陳瀅4月孖蔡潔合體開騷 預告有跳舞環節

陳瀅和蔡潔在電視劇中多次合作，近期兩位女神搞搞新意思，她們將於4月25日晚上在澳門銀河G Box，攜手參與由「本地舞台」主辦的限定現場演出《Pillow Talk》，日前她倆專程現身影樓拍攝演出活動海報。在拍攝過程中，不論是姿態撩人的甫士，或是拿着枕頭嬉戲互打的玩樂感覺，陳瀅和蔡潔盡顯默契，而且很快便進入狀態，讓攝影師輕而易舉便捕捉到閨蜜之間心有靈犀的畫面。

陳瀅孖蔡潔4月澳門開騷。

陳瀅和蔡潔表示很期待今次在舞台上的合作，蔡潔說：「我同陳瀅同公司咁耐，亦都試過同劇好多次，但我哋嘅對手戲次次都好少，之前一直都好期待喺戲劇上可以合作多啲，但冇諗過我哋第一次嘅深度合作係喺一個Show上面。」 陳瀅補充道：「我覺得成個Concept對我哋嚟講係好新穎，所以我都幾
Excited，而且今次好開心同蔡潔一齊，因為我同佢喺舞台上都冇乜經驗。」 蔡潔笑說：「 陳瀅妳可以自信啲，唔係冇乜，係冇經驗，我就做過一次演唱會嘉賓。」

限定現場演出《Pillow Talk》。

陳瀅和蔡潔收到今次開騷邀請後，已經和製作團隊構思了很多不同環節，有表演，有互動遊戲，包羅萬有，也希望能有嘉賓，可以帶給現場觀眾更多驚喜。蔡潔續說：「我嘅歌單已經諗咗好耐，希望可以透過歌曲講多啲故事俾大家聽，不過如果大家有睇我13年嘅華姐選舉，就知道跳舞一定唔會係我負責。」成為跳舞擔當的陳瀅說：「幸好近期播放的《臥底嬌娃》有少少打底，跳舞應該可以處理到。」

由「本地舞台」主辦、兩大女神陳瀅和蔡潔首個現場演出《Pillow Talk》，將於4月25日晚上8時在澳門銀河GBox舉行。日前兩人接受港台《Made In Hong Kong 李志剛》訪問，分享開騷前的心路歷程。陳瀅坦言從未試過台上現場演出，零舞台經驗令她極度緊張：「今朝我發惡夢，夢到自己揸住枝咪準備出場，竟然入唔到Key！」蔡潔則笑言：「我都係差唔多咁驚，但兩個人一齊做Show好處係有人傍住，至少隔籬有陳瀅喺度。」

陳瀅與蔡潔將於4月25日在澳門舉行首個現場演出《Pillow Talk》。

日前陳瀅與蔡潔接受港台《Made In Hong Kong 李志剛》訪問。

二人分享開騷前的心路歷程。

陳瀅透露，今次演出內容豐富，包含戲劇、唱歌、跳舞及遊戲環節。她與蔡潔同為演員出身，在騷中設計了角色，更笑言Rap和跳舞部分全交給自己，蔡潔負責高音。蔡潔形容今次合作「同拍拖有少少似」：「大家喺同一個Timing有差唔多嘅決定同諗法，先至可以行到落去，呢個係冇得事前夾嘅，好彩有阿瀅喺度。」兩人異口同聲表示，目標是讓觀眾看完大讚「估你哋唔到」，呼籲粉絲屆時入場支持。

陳瀅坦言零舞台經驗，緊張到發惡夢「入唔到Key」。

蔡潔笑言二人合作「同拍拖有少少似」，好彩有對方傍住，目標是讓觀眾看完大讚「估你哋唔到」。