張繼聰《WHAT’S NEXT LIVE 2026》演唱會4月9日麥花臣引爆 挑戰「大考」舞功唱跳極限捨易取難全新歌單回饋樂迷

準備好迎接張繼聰的「下一步」了嗎？由Live Nation HK主辦，張繼聰將於4月9日（星期四）晚上8時，在麥花臣場館舉行《WHAT’S NEXT LIVE 2026》個人演唱會。距離演出不夠一個月，張繼聰透露正身處大直路全力備戰，會以全新編排的歌單及舞蹈，撕掉標籤，讓觀眾認識演戲以外的他。

張繼聰

張繼聰

張繼聰

張繼聰

去年在內地有多場巡唱的張繼聰，直言這次演唱會捨易取難，放棄複製內地tour的演出內容，強調說：「今次rundown準備咗好耐，好多歌都係第一次現場唱，如果舊年你冇去過內地睇我嘅騷，今年嘅歌你一定冇聽過！」他更向一眾只熟悉他演員身份的觀眾呼籲：「如果你淨係睇過我演戲，從來未聽過我唱歌，你真係要嚟睇一次。人生唔可以話有咩大遺憾，但係你嚟我嘅演唱會，就會少一個遺憾。」

張繼聰將於4月9日（星期四）晚上8時，在麥花臣場館舉行《WHAT’S NEXT LIVE 2026》個人演唱會

張繼聰將於4月9日（星期四）晚上8時，在麥花臣場館舉行《WHAT’S NEXT LIVE 2026》個人演唱會

張繼聰將於4月9日（星期四）晚上8時，在麥花臣場館舉行《WHAT’S NEXT LIVE 2026》個人演唱會

張繼聰將於4月9日（星期四）晚上8時，在麥花臣場館舉行《WHAT’S NEXT LIVE 2026》個人演唱會

張繼聰將於4月9日（星期四）晚上8時，在麥花臣場館舉行《WHAT’S NEXT LIVE 2026》個人演唱會

問到今次演唱會的一大難關，張繼聰透露莫過於跳舞環節，坦言年紀漸長，排練過程猶如大考，說：「以前18、22歲，跳六七個鐘冇問題，而家跳六七個鐘會傷，所以要好精準。」他特別感謝欣賞已久的排舞師Luen Mo為他度身設計舞步：「佢成日唔喺香港，但為咗我留低幫手。佢嘅Hip Hop風格睇落簡單，但要跳出味道，身體每一個部分都要郁，真係要做一千幾百次先做到。」

為做到絕不欺場，演唱會上的跳舞環節將長達十多分鐘的Medley，難度之高連太太謝安琪看完第一次綵排影片也不禁驚嘆：「你做乜搞啲咁嘅嘢？咁複雜你點跳？」不過張繼聰決心一試，說：「但係我想試吓。呢個係作為表演者，對觀眾嘅誠意，亦係每一次都要迫自己，好似演唱會主題「what’s next」，下一步嘅新嘗試。」問到擅長跳舞的女兒可有提供意見，張繼聰說：「佢同佢啲同學跳得好勁，水準已經超越咗我。本意係想威俾個女睇，但而家發覺有難度。希望到時佢嚟睇，唔好令佢覺得尷尬，我會盡力跳！」

《WHAT’S NEXT LIVE 2026》海報

嘉賓陣容方面，張繼聰透露邀請了兩位對他別具意義的歌手。一位是他圈中的年青好友，希望二人能在台上演出之餘，分享生活點滴；另一位則是樂壇前輩，更是他音樂啟蒙：「佢嘅音樂啟發咗我，細個喺演藝學院參加比賽，都係唱佢嘅歌。今次有機會邀請到佢，可以同真人一齊唱，係一個成就解鎖。」他感謝兩位嘉賓一口答應，自己亦努力練唱他們的歌曲以作報答。張繼聰對即將舉行的演出萬分期待，並對整體安排感到非常滿意。他深信精心策劃的內容與流程，將令觀眾完全投入其中，轉眼間便度過一個難忘的晚上。

張繼聰《WHAT’S NEXT LIVE 2026》演唱會
主辦：Live Nation HK
日期：2026年4月9日（星期四）
時間：晚上8時
地點：麥花臣場館
票價：港幣 $899 / $599（全坐位）
公開售票：門票已於Ciytline 發售

今日（3月13日）是謝安琪（Kay）的49歲生日，昨日（12日）她於社交平台分享開年飯照片，順道慶祝農曆生日。即將「入五」的Kay凍齡力驚人，少女味十足。除了老公張繼聰外，楊偲泳更帶同視帝男友張振朗驚喜現身，場面熱鬧。Kay留言：「齊齊整整食個開年飯🥰仲慶祝埋我農曆生日，團隊上下一齊，坐埋一枱食吓～笑吓～就係最好嘅祝福✨希望新一年事事順利，日日都有開心事☺餐餐都同鍾意嘅人一齊食🥢身體健康，平安就是福！」

謝安琪IG圖片

謝安琪IG圖片

謝安琪IG圖片

謝安琪IG圖片