臥底嬌娃｜張曦雯陳瀅羅毓儀化身「港版查理天使」 勇闖豪宅派對大展轉數 ＋身手

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的全新輕鬆動作喜劇《臥底嬌娃》，逢周一周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

Chantel「客串演出」都吸引到網民關注架。

嬌娃華麗登場，反而令Yuki嘅「外露肉色打底」更搶。

陳瀅呢吓已經好好身手。

笑容好甜美，件衫又好靚好Sharp！

《臥底嬌娃》昨晚（2月27日）第五集劇情講述沈佳琪（張曦雯飾）、江妙姿（陳瀅飾）、童小茹（羅毓儀飾）得知參選女團目的，是要接近劉彪（關禮傑飾）及邦妮（邵美琪飾）的掌上明珠劉寶儀（鍾柔美飾）。為了增加女團實力，三人在「冇啖好食」的減肥情況下、密集式接受跳舞唱歌講故事訓練，零天份的沈佳琪及江妙姿表現強差人意，跳舞更猶如喪屍。受訓期間，三女突然接獲神秘任務，並偽裝成模特兒潛入豪宅派做支援，可惜最終因身分被懷疑做成大混亂，沈佳琪更因做了極危險一件事被潘奕風（馬貫東飾）起飛腳怒踢！ 還未正式做任務已如此甩碌，到底嬌娃能否成功完成任務？

陳瀅呢吓Impressive。

呢對高踭鞋真係好高。

但陳瀅踩住佢依然無損跑速，佩服！

呢吓腳踢Kelly心口，都幾震撼架。

昨晚三嬌娃Dress Up勇闖豪宅派對一幕確實是亮眼環節，首先無論有「完美人肉衣架」張曦雯Kelly穿起的露肩半透視銀黑色晚裝、再有「黃金 32C」陳瀅的低調開胸蝴蝶結Pink Lady禮服，還有羅毓儀Yuki的性感不足、搞笑有餘的「外露打底」低胸晚裝，Yuki的「前衛」打扮，亦令網民留下記憶點；加上劇情講述Yuki被踢爆身份期間，嘗試以「童裝模特兒」做掩護，網民亦大感啜核，大讚其角色十分搞笑。

真係跳舞跳到成隻蟹咁，笑咗！

三位嬌娃真係無限變裝。

佢哋嘅團名叫After Work。

除了外形亮麗，三位嬌娃在場口中大展身份一幕亦令人眼前一亮，而昨晚彈出的嬌娃是陳瀅！相對打到姐手姐腳、恍如玩Game的兩位隊友（劇情需要），目測腳踏至少5.5吋半高踭鞋的陳瀅，跑速完全沒有受到影響，而且更使出了一招「Jump Over式踢腿」，展現驚人腰力及靈活度，身手了得，難怪宣傳前期獲封劇集「打女擔當」。談到腳踏如此高高踭鞋拍動作戲會否份外辛苦，陳瀅接受官方訪問時笑言難度其實不及吊威也及飛天戲，反而拍攝時最擔心的是拗柴：「主要都係有少少驚扭親。」



許俊豪雖然出場時間唔算多，但就好搶，好表現到瘋狂藝術家嘅感覺。

許俊豪「浮誇式咆哮型躁狂」演技有驚喜 陳瀅跳舞姐手姐腳被嘲喪屍
除了精彩又亮麗的動作場面，嬌娃昨晚還有大量唱歌及跳舞場面，當中最好笑的除有以客串性質亮相的「浮誇式咆哮型躁狂Style爆肌歌唱老師」許俊豪，還有Kelly及陳瀅的舞姿，二人一個Hea、一個零美感，爆笑度十足。談到劇中跳舞被指似喪屍，陳瀅受訪時強調絕對只是劇情需要：「因為我個角色唔係好識跳舞，但本人跳舞就唔會係咁樣樣嘅。」

