馬年伊始，溫碧霞（Irene）向大家送上祝福，祝願人人身體健康、萬事如意。向來重視家庭的她，今年新春她自掏腰包請家人及助手、身邊工作人員飛往陽光與海灘的峇里島度歲，老公Kenny當然恩愛同行，一齊享受難得的假期。她坦言平日工作繁忙，幾乎所有節日都要開工，唯獨農曆新年一定放下工作，專心陪伴家人，而同事們也辛苦了一年。
溫碧霞
溫碧霞
一向重視傳統的溫碧霞，自小受母親影響，對新年習俗十分講究。她笑言童年雖然家境並不富裕，但媽咪每逢過年都會準備齊全：買桃花、貼揮春、備滿糖果瓜子的全盒；大除夕夜更要沖柚葉水、換上全新內衣褲，喜氣洋洋。她延續這份傳統，至今仍堅持與家人、朋友拜年、穿紅色衣服增添喜氣，並會「開賭局」玩「魚蝦蟹」，她開心說：「新年開始好重要的，熱熱鬧鬧，開開心心展開新一年。」
溫碧霞
溫碧霞
而她亦特別重視與家人及同事吃團年飯與開年飯，必定有蠔豉髮菜及上海年糕，她說：「媽媽炒上海年糕最好味道，我都學了這道家傳食譜。」每逢朋友或同事到她家中拜年，大家都會指定要吃她的炒上海年糕，成為新春必備的「賀年菜」。
溫碧霞
為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。
英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。
昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。
女團VIVA
溫碧霞（Irene）亦有到場感受氣氛。
經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」
VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」
何佩瑜（Jeana）
Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」
周國賢（Endy）壓軸登場。
全場瘋狂high爆！
整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。
