46歲的方力申（Alex）與老婆葉萱（Maple）於去年12迎來愛女Isla（方愛嘉），榮升新手爸爸的方力申即化身「晒女狂魔」，不時在社交平台分享父女日常。轉眼間，Isla已經三個月大，小方近日就首次為囡囡沖涼，但他卻坦言有些後悔，「Isla差唔多三個月大我先敢第一次幫佢沖涼，有啲後悔之前初生嘅時候唔敢抱唔敢沖，新手爸爸冇經驗係咁㗎喇。」
方力申一家三口
方力申自囡囡出世後即化身「晒女狂魔」！
近日就首次為囡囡沖涼。
影片截圖
小方在IG晒出為囡囡沖涼的影片，可見他先抱着囡囡，一邊用小毛巾小心翼翼為囡囡洗頭，一邊用「BB聲」說話逗囡囡開心，Isla則眼仔碌碌四圍望，非常可愛！洗完頭，小方就將囡囡放入浴盤，同樣拿着小毛巾為囡囡沖涼，雖然Isla有少少皺眉，但都很乖巧，沒有喊也沒有扭計，而小方也留意到囡囡的反應，溫柔地對囡囡說：「係咪爸爸第一次同你沖涼有啲緊張呢，我都好緊張。」
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
最後，小方順利完成首次為囡囡沖涼的任務，並用毛巾囡囡，再開心地攬着囡囡！網民都紛紛留言讚小方手勢不錯，「睇得出BB好享受你幫佢沖涼」、「哩個爸爸真係好叻，幫B女沖涼都做得咁出色」、「湊得好好！no.1 爸爸」、「新手爸爸掂」、「好enjoy洗白白，新手爸爸手勢OK喎」。
影片截圖
影片截圖
影片截圖
運動家40周年重點活動「全民運動挑戰日」昨日（3月1日）於屯門市廣場4/F tmtp commons舉行，並正式挑戰健力士世界紀錄™「最多人線上線下同時做開合跳」。活動以「全民運動家・為慈善破紀錄」為主題，號召市民透過一分鐘同步開合跳，共同創造屬於香港的社區里程碑。是次挑戰特別邀請運動員及藝人方力申擔任星級大使，香港跳繩精英運動員戚本熹、花式跳繩世界冠軍暨前香港跳繩運動員郭義德，以及梁芷珮（Christy）則以非牟利機構「和諧之家」和諧家庭大使身份出席，與現場市民一同完成同步開合跳世界紀錄。
「全民運動挑戰日」
是次挑戰經現場統計及健力士世界紀錄™官方認證官即場核實，最終共有363名參加者成功創下「最多人線上線下同時做開合跳」健力士世界紀錄™。官方其後頒發證書予運動家代表，標誌著品牌40周年的重要時刻。運動家有限公司市場營銷主管蔡瑨翰表示：「『活力概念、無限發現』係運動家一直堅持嘅精神。40年來，我哋不單鼓勵市民積極參與運動，同時亦持續關懷社區、推動活力文化，希望透過今次健力士世界紀錄挑戰，凝聚市民力量，將運動變成一種共享嘅正能量。」
挑戰健力士世界紀錄™「最多人線上線下同時做開合跳」成功！
活動星級大使方力申最近榮升爸爸，近月工作與家庭兩邊兼顧，行程緊密之餘仍積極參與公益活動及體育推廣。他坦言成為父親後，對「榜樣」二字有更深體會：「以前做運動，我會諗點樣突破自己；而家我會諗，我做的選擇會唔會影響屋企人。小朋友未必聽你講道理，但一定會睇你點做。」他直言，健康已經唔再只屬於個人目標，而係家庭責任的一部分：「健康唔再只屬於我自己，而係成個家庭的基礎。如果我可以保持運動、保持正面，對小朋友來講已經係一個身教。」
方力申
對於今次以全民參與形式慶祝品牌40周年，小方表示特別有意義：「當一個周年唔止係慶祝，而係可以轉化成實際行動同慈善支持，幫到真正需要幫助的人，我覺得很有意義。當你願意踏出一步去參與，可能已經為身邊人帶來正面力量，對我來講，我覺得更比掌聲更有價值。」
活動當日，方力申及梁芷珮將親臨現場，與市民一同參與挑戰，並於現場「祝福樹」寫下對家庭與社區的祝福心意。梁芷珮更與家人一同上場，身體力行投入嘗試，以行動支持慈善。除了分享家庭與運動健康生活的點滴外，兩位嘉賓亦會與現場參加者互動交流，鼓勵大眾將運動融入日常生活。現場設有多個互動環節及社區攤位，讓市民在輕鬆氣氛中參與其中，促進家庭之間的連結，體現運動與公益結合的正面力量。
