臥底嬌娃｜羅毓儀吳子冲「治癒系CP」勁吸好評 「演戲初哥」鍾柔美獲讚演出初戀感

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，逢周一至周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

Yuki吳子冲呢對「治癒系CP」，睇到勁多網民心心眼。

Yuki嘅Cutie樣已獲唔少網民認證可愛。

子冲由抗拒到被融化再到投入傻氣扮貓呢段，演得好有層次同心機。

最近兩集《臥底嬌娃》，劇情集中在童小茹（花名：小魚，羅毓儀Yuki飾）與索柏（吳子冲飾）、歐凱（花名：海鷗／吻魚仔，涂毓麟飾）及寶儀（鍾柔美Yumi飾）的四角戀。天生是漫畫控的小魚，在醫院偶遇貌似地場衛的索柏時已一見鍾情，及後因索柏愛流連洗衣店，二人多了機會相處，小魚得知索柏有段悲慘童年及不愛自己的父親後，即正能量大爆發以黑貓「黑妹」及「貓咪舞」鼓勵索柏，成功融化「冷面索柏」…

劇情加埋兩位演員嘅眼神表情，戀愛感爆燈。

「黑貓男孩」

Yuki呢個「男友濾鏡」網民都好鍾意。

戀愛中嘅笑容，確實係咁吖。

「黑妹」都好多人讚靚呀。

網民看得肉緊 高呼別Bad Ending
前晚（3月10日）子冲在Yuki鼓勵下，放下冰冷面具、尷尷尬尬扮貓咪而又帶點傻氣一幕，在小紅書獲洗版式大讚甜到漏，大讚編劇導演有功力之餘，又指子冲與Yuki有化學作用：「太陽融化冰山」、「互相治癒，好溫暖」、「糖份超標」、「希望小魚可以救贖索柏」、「小魚是索柏的曙光」。搞笑的是，有不少網民擔心「愈甜愈虐」定律，紛紛留言問子冲與Yuki這對「治癒系CP」會否Be（Bad Ending），子冲當然大賣關子；而當有網民問到二人後續有否Kiss戲時，子冲則幽默回應：「不能告訴你，林生（Yuki男友林俊其）會看到。」子冲今次角色邪氣背後有血有淚，相當立體，難怪隨著劇情推進贏盡正評，更有網民指高大的他有韓男Feel：「吳子冲做奸角幾得，好靚仔，好高大」、「人前Cool boy，餵貓喵即現反差萌」、「笑咗更迷人」、「對眼電力逼人」。

Yumi啲初戀樣一絕。

Oscar呢個笑容都好殺食。

29歲羅毓儀與19歲鍾柔美同框真係唔覺有任何年齡差距。

至於小學時已暗戀小魚的吻魚仔，昨晚（11日）驚爆就是當初為寶儀進行人工呼吸的救生員，為強調寶儀一見鍾情，劇組以「女友瀘鏡」拍攝Oscar大頭，配以Oscar的清純笑容，相當impressive。對於Yumi飾演情竇初開少女，網民均認為表現稱職，大讚Yumi完美演繹「少女情懷總是詩」的初戀感。

另一值得留意的是，Yuki昨晚一集「童顏能力值」再獲認證，事緣昨晚Yuki與劇中閨密Yumi有大量同框鏡頭，Yuki更佻皮地多番整蠱及取笑墮入愛河的Yumi，氣氛清澀。根據資料，Yuki雖然比Yumi足足大了十年，但二人拍在一起，卻完全沒有年齡差，不少網民大讚Yuki不愧為TVB「童顏代表」，還指Yuki在劇中表現確是相當可愛，無論唱歌仔或是扮貓仔都恍如真少女般討喜：「Yuki個笑容真係好似一個大太陽。」

