現今世代學歷氾濫，即使擁有碩士、博士高學歷，惟因市場需求不足或高不成低不就，被迫轉行或接受低於專業水平的工作。有網民在社交平台表示，自己任職機場保安，近日有一位新同事，學歷是歷史系博士畢業，令他感驚訝，直言「讀到博士都要做機場保安」，帖文引發其他網民熱議。
網上圖片
樓主大驚：讀到博士都要做機場保安？
樓主日前在Facebook群組發帖分享稱：「我係做機場保安嘅，今日返工嘅時候，竟然有一個博士生成為新同事。」樓主好奇問對方是讀甚麼出身，對方答是歷史系，樓主感到十分不解：「真係奇怪，讀到博士都要做機場保安」。
資料圖片
網嘆：所謂嘅博士都好難搵到嘢做
有人留言稱現今高學歷並不保證高收入，經濟環境不好，即使擁有高學歷都可能「焗」住做一些與學歷不符的工作，就業職位錯配經常發生，「依家香港大把所謂嘅碩士生博士生！所謂嘅博士都好難搵到嘢做」、「冇計，馬死落地行，唔係偷唔係搶做正行」、「經濟環境唔同咗，高學歷都未必容易找到工作」、「90年代中讀歷史易揾到教書」、「連小學都話有十幾間無小一開，歷史老師都人手過盛」、「有AI讀書真係冇咩用，讀吓點樣學做人好過」、「讀博士唔係問題，讀歷史先係問題，係香港讀純文科一係去教書一係去做公務員，呢兩個選擇會係最好既出路」。
資料圖片
網嘆：今年市場前景不佳
亦有做物管的網友稱今年市場前景不佳，「我做物管的，今年的確多左好多後生in 保安，我諗大環境唔好，讀完書難搵野做」。
設計圖片
估計只是「騎牛搵馬」
亦有網民認為這些博士專才只是「騎牛搵馬」，未來前景一定比樓主更好，「初黎報到只係過程 轉頭升得快過你」、「好快係你上司」、「因為人哋做保安會一路升上去，樓主做保安就會一世只係做保安」、「喺機場好多職位都係由低做起，你做十幾廿年都係老散，佢有學歷可能做兩三年已經高職位過你。」、「讀錯科就要由低做起，不過人地有沙紙只要勤力一個機會就會升得好快」、「咪睇少人，人哋如果識人加高學歷，升職快過直升機」。
