臥底嬌娃｜羅毓儀張曦雯行孖咇形成「最強身高反差萌」 黃子雄力撐下屬馬貫東獲封絕世Dream Boss

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的全新輕鬆動作喜劇《臥底嬌娃》，逢周一周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

Yuki同Kelly形成「最強身高反差萌」。

Yuki同Kelly形成「最強身高反差萌」。

Yuki同陳瀅

昨晚（2月25日）潘奕風（馬貫東飾）回歸警隊後，他與上司禤步青PC（黃子雄飾）的互動亦是亮點之一！話說奕風回歸後，由於私自借走權世豪（杜燕歌飾）證物，之後更自薦回歸臥底身份，惹來不少非議。但偏偏PC對奕風卻百分百信任，當他知道郭宗南Aiden（黃子恆飾）在警局內大Wide Shot搜奕風身後，為人向來Casual的PC即時大爆Seed，並與Aiden在天台理論。

面對Aiden一再質疑奕風可信性，PC不但零動搖，更開口力撐下屬：「佢有幾辛苦，付出咗幾多，我係見證住架，所以我會信佢」、「對一個為我出生入死嘅伙計，我唔會有呢種懷疑」。另為了配合臥底主題，PC與奕風傾親密偈都相約在警局以外的社企餐廳，二人一個輕鬆（PC）、一個緊張（奕風）的狀態相映成趣，加上PC對奕風近乎有求必應、力撐到底，令PC這個「絕世好Boss」形象更加入屋，難怪獲封「Dream Boss」。

呢幕馬貫東同黃子雄回顧番當日點樣設局呃杜燕歌好搞笑。

加埋啲特效字，好有卡通感。

黃子雄呢系列嘅樣，令我諗起「輕輕鬆鬆鄧梓峰」。

未知是否因角色太入屋，黃子雄近日在Threads引發熱討，有網民開甫指子雄「天生貴氣」，飾演有錢人及高層特別有說服力，並對子雄的招牌中英夾雜對白煞是喜愛：「佢拍戲一係做有錢人，一係就做高層，佢做任何角色，對白就一定會夾雜英文 “Ok very good”、”Take it easy man”」；並將黃子雄與鄧梓峰及王敏德齊名，指三人同樣自帶高學識氣質：「呢三個係做唔到低下層或者窮人，唔關演技事，係觀眾代入唔到，自帶高學識氣質。」

不過輕鬆還輕鬆，下屬被質疑誠信就士可殺不可辱！

呢句說話，加埋呢個表情，勁Man。

對子恆拋出一大堆「馬貫東有可疑」嘅鐵證，黃子雄其實不無動搖。

網民力推與吳偉豪演父子
帖文一出，短短一日已吸獲過萬Likes，網民紛紛留言表示認同，有人笑言 ”Take it easy man” 見字有聲，又指黃子雄撞樣王敏德＋吳偉豪；亦有網民絞盡腦汁、誓要找出子雄平民角色，相當過癮。網民留言：「天生貴相」、「好想睇番佢主持嘅《反斗英語》」、「TVB王敏德」、「唔怪之得佢鬼鬼地，原來佢有八分之一挪威、八分之一蘇格蘭血統」、「可以同吳偉豪飾演父子」、「細言生！」、「老咗仲型」、「成功人士面相」、「《金宵大廈》做過一次普通人」，還有網民大讚子雄私下為人隨和有型兼有禮貌。而劇組亦似乎甚懂網民心意，昨晚一場天台理論戲，子雄一嚟就對著子恆說「Come on Man！」（係咪都見字有聲呢？）之後又大晒中英夾雜招牌「所以你咪唔Like佢咯」，為場口增添不少趣味及追看點。