梁芷珮、方力申
小方與全場參賽者一同參與開合跳衝擊健力士世界紀錄，事前做足準備工夫，小方笑道：「今朝我都有做運動，行咗三十層樓梯，好在今日天氣唔係太熱，大家好順利一次過完成呢個慈善紀錄。」近日小方人逢喜事精神爽，女兒愛嘉活潑精靈，剛過生日的他更宣布五月首踏紅館舉行個人演唱會，海報一出即時成為話題焦點，一身粉紅搶眼打扮的小方，被指與尹光於二三年的演唱會海報造型撞到正，他落落大方回應：「我要負上所有責任，因為全部都係我決定，我真係好鍾意粉紅色，十幾歲破香港紀錄有戴粉紅色泳帽，我着嘅內褲都有粉紅色，仲有我本身又生女呢！粉紅色襯粉藍色真係好靚，點知同光哥撞到一模一樣！（考慮順勢邀請尹光擔任嘉賓嗎？）平時有同光哥一齊打乒乓波，我哋係好兄弟，光哥同我講會全力支持我！」
方力申
尚有兩個多月時間，小方已在全速籌備，並進行魔鬼特訓，他說：「香港人要求高，又要放煙花又要剝衫，我要為剝衫做好準備！但最大需要克服嘅就係我個女，返屋企見到佢就乜都唔想做，淨係望住佢、抱住佢、同佢傾偈，點樣可以兼顧老公、爸爸，仲可以操 fit 自己？真係最大嘅困難！」
小方將於5月舉行紅館演唱會。
小方亦分享了自己「新手爸爸」生活的點滴，照顧女兒本身已是一項高強度的體力訓練。「成日抱住女兒走來走去，其實都幾考體力。」他形容與太太輪流照顧女兒的過程，猶如一場不斷交棒的接力賽，「大家分工合作，有時我接手，有時佢接力，默契好重要。」他笑稱兩人這個「混雙組合」尚算合拍，「湊女同做運動幾似，都講求體力、耐性同配合。」
一家三口。
不少網民指女兒樣貌似足爸爸，被問到會否期望她將來繼承衣鉢成為運動員，小方笑言未有刻意為女兒規劃未來方向，但健康一定會放在第一位：「佢而家仲細，未睇得出適合玩什麼項目，不過活動量都幾高。做唔做運動員唔重要，最重要係健康同開心，我希望佢從小在日常生活中接觸運動，將運動視為生活的一部分。」他續稱，多年運動員生涯讓他學會紀律與自律，也令他更確信運動不應只屬於少數人。「運動唔一定係比專業運動員，任何人都可以開始，重點係願唔願意踏出第一步。」他認為，今次以開合跳作為挑戰動作，正正體現這個理念，「呢個動作人人都可以做，只要願意參與，就已經係運動的一部分。」
小方與囡囡
梁芷珮 (Chirsty) 一直關注家庭議題，認為家庭和諧對小朋友成長至關重要，因此欣然答應擔任非牟利機構「和諧之家」和諧家庭大使。今次她更帶同老公及女兒一齊出席，以實際行動支持活動。她坦言，一家人一齊參與運動，本身已經是一種溝通方式：「和諧之家一直推廣尊重、溝通同零暴力嘅家庭文化，我覺得這不是口號，而是每日怎樣相處。就算只係一齊做運動、流下汗，其實已經係建立關係的過程。」
Christy向來熱愛運動，平日亦會刻意安排家庭活動時間，讓一家人走出家門動一動。她說：「家庭衝突好多時因為缺乏溝通同壓力累積，如果可以有一個共同活動，大家自然會多些互動同理解。小朋友未必即刻明白什麼叫尊重，但會感受到父母點樣對待彼此。」她形容，健康家庭不是沒有磨擦，而是願意坐低傾、願意陪伴，「我希望透過今次同屋企人一齊參與，讓小朋友明白，關心家庭同關心社會可以一齊。」
梁芷珮
香港跳繩精英運動員戚本熹近年持續代表香港出戰國際賽事，現正全力備戰本月中舉行的全港跳繩錦標賽，並於稍後前往西安參加UJR國際賽事，備戰狀態持續提升，維持高強度體能與技術訓練。談到今次參與運動家全民挑戰，他認為重點不在難度，而在節奏與同步：「競技場上講求個人成績，但運動精神係共享。當現場所有人一齊同步完成動作，這種凝聚力同專注感，好有感染力。」他指出，開合跳雖然動作簡單，卻同樣講求節奏控制、身體協調與心肺耐力，「跳躍動作其實係全身性訓練，對爆發力同穩定性都有要求。」他亦希望透過今次活動，讓更多年輕人接觸運動，「運動唔一定要由競賽開始，最重要係培養持續運動的習慣。」
郭義德、戚本熹
合照
