第三集「明星版《唱錢》」 側田屈機唱功＋搞笑認真性格贏盡洗版式好評

由森美、Eric Kwok（郭偉亮）帶領Plan V成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），昨晚（2月28日）播出「明星版」第三集。除了三位常規主持，還有陸浩明聯同Plan V其餘四位成員：江廷慧、彭家賢、陳昊廷及侯雋熙主持直播間，而今集現身為側田打氣的，全是TVB「田粉」，分別是陳若思、劉伊婷、黃紫恩及羅皓誼；四人全程表現異常肉緊，成功炒熱氣氛。

四大田粉（左起）：陳若思、劉伊婷、羅皓誼及黃紫恩

當知道Monster係《數字人生》後，側田靜止畫面咗好耐。

第三集「明星版」登場藝人是實力唱作人側田及港姐向海嵐！與首集「明星版」嘉賓張與辰一樣，側田以極佳成績打爆「9格Sing盤」，為觀眾成功爭取3萬港元現金獎。側田獻唱歌單Level順序為Level 1《分分鐘需要你》、Level 2《天才與白痴》、Level 3《Perfect》、Level 4《風繼續吹》、Level 5 《愛是永恆》、Level 6《祝君好》、Level 7《愛情陷阱》、Level 8《命硬》，並勇敢地堅決挑戰Monster Level、極少抖氣位的林子祥經典金句《數字人生》。綜合側田全晚表現，難度愈高歌曲他表現反而愈好，名副其實遇強愈強。

側田挑戰Monster前踎低練功。

真係好多時候都係瞇埋眼唱架，有圖有真相。啲歌詞唔單止密集，仲要係一連串咁難記嘅數字，真係好癲。

側田將Monster版《數字人生》送給原唱林子祥
昨晚引發最高討論度的，是時長1分56秒的Monster歌曲《數字人生》，不但比一般過關歌曲時長多出一倍，歌詞亦相當密集，但側田仍以綜合94.1%佳績成功過關，拍子準確度高達98.1%，相當厲害！其實側田整個挑戰過程確是相當經典，首先未正式開始挑戰前，側田大拋志氣Bite：「我寧願失敗，都好過冇試過！」之後，側田除了唱唱吓激動到要除衫降溫兼，在應付連串密集式歌詞及高難度區域時，八成時間更是「瞇埋眼」一輪嘴將歌詞背唱出來，足證他事前練習得滾瓜爛熟。側田演唱完畢後，全場大嗌「好癲」，Eric Kwok搞笑謂：「真係只有呢隻歌先至配得起你。」側田則回味無窮：「多謝你哋呀，好好玩！」並笑言要將自己唱的這個版本送給原唱林子祥。

唱到要除衫。

四位「田粉」爭奪側田外套。

認真嘅側田，未知是否用力過度，有時唱唱吓會呆咗，仲Cute！

悉打爆Monster後，側田嘅「呆萌」樣好搞笑。

側田其實唱到虛脫咁滯。

由於側田本身坐擁超級實力之餘，還玩得相當認真、完全沒有半點「揸流攤」，家庭觀眾及網民對側田自然洗版式好評，直指「樂壇欠側田一個交代」，更還不少網民指想馬上買側田演唱會飛睇：「今集好睇到癲」、「側田好有娛樂性」、「今集超好睇又緊張」、「睇得出側田好有心機」、「首首歌都好好聽，好似演唱會一樣，佢仲要好好笑」、「應該沒有人可以超越他了」、「側田唱功真係好屈機」、「全家人喺度大嗌」、「《數字人生》過到關，勁！」、「超級實力派歌手」、「根本就玩住嘢都會Win」、「樂壇欠側田一個交代」、「《命硬》呢首歌真係好好好勁」、「好欣賞，用心唱，有實力」、「最癲係佢就算掛住睇個Mon當打機咁玩，把聲啲轉音、真音、假音都係好Smooth」、「睇到心都跳埋出嚟」、「回憶返晒嚟，正」、「好好聽，神級」、「《數字人生》根本齋讀都讀唔切」、「Monster真係勁，拍爛手掌」、「靈活變通，有實力又勇敢唱歌又好聽」、「佢超認真，依集係最好睇」、「勁呀，側田打爆機，即刻想買佢演唱會飛呀」、「幾耐冇全部坐定定喺梳化睇電視，無拖泥帶水，又聽到好歌」。

