到好多。運動員同演員都係追夢嘅行業，我會本住運動員精神，喺演藝事業度全力以赴繼續努力，為大家帶來更多精彩作品，莫忘初衷！」

胡鴻鈞、吳業坤、黃宗澤、樂易玲、丁子朗、李爾晨、胡子貝