馮德倫宣布重返樂壇！為親生IP開金口：好似返返去Dry嘅年代

馮德倫（Stephen）創立的動漫IP「Bucket man」去年3月面世，憑藉其獨特的「紅膠桶」形象與香港本土文化元素，展現出強大的跨界影響力，「Bucket man」IP於去年10月獲DesignerCon香港頒發「Rising IP 大獎」，表揚其在創意與科技結合上的潛力，而IP更打入卡牌界，推出滙豐One+ x「Bucket man」獨家限量卡牌；Stephen近月分別找來全球網絡爆紅人物一全球第二大網紅「無語哥」Khaby Lame跟頂級知名網紅兼資深收藏家、拍賣1億3史上最貴比卡超卡的 Logan Paul，二人為「Bucket man」加持，Khaby 在片中打破沉默為其發聲，同時，Logan亦關注並分享了 對Bucket man的看法，將IP 推向全球視野。

馮德倫

馮德倫創立的動漫IP「Bucket man」去年3月面世

馮德倫創立的動漫IP「Bucket man」去年3月面世

馮德倫創立的動漫IP「Bucket man」去年3月面世

馮德倫重返樂壇

「Bucket man」推出短短一年已動作多多，這個充滿活力的原創動漫IP成為Stephen藝術表達的重要延伸。最近，「Bucket man」變身「Bucket man zero」， Stephen說：「Bucket man呢個動漫IP會不斷同有趣嘅人或公司合作，因為我好鍾意玩具，我不嬲都有幫three zero買開佢哋好靚嘅玩具，覺得佢哋好有品味，今次想同佢哋搞一個聯乘，好開心做咗呢個Bucket man zero嘅公仔，為咗佢仲創作咗一首宣傳歌《屢戰屢敗又怎樣》……」

馮德倫重返樂壇

「Bucket man」代表著堅韌不拔和無限潛力的精神，突破重重挑戰、逆境而上，Stephen為了全新項目主唱新歌《屢戰屢敗又怎樣》，闊別樂壇多年，為了親生IP 重操舊業走進錄音室，Stephen感覺興奮：「好多年冇認真去做隻歌出嚟，其實自己都幾興奮嘅，今次出師有名，咁啱有呢樣嘢去宣傳，加上之前同Mark做完Kelly嘉賓，好開心，所以就比較理所當然咁去做，今次係機緣巧合去做呢件事。其實自己一向都好鍾意彈結他、打吓鼓嘅，只不過唔係喺大家觀眾見到情況下去做。首歌訊息係好正面、係可以發洩嘅一首歌，歌詞未必係可以反映我嘅人生，但係幾正嘅，屢戰屢敗又怎樣？而家係好艱辛、成日都輸，咁又如何？呢個係一個態度，係幾好嘅。」而新歌還邀請了著名攝影師夏永康操刀執導拍攝MV，MV將於今晚首播，Stephen拿着結他夾band主唱，令他重拾30年前夾band的日子：「好好玩！好似返返去Dry、20 幾歲嗰陣。」

馮德倫（Stephen）昨天（3月22日）現身亞洲最具影響力的潮流文化盛事ComplexCon 2026，吸引多位紅人捧場，藝術家兼ComplexCon Hong Kong藝術總監龍家昇、還有重磅嘉賓、韓國超人氣歌手朴載範（Jay Park）與旗下炙手可熱的新男團LNGSHOT，成員包括Ohyul、Ryul、Woojin及Louis一同現身，為慶祝Stephen一手策劃的Bucket man動漫先導預告片首播，吸引千人圍堵Bucket man展區。他們一到場即被播放中的動漫預告吸引，看得投入， 超熱愛動漫的Jay Park看後也被勵志的故事構思所感動，他說：「是的，我真的很喜歡故事的概念，我喜歡他們克服重重困難，戴上紅水桶後，成功克服所有的難關，成為更強大的人！這個主題很棒，角色也很棒，我很喜歡現場所有的動畫、玩具等等的東西。」

馮德倫（Stephen）昨日（22日）現身潮流盛事ComplexCon Hong Kong，為他一手策劃的動漫IP Bucket man先導預告片首播造勢，韓國超人氣歌手朴載範（Jay Park）與旗下男團LNGSHOT驚喜現身撐場。

吸引千人圍堵展區，場面墟冚。

四位LNGSHOT年輕成員更一邊看一邊吃爆谷，又到扭蛋機夾盲盒，非常享受， Louis說：「我很喜歡這條預告片，真的要向Bucket man致敬！希望我們都能去看這部電影，一邊享受着爆谷和今天收到的禮物。非常感謝！」Ryul說：「他戴着這個水桶出來，這個概念令我印象最深刻，故事裏出現的主角是一位學生，一個以學校為主題的故事，我真的很喜歡看。」

LNGSHOT一邊食爆谷一邊欣賞預告，又到扭蛋機夾盲盒。

玩得相當投入。

LNGSHOT

Stephen第二年帶着Bucket man參展，其實其動漫IP Bucket man一年前誕生以來，每次合作的單位也有驚喜，他說：「我覺得ComplexCon係一個好好嘅地方去俾啲artist去交流，又可以互相去睇吓大家啲有啲咩作品，所以係一個好嘅環境同推廣文化地方，我非常欣賞。其實我每一次邀請嘅嘉賓例如Michael Lau、ThreeZero、Khaby 等等，佢哋本身都係鍾意動漫，咁樣先至係比較貼題。今次邀請Jay Park，佢係有好Hip Hop culture嘅感覺，佢好認真，大家都有傾吓動漫，LNGSHOT就非常靚仔，跳舞非常之厲害啦！年輕靚仔啲歌又合潮流！」

LNGSHOT成員Louis更向Bucket man致敬，期望將來能入場欣賞電影。

馮德倫第二年帶着Bucket man參展，他指ComplexCon是藝術家交流的好平台，今次邀請Jay Park因對方熱愛Hip Hop文化，與動漫主題貼合。

Bucket man動漫預告故事講述一位有社交障礙的初中生，面對的社交壓力，感覺自己沒有用、是一個空殼。社交困難導致於學校遭受霸凌。一次水桶惡作劇讓他得到外星的能量，變成一個超級英雄。Stephen說：「我覺得而家好多新世代嘅年輕人，可能因為social media嘅影響，令到佢哋比較難同人面對面溝通，比上一代更加內向，好多都會有呢個溝通嘅障礙，今次故事我係想搵返個議題，係可以同而家嘅年輕人接到軌嘅。」

馮德倫（Stephen）昨日（22日）現身潮流盛事ComplexCon Hong Kong，為他一手策劃的動漫IP Bucket man先導預告片首播造勢，韓國超人氣歌手朴載範（Jay Park）與旗下男團LNGSHOT驚喜現身撐場。