但有膊頭有承擔有Team Work決定相信自己嘅下屬，呢種上司精神，好難能可貴。

連坐姿都好貴氣架佢。

PC無論如何都選擇相信下屬嘅人設真係好討好，期待日後更多佢同阿東嘅互動。

說到引發熱討，飾演女PC童小茹的羅毓儀Yuki，連日來亦因身高問題引發熱議，事緣昨晚Yuki與張曦雯Kelly並排而行，由於Kelly擁有175cm身高，與Yuki形成「最強身高反差萌」，更有網民留言質疑Yuki 156cm身高「報大數」，並指Yuki「真人肯定150cm都冇」。對於網民疑團，Yuki大方公開留言回應，大晒高EQ之餘，還順便幫新劇宣傳，相當叻女：「咁你就要快啲嚟我哋《臥底嬌娃》宣傳，證實吓我有冇150。」

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的全新輕鬆動作喜劇《臥底嬌娃》，逢周一至周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

《臥底》呢種卡通式嘅特效都幾有趣，亦強調咗心理分析嘅部分。

要做到一邊眼角＋嘴角向上、一邊眼角＋嘴角向下真係難度極高。

打字係一指神功嘅馬貫東，要面試大集團嘅助理真係Kick Kick地。

昨晚（2月25日）劇情講述權世豪（杜燕歌飾）落網入獄，潘奕風（馬貫東飾）立下大功並回歸警隊！潘奕風私自借走權世豪證物查看，引發郭宗南（黃子恆飾）及沈佳琪（張曦雯Kelly飾）懷疑。潘奕風（馬貫東飾）向上司禢步青（黃子雄飾）指出權世豪上線極有可能是愛邦妮集團的劉彪（關禮傑飾），要求回復臥底身份，並於前往愛邦妮集團面試期間鬧出不少笑話⋯

昨晚最啜核一幕，是修讀「非語言行為學」的Kelly，發現馬貫東左邊面「死魚眼」兼「扁扁嘴」，右邊面卻「杏仁眼」兼「自信笑」；基於學術理論，Kelly推斷馬貫東內心及表現於人前的情緒有極大反差，斷定馬貫東有不可告人秘密。該幕除了有趣的學術性對白、及跳脫的畫面特效字令人眼前一亮，馬貫東的「左右面反差」演技亦技驚四座，兩邊眼角及嘴角竟能明顯地一邊向下、一邊向上，名副其實連「肌肉都有戲」。
 
有網民質疑馬貫東這場戲是否AI特效協助／合成，對此馬貫東接受官方訪問時透露是「實拍實做」，並坦言相關表情狀態難度極高：「要保持左邊面整體下垂、眼尾嘴角都要向下沉，但右邊面啱啱要完全相反、所有嘢都向上，呢個鏡頭都拍咗好幾次。我拍到最後個嘴角會不自主咁顫抖，眼袋都有抽搐。事前都真係要認真練習㗎，有時候未埋位都會自己練吓。」

姚嘉妮嘅氣場真係不得了。

呢位面試官真係好Mean。

Alan都好有喜感。

Alan「IT書蟲」Look有驚喜
昨晚馬貫東的Solo位絕對不少，除了有之前宣傳過的晒減肥20磅成果的剝衫戲碼，還有「烏龍面試」晒搞笑功力，該場面試戲還有兩位神助攻演員，分別是相隔三年再度亮相無綫劇集的姚嘉妮，以及以宅男姿態晒「起雙飛」神技的吳兆麟（Alan）。

已是兩位小孩媽咪、大女兒已接近成年的姚嘉妮，在劇集裏狀態依然大勇，出名靚女的她逆齡之餘兼依然女人味十足。對於姚嘉妮久別亮相，網民無不感到驚喜，大嘆「好耐冇見」之餘，還大讚她保養得宜，相當好戲。飾演「Mean爆女面試官」的Flora，駕著黑框眼鏡加上密集式「白鴿眼」＋連環「藐嘴」勁有喜感；至於Alan瘋狂投入「起雙飛」打字的狀態＋「IT書蟲」Feel亦煞是搞笑，令場口極有記憶點。