臥底嬌娃 | 孖羅毓儀CP配有機BE？ 吳子冲演「悲情癡情男」奸得嚟又惹人憐愛

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，逢周一至周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

就算明知被出賣、內心幾咁嬲，但因為鍾意小茹，索柏都係選擇忍！

就算明知被出賣、內心幾咁嬲，但因為鍾意小茹，索柏都係選擇忍！

但死忍嘅後果，就係愈嚟愈奸同輕佻。

劉彪暴走想殺死索柏，令索柏更灰。

最終脆弱不堪的索柏選擇向小茹示愛，可惜慘食檸檬。

索柏以為小茹再次出賣自己，佢最後會唔會走火入魔、終極暴走呢？

在劇中大受歡迎、由羅毓儀及吳子冲擔鋼的「茹柏CP」，昨晚（3月20日）一集劇情有了峰迴路轉發展。劇情講述索帕（吳子冲飾）意外得悉小茹（羅毓儀飾）臥底身份，但因深愛女方，只能一直強忍憤怒假裝沒事，最後還因按捺不住感情選擇主動表白，可惜慘遭拒絕…與此同時，索帕與親父劉彪（關禮傑飾）因白學年（白彪飾）反目，劉彪險些拮死索柏，令索柏終極死心與劉彪斷絕父子關係…另邊廂，警方成功於毒品交易現場拘捕劉彪等人，索帕雖逃過一劫，但卻因相約小茹見面被警察圍捕，懷疑被小茹出賣的索柏深感錯愕憤怒…

姚嘉妮真係保養得宜架。

姚嘉妮真係保養得宜架。

昨晚索柏先後被親父及最愛的小茹出賣，著實慘情，再加上子冲出色的演繹，一集之間先後展現了震怒、壓抑、感動、哀求、癡情等多元情緒，成功掀動網民大獲好 評：「高大有型、有戲味、亦正亦邪又唔做作」、「之前一直都知道佢，但呢套嗰種邪氣真係好出色」、「佢奸一個眼神，溫柔無辜又另一個眼神」、「幾靚仔，幾好戲，微表情做得幾好，今晚呢集最後嗰幕個失望樣喊咗」、「佢對眼都好有戲，奸角得嚟又惹人憐愛」、「佢呢個角色好岀，有種魔力咁」、「内心戲做得好好」、「佢同小茹到底之後會點！」對於角色大受歡迎、令不少網民心痛欲絕，子冲接受官方訪問時笑言接演索柏這個角色其實壓力不少：「因為編劇話好用心寫我個角色，叫我畀啲心機演，所以都好大壓力，好驚辜負咗佢哋嘅努力。」

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，昨晚播出大結局。

李海銅

《臥底嬌娃》昨晚（3月27日）播出的大結局既緊張又感人，劇情講述奕風（馬貫東飾）幾經辛苦，找到蘇嘉盈（李海銅飾）死前留下的錄音頸鍊，終得悉殺死嘉盈真兇是權世豪（杜燕歌飾）；由於嘉盈死得太慘太冤枉，奕風理智盡失，辭去警察職務之餘，還出盡辦法揪出權世豪進行私刑…幸好危急關頭，奕風想起嫲嫲昔日教誨「你要做好事，唔好做壞事」，才未有殺死權世豪，權世豪最後亦得到應有制裁。

其實權世豪之所以對嘉盈對現殺機，除想逼出嘉盈講出製毒幕後Big Boss、還因誤會嘉盈是劉彪（關禮傑飾）派往阿風身邊收風的臥底；在一輪打鬥及追逐下，暴走的權世豪對嘉盈拳打腳踢後、將大量毒品灌入嘉盈口，最終嘉盈因overdose墮樓慘死！昨晚這一幕，飾演嘉盈的李海銅演技再獲激讚，首先在被灌藥一幕，李海銅放下「藝訓班班花」身段，完美演繹出口吐白沫的overdose狀態，為求真實任由口水絲掛在嘴邊之餘，又不斷反眼代入狀態，相當專業兼演繹自然。

李海銅

李海銅

談到場口，李海銅接受官方專訪時，坦認嘴邊白沫並非道具，而是她自己的「真口水」：「劇組係用咗啲糖溝埋啲粉紅色嘅鹽去畀我服食，為求逼真，我同燕哥夾好咗要實做唔借位」、「到咗真係action嗰吓，我真係濁親，我畀啲鹽濁咗上個鼻度，所以嗰個流口水反應其實係真架，嗰吓我真係好想嘔同咳。我仲記得之後我呻鼻涕，真係呻番啲鹽出嚟。」問到部分場口吊住口水拍攝會否擔心影響靚樣，李海銅專業謂：「外表其實係其次，最緊要觀眾感受到我角色嗰吓嘅辛苦同痛，所以流口水都由得佢喇。但都希望大家唔好介意我咁核突，因為口水加咗鹽之後會起泡，我只係想澄清番我唔係𦧲痰，現場有Cam Man笑我亂𦧲痰，我猛話真係唔係，好好笑。」

李海銅坦言與蘇嘉盈混為一體
李海銅還感激杜燕歌在現場的百般照顧及體貼，並感恩劇中對手馬貫東、陳瀅及杜燕歌都很照顧自己：「因為權世豪個角色本身好多accessories，但因為燕哥知道呢場同我好多動作戲，所以佢一早就拆晒啲戒指、手鍊，仲剪晒指甲，驚整傷我」、「佢仲有教點樣OD會像真啲，因為嗰吓我唔可以清醒，但又唔可以太口齒不清，都有啲難度」、「喺呢度再次好多謝陳瀅、馬貫東同杜燕歌全部都好照顧我，呢套劇真係每個人都教識咗我好多嘢。」談到有網民以「蘇嘉盈」稱呼李海銅，李海銅笑言很歡迎：「因為蘇嘉盈已經等於李海銅，李海銅都等於蘇嘉盈。我係用李海銅嘅視覺去理解蘇嘉盈呢個人，所以其實蘇嘉盈都係李海銅嘅世界觀。」

李海銅

李海銅

而該幕的劇情亦相當震撼，即使自己死到臨頭，嘉盈依然掂記著阿風，除竭力留下「死亡線索」希望協助阿風破案，為免權世豪起疑心，嘉盈於臨死前用盡最後的力氣力證阿風對所有事不知情：「我老細叫我埋潘奕風身攞你料呀，但個傻仔咩都唔肯同我講呀，我唔明點解佢要對你咁忠心呀，我蠢呀，我鍾意咗佢呀…」對白再加上李海銅到位的演繹，場口煞是動容。

由於仍算是新人的李海銅在《臥底》中由頭帶到落尾、並因而人氣急升，問監製方駿釗當初為何會睇中李海銅時，他笑言「完全憑感覺」：「最重要都係氣質，我成日覺得氣質同角色係匹配嘅話，就會事半功倍。」