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，昨晚播出大結局。

李海銅

《臥底嬌娃》昨晚（3月27日）播出的大結局既緊張又感人，劇情講述奕風（馬貫東飾）幾經辛苦，找到蘇嘉盈（李海銅飾）死前留下的錄音頸鍊，終得悉殺死嘉盈真兇是權世豪（杜燕歌飾）；由於嘉盈死得太慘太冤枉，奕風理智盡失，辭去警察職務之餘，還出盡辦法揪出權世豪進行私刑…幸好危急關頭，奕風想起嫲嫲昔日教誨「你要做好事，唔好做壞事」，才未有殺死權世豪，權世豪最後亦得到應有制裁。

其實權世豪之所以對嘉盈對現殺機，除想逼出嘉盈講出製毒幕後Big Boss、還因誤會嘉盈是劉彪（關禮傑飾）派往阿風身邊收風的臥底；在一輪打鬥及追逐下，暴走的權世豪對嘉盈拳打腳踢後、將大量毒品灌入嘉盈口，最終嘉盈因overdose墮樓慘死！昨晚這一幕，飾演嘉盈的李海銅演技再獲激讚，首先在被灌藥一幕，李海銅放下「藝訓班班花」身段，完美演繹出口吐白沫的overdose狀態，為求真實任由口水絲掛在嘴邊之餘，又不斷反眼代入狀態，相當專業兼演繹自然。

李海銅

李海銅

談到場口，李海銅接受官方專訪時，坦認嘴邊白沫並非道具，而是她自己的「真口水」：「劇組係用咗啲糖溝埋啲粉紅色嘅鹽去畀我服食，為求逼真，我同燕哥夾好咗要實做唔借位」、「到咗真係action嗰吓，我真係濁親，我畀啲鹽濁咗上個鼻度，所以嗰個流口水反應其實係真架，嗰吓我真係好想嘔同咳。我仲記得之後我呻鼻涕，真係呻番啲鹽出嚟。」問到部分場口吊住口水拍攝會否擔心影響靚樣，李海銅專業謂：「外表其實係其次，最緊要觀眾感受到我角色嗰吓嘅辛苦同痛，所以流口水都由得佢喇。但都希望大家唔好介意我咁核突，因為口水加咗鹽之後會起泡，我只係想澄清番我唔係𦧲痰，現場有Cam Man笑我亂𦧲痰，我猛話真係唔係，好好笑。」

李海銅坦言與蘇嘉盈混為一體
李海銅還感激杜燕歌在現場的百般照顧及體貼，並感恩劇中對手馬貫東、陳瀅及杜燕歌都很照顧自己：「因為權世豪個角色本身好多accessories，但因為燕哥知道呢場同我好多動作戲，所以佢一早就拆晒啲戒指、手鍊，仲剪晒指甲，驚整傷我」、「佢仲有教點樣OD會像真啲，因為嗰吓我唔可以清醒，但又唔可以太口齒不清，都有啲難度」、「喺呢度再次好多謝陳瀅、馬貫東同杜燕歌全部都好照顧我，呢套劇真係每個人都教識咗我好多嘢。」談到有網民以「蘇嘉盈」稱呼李海銅，李海銅笑言很歡迎：「因為蘇嘉盈已經等於李海銅，李海銅都等於蘇嘉盈。我係用李海銅嘅視覺去理解蘇嘉盈呢個人，所以其實蘇嘉盈都係李海銅嘅世界觀。」

李海銅

李海銅

而該幕的劇情亦相當震撼，即使自己死到臨頭，嘉盈依然掂記著阿風，除竭力留下「死亡線索」希望協助阿風破案，為免權世豪起疑心，嘉盈於臨死前用盡最後的力氣力證阿風對所有事不知情：「我老細叫我埋潘奕風身攞你料呀，但個傻仔咩都唔肯同我講呀，我唔明點解佢要對你咁忠心呀，我蠢呀，我鍾意咗佢呀…」對白再加上李海銅到位的演繹，場口煞是動容。

由於仍算是新人的李海銅在《臥底》中由頭帶到落尾、並因而人氣急升，問監製方駿釗當初為何會睇中李海銅時，他笑言「完全憑感覺」：「最重要都係氣質，我成日覺得氣質同角色係匹配嘅話，就會事半功倍。」