但能夠打爆機，梗係開心啦。

佢個樣真係開心到好好笑！

側田肉緊挑戰《命硬》亦係尋晚一集經典位。

側田可愛搞笑動靜真係極多。

側田，你係得嘅！

向海嵐

其實側田的拍子感確是非一般，在挑戰Level 2的《天才與白痴》時亦展現了驚人的拍子，Eric Kwok在側田開唱前明言：「每個Verse（拍子）都有啲唔同，要好熟先得」，又指「有堅嘢、有流嘢、有精嘢、喎嘢、渣嘢，仲有大鑊嘢」這個位相當高難度，但側田都完美過關，拍子準確率高達98.4%，綜合成績亦有97.4%，表現極佳。至於全晚令側田最「驚豬」歌曲，是張國榮（哥哥）的《風繼續吹》，皆因太過Free Tempo：「呢隻歌我練咗好耐」Eric Kwok聞言補充：「佢難在音同音之間會扭吓扭吓。」結果側田只唱了半分鐘，音準bar已跌穿一半，嚇到他急變「機械腔」捱到過關，相當驚險。

至於向海嵐，則成功挑戰了6首歌曲，獻唱歌單Level順序為Level 1《天窗》、Level 2《Bad Romance》、Level 3《好心分手》、Level 4《終身美麗》、Level 5《我們都是這樣長大的》及Level 6《秋來秋去》，成功為觀眾爭取到3千港元現金獎。雖然向海嵐事先講明最怕接觸考驗爆發力的歌曲，但她最終卻憑快歌《Bad Romance》贏得最高綜合分數93.7%，獲森美笑言：「你根本適合跳唱組合。」為了幫觀眾爭取最多獎金，向海嵐錄影節目前專誠找來唱歌老師練習唱功，相當有誠意。

向海嵐

由森美、Eric Kwok（郭偉亮）帶領Plan V成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），本周六晚（4月4日）八點半翡翠台播出第十集。除了三位常規主持，陸浩明將聯同Plan V其餘四位成員：江廷慧、彭家賢、陳昊廷及侯雋熙主持直播間。

（左起）良玳瑩Crystal、繆昀希Charlotte、楊秉頤Caitlin

Eric Kwok講咗咩搞到XiX咁驚恐？

Eric Kwok講咗咩搞到XiX咁驚恐？

呢三個女仔咩都唔驚咁好搞笑。

《唱錢》今集嘉賓，是Eric Kwok「親生女」XiX—良玳瑩Crystal、楊秉頤Caitlin及繆昀希Charlotte，值得留意的是，三人之中，年紀最小的Charlotte/沙律只有17歲，最大的Crystal也只有19歲，但難得的是，三人全程零緊張零怯場，即使面對「緊張爸爸」Eric Kwok瘋狂逼迫，或是「跌入危險區」，三人仍能處變不驚應付各樣難題、堪稱「人細膽大」。

一睇就知Eric好Proud of沙律。

一睇就知Eric好Proud of沙律。

好有Energy嘅三位女孩。

好有Energy嘅三位女孩。

今集搶焦位，絕對是「緊張爸爸」Eric Kwok，雖然身為主持的Eric講明「冇事先通水」，但當三位囡囡正式落場時，Eric不但丟下拍檔Desta及森美走去親友席為愛女們打氣；於愛女輪流上陣挑戰「Sing盤」時，自稱忐忑不安的Eric不但打晒手勢示意「唱慢啲／唱快啲」，還一再做出「食拳頭」及反眼等虛脫表情，又因XiX決定太飄忽一度嚇到腳仔軟要「呼叫輪椅」。就算XiX不用唱歌期間，Eric一樣冇時停，不是企圖嘗試左右XiX闖關決定，就是對三女囉囉嗦嗦，結果不但遭森美喝斥：「家屬靜啲」，還一度遭森美「強行夾走」，相當爆笑。

Eric Kwok嚇到腳軟兼暈低。

食晒拳頭好肉緊。

係咁幫阿女們打拍子。

最後嘈到森美要出手扮夾走佢，笑死。

說回XiX表現，由於系統暫時只容許一人挑戰，故XiX正式挑戰前已分好崗位，Crystal是「型格擔綱」、沙律是「柔綱」、Caitlin則為「爆綱」，甚有創意。三人之中，以沙律率先出戰挑戰Level 1《陪著你走》，結果綜合成績達96.8%之餘，拍子亦高達98.8%，成績驕人！據知三人之中，有一人更成功唱出了100%的拍子準確率，欲知誰人如此厲害？密切留意新一集《唱錢》。