歐陽萬成現身謝票透露計劃構思「新Joke」再開show 「葵芳」蔡蕙琪自我介紹求集郵

歐陽萬成昨晚（3月19日）現身尖沙咀iSQUARE英皇戲院，出席《JIMMY O. YANG 歐陽萬成 FINALLY HOME》首映特別場，親自向觀眾謝票，現場星光熠熠，馮德倫、尹光、「葵芳」蔡蕙琪、謝咏欣、蔡思貝、翁子光導演、何爵天導演、冼婉雯及蘇韻芝等嘉賓均專程出席捧場。電影於今日（3月20日）正式上映，全場爆滿，場面熱烈，堪稱「衣錦還鄉」，真正「香港仔・返屋企」！

歐陽萬成現身尖沙咀iSQUARE英皇戲院，出席《JIMMY O. YANG 歐陽萬成 FINALLY HOME》首映特別場。

「葵芳」蔡蕙琪

謝咏欣

Ahyo@Lolly Talk

Cloud雲浩影

Mic周卓盈

這部被觀眾視為Jimmy「回家之作」的電影版，將紅館現場的笑點金句4K高清搬上銀幕，還原現場震撼氣氛！讓更多觀眾得以在戲院再度投入那一夜的熾熱氣氛，細味每一句金句與每一個笑點。Jimmy透露自己返美國後用了整整六個月進行剪接，當中亦勾起不少感動回憶。這次返港宣傳之餘，他亦特地走訪童年常去的金龍大廈，更不忘大快朵頤叉鵝飯和響螺湯，可謂「香港仔真・返屋企」。

歐陽萬成

歐陽萬成

Jimmy談到兒時在香港經常收看《男親女愛》和周潤發主演的電影，從沒想過長大後成為子華神及發哥（周潤發）會認識的人，對此感到非常榮幸。被問到是否私心保留子華的鏡頭時，Jimmy笑言自己「剪盡」子華神的畫面，希望能沾一下正衝擊億萬票房《夜王》的的喜氣。被問到會否想同子華拍《夜王》，他笑言不介意參演《夜王》續集，不過要收片酬利是利是！至於會否打算說服子華合作開棟篤笑，Jimmy直言：「It will be a dream！」。而昨晚《夜王》「葵芳」蔡蕙琪亦現身出席捧場，她表示因早前未能買到門票欣賞紅館演出，今次特地入場欣賞，更笑言要親自上前自我介紹兼「集郵」。

歐陽萬成

歐陽萬成

「葵芳」蔡蕙琪成功集郵！

當被問及會否計劃來港再

開騷，Jimmy坦言有此計劃，但需要構思「新joke」：「觀眾每次睇棟篤笑都想聽新嘢，自己都鍾意做something unexpected，所以要慢慢諗新joke，等再嚟香港時可以帶啲驚喜畀大家。」Jimmy隨後遂一入戲院謝票，與觀眾近距離分享《Finally Home》帶來的感動與回家喜悅。他說：「呢個係第一個香港棟篤笑喺戲院上映，亦都係全球首位亞洲棟篤笑藝人將棟篤笑放上大銀幕，呢個唔單止係一場棟篤笑演出，仲係一個好特別嘅方式去同觀眾見面。」並以最真摯的方式親口向香港觀眾致謝。Jimmy表示：「香港對我而言，是真正『回家』的時刻。得知大家對《Finally Home》反應熱烈，我希望親身到戲院向觀眾致謝，並一同迎接上映。」

歐陽萬成

電影版以多角度4K高清拍攝，並配合專為戲院而設的聲效調控，完整保留紅館現場的掌聲、笑聲及歡呼聲，讓觀眾在戲院同樣能感受當晚的震撼氣氛。為讓更多觀眾更投入欣賞，電影版今次特別加入原汁原味廣東話字幕，讓觀眾更全面捕捉每個笑點與細節。Jimmy更特意加入本土元素及少量廣東話段落，向香港棟篤笑傳統致敬，並答謝多年支持他的香港觀眾。

全場大合照

歌手尹光到新城廣播接受李有毅與李國煒主持的《Ben同Benson「Chur」到行》訪問，分享由黃偉文（Wyman）為他度身訂造的新歌《你阿爸的無常宇宙》。現年81歲的尹光，在新歌中從出生唱到往生，說的是放下執著，接受上天的安排。然而在拍攝MV時，導演張子丰不讓尹光「死去」。

尹光接受新城《Ben同Benson「Chur」到行》訪問。

尹光談及新歌《你阿爸的無常宇宙》時難掩興奮，他表示歌曲由Wyman操刀：「自從《Dear Myself》之後，佢覺得佢想寫一首歌畀尹光唱。我聽到佢想寫畀我，嘩！開心到。我求都未必求到佢寫畀我，難得佢肯寫畀我，我開心到不得了。」

尹光介紹歌曲內容時滔滔不絕：「呢首歌係講一個人由出世到往生，以前人生幾十年，依家人生可以過百年，我都識幾個九十幾歲，現代人壽命長咗。佢講嘅往生同出生，叫人唔好太執著，每件事上天都安排好。你想健康就運動；你想開心就唔好諗太多，咁你個人就冇問題喇！」

左起：李有毅、尹光、李國煒

新歌MV由張子丰（Fred）執導，拍攝過程甚為有趣，他分享MV中的特別安排：「原本首歌係講我往生，講我死，但Fred話唔好畀尹光死住，我哋仲有排玩。」尹光續說：「MV入面我死咗經過奈何橋，佢話我冇手帶唔走得住。我問佢點解我唔走得？佢話『你未係時候，依家你鍾意去邊就去邊，鍾意做乜就做乜，玩夠再返嚟』。」

談及與兒子的關係，尹光提到自己歌曲《老豆》正正是講述父子關係，他坦承：「年輕時同個仔冇咁密切，長大之後就比較密切。」他解釋：「因為佢細個嘅時候要搵食，個個年輕時都會去拼搏去賺錢，賺錢時就好少顧個仔，多數請工人或者太太照顧，到依家想接觸個仔，佢又識諗嘢，覺得老豆以前冇照顧我咁好，依家想補救，同個仔都OK。」

新城CEO馬浚偉歡迎尹光到訪。

81歲尹光推出新歌《你阿爸的無常宇宙》。

尹光特別感謝影帝張家輝為《老豆》拍攝MV：「我喺呢到借個機會多謝張家輝，佢拍《老豆》個MV真係拍得好好。雖然三兩分鐘，佢個表情真係絕頂，頭髮雖然梳咗兩個鐘，但拍咗兩三秒，轉咗個頭，但嗰吓好有感覺，所以真係影帝。」尹光又透露與兒子的日常溝通：「我個仔冇咁多嘢講，佢同我老婆就講好多嘢，由我老婆講畀我聽。」

另外，尹光將於5月19日舉行《爆笑勁歌晒冷演唱會2026》，他笑言：「曬冷就唔敢講話曬冷，曬冷唱多啲歌畀大家聽，即係有啲歌冇唱過都曬畀你聽。」同時介紹兩位演出嘉賓：「第一個是蝦頭（楊詩敏），佢會同我唱一首好搞笑嘅歌，另一係鄭雅琪，佢喺粵曲界好出名，佢同我會唱幾首廣東小曲。」

唱盡出生到往生。

詳細節目內容，請留意4月25日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/