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，昨晚播出大結局。

李海銅

《臥底嬌娃》昨晚（3月27日）播出的大結局既緊張又感人，劇情講述奕風（馬貫東飾）幾經辛苦，找到蘇嘉盈（李海銅飾）死前留下的錄音頸鍊，終得悉殺死嘉盈真兇是權世豪（杜燕歌飾）；由於嘉盈死得太慘太冤枉，奕風理智盡失，辭去警察職務之餘，還出盡辦法揪出權世豪進行私刑…幸好危急關頭，奕風想起嫲嫲昔日教誨「你要做好事，唔好做壞事」，才未有殺死權世豪，權世豪最後亦得到應有制裁。

其實權世豪之所以對嘉盈對現殺機，除想逼出嘉盈講出製毒幕後Big Boss、還因誤會嘉盈是劉彪（關禮傑飾）派往阿風身邊收風的臥底；在一輪打鬥及追逐下，暴走的權世豪對嘉盈拳打腳踢後、將大量毒品灌入嘉盈口，最終嘉盈因overdose墮樓慘死！昨晚這一幕，飾演嘉盈的李海銅演技再獲激讚，首先在被灌藥一幕，李海銅放下「藝訓班班花」身段，完美演繹出口吐白沫的overdose狀態，為求真實任由口水絲掛在嘴邊之餘，又不斷反眼代入狀態，相當專業兼演繹自然。

李海銅

李海銅

談到場口，李海銅接受官方專訪時，坦認嘴邊白沫並非道具，而是她自己的「真口水」：「劇組係用咗啲糖溝埋啲粉紅色嘅鹽去畀我服食，為求逼真，我同燕哥夾好咗要實做唔借位」、「到咗真係action嗰吓，我真係濁親，我畀啲鹽濁咗上個鼻度，所以嗰個流口水反應其實係真架，嗰吓我真係好想嘔同咳。我仲記得之後我呻鼻涕，真係呻番啲鹽出嚟。」問到部分場口吊住口水拍攝會否擔心影響靚樣，李海銅專業謂：「外表其實係其次，最緊要觀眾感受到我角色嗰吓嘅辛苦同痛，所以流口水都由得佢喇。但都希望大家唔好介意我咁核突，因為口水加咗鹽之後會起泡，我只係想澄清番我唔係𦧲痰，現場有Cam Man笑我亂𦧲痰，我猛話真係唔係，好好笑。」

李海銅坦言與蘇嘉盈混為一體
李海銅還感激杜燕歌在現場的百般照顧及體貼，並感恩劇中對手馬貫東、陳瀅及杜燕歌都很照顧自己：「因為權世豪個角色本身好多accessories，但因為燕哥知道呢場同我好多動作戲，所以佢一早就拆晒啲戒指、手鍊，仲剪晒指甲，驚整傷我」、「佢仲有教點樣OD會像真啲，因為嗰吓我唔可以清醒，但又唔可以太口齒不清，都有啲難度」、「喺呢度再次好多謝陳瀅、馬貫東同杜燕歌全部都好照顧我，呢套劇真係每個人都教識咗我好多嘢。」談到有網民以「蘇嘉盈」稱呼李海銅，李海銅笑言很歡迎：「因為蘇嘉盈已經等於李海銅，李海銅都等於蘇嘉盈。我係用李海銅嘅視覺去理解蘇嘉盈呢個人，所以其實蘇嘉盈都係李海銅嘅世界觀。」

李海銅

李海銅

而該幕的劇情亦相當震撼，即使自己死到臨頭，嘉盈依然掂記著阿風，除竭力留下「死亡線索」希望協助阿風破案，為免權世豪起疑心，嘉盈於臨死前用盡最後的力氣力證阿風對所有事不知情：「我老細叫我埋潘奕風身攞你料呀，但個傻仔咩都唔肯同我講呀，我唔明點解佢要對你咁忠心呀，我蠢呀，我鍾意咗佢呀…」對白再加上李海銅到位的演繹，場口煞是動容。

由於仍算是新人的李海銅在《臥底》中由頭帶到落尾、並因而人氣急升，問監製方駿釗當初為何會睇中李海銅時，他笑言「完全憑感覺」：「最重要都係氣質，我成日覺得氣質同角色係匹配嘅話，就會事半功倍。」