唱錢｜「完美主義女孩」任暟晴完美演繹高難度歌曲近乎全數90％以上綜合成績過關

娛圈事

唱錢｜「完美主義女孩」任暟晴完美演繹高難度歌曲近乎全數90％以上綜合成績過關

2026年03月29日 12:30 最後更新：14:44

由森美、Eric Kwok（郭偉亮）帶領Plan V成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），昨晚（3月28日）播出第九集，嘉賓是《聲夢傳奇2》總冠軍任暟晴（Jasmine）。

3歲開始學唱歌，考獲ABRSM聲樂8級及鋼琴8級的Jasmine以「完美主義」見稱，結果在高度自我要求下，Jasmine以近乎全數90％以上的綜合成績過關斬將，可惜最終被Level 8的《伸縮自如的愛》嚇窒，決定「見好就收」，以免有任何失誤令今集「觀眾獎金」見財化水，Jasmine：「我唔得喇，收工收工」、「以觀眾利益行先」、「我諗呢個game，完美主義係唔work架咯，真係好難唱到又好睇，又啱音準，又啱拍子。」

點擊看圖輯

焦點圖片

《伸縮自如的愛》唱到任暟晴虛脫，但其實佢唱得相當唔錯。

《連續劇》

Jasmine《孤雛》真係唱得好好。

《矛盾一生》

Jasmine最後決定見好就收。

更多相片

焦點圖片

《伸縮自如的愛》唱到任暟晴虛脫，但其實佢唱得相當唔錯。

《連續劇》

Jasmine《孤雛》真係唱得好好。

《矛盾一生》

Jasmine最後決定見好就收。

今集Jasmine挑戰歌曲依次為Level 1《體面》、Level 2《容易受傷的女人》、Level 3《連續劇》、Level 6《孤雛》、Level 7《矛盾一生》、Level4《千年之戀》及Level 8《伸縮自如的愛》。Jasmine 7首歌曲之中，最高分數歌曲為《連續劇》，綜合成績高達96.3%；由於Jasmine表現太出色，聲音悅耳動聽之餘、還要唱得極有感情，連森美亦激讚：「似表演唱歌唔係玩遊戲」，故昨晚一集播出後，Jasmine不少歌曲都引發好評，包括《伸縮自如的愛》、《孤雛》及《矛盾一生》。

雖然《伸縮自如的愛》被Eric Kwok形容為極高難度的Level 8歌曲：「呢首歌有好高同好低（嘅音），拍子周圍去，好密衰咗一句就接唔到架喇」、「有拍子、Range同音準難度」、「多音，錯嘅機會好多」，Jasmine依然以87.3%優異成績過關，但觀乎其事後連環流露的虛脫表情，挑戰過程絕不簡單；至於《孤雛》，則連森美大哥亦甘拜下風：「（首歌）去到中間，我畀你吸引咗落首歌度，我再冇理你唱得啱唔啱喇」，當Jasmine謙稱自覺表現未如理想時，森美大感錯愕：「唱得唔好聽架喇頭先叫？我覺得好好聽呀」、「似表演唱歌唔係玩遊戲。」

今集特別之處，是Eric Kwok數度捉著「唱錢小助手」Desta示範演唱不同Level歌曲，當Desta示範演唱《孤雛》的「至少心聲比較接近」及「更怕你開始過敏」兩句時，由於唱到「窒口窒舌」，遭Eric Kwok取笑：「你大鑊喇你，你參加比賽，死咗架喇你！」相當爆笑。

往下看更多文章

唱錢｜XiX年紀細細表現出色挑戰Monster失敗雖敗猶榮

由森美、Eric Kwok（郭偉亮）帶領Plan V成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），昨晚（4月4日）播出第十集。今集嘉賓是Eric Kwok「親生女」XiX—良玳瑩Crystal、楊秉頤Caitlin及繆昀希Charlotte（沙律）。

雖然三人年紀輕輕，但卻順理地「循序漸進」由Level 1挑戰至Level 8，歌單如下：Level 1：《陪着你走》（綜合成績96.3%）、 Level 2：《Bad Romance》（綜合成績85.9%）、Level 3：《世上只有》（綜合成績91.1%）、Level 4：《至少還有你》（綜合成績91.9%）、Level 5：《郵差》（綜合成績93.5%）、Level 6：《女神》（綜合成績94.2%）、Level 7：《矛盾一生》（綜合成績94.3%）、Level 8：《囍帖街》（綜合成績95.3%）；最後XiX選擇由Caitlin挑戰Monster Level的《Without You》，可惜最終失敗收場，而Caitlin更因而自責爆喊！

事後Caitlin接受製作組訪問時，依然紅著眼坦言對自己很失望：「唔單止辜負咗自己、仲辜負埋觀眾、隊友同Eric Kwok，真係對自己好失望。」至於被封「虎爸」的Eric Kwok雖然全程地獄教官上身「鞭策」XiX，但當見到為了挑戰《唱錢》日練夜練的Caitlin失敗後如此崩潰時，亦忍不住反過來稱讚Caitlin予以鼓勵，相當有愛：「Caitlin去到呢個位已經係好勁！」，事後Eric Kwok接受製作組訪問時，坦言為Caitlin感到驕傲：「有少少跌眼鏡嘅，我諗住佢可以唱耐少少嘅，但佢真係好辛苦，好多考試、好多功課，一日瞓得三、四個鐘都係咁練，我後尾知道咗（佢咁勤力）就冇失望，仲好Proud of佢。」

值得一提的是，XiX雖然年紀小，但整個挑戰絕不柴娃娃，除了知道要根據三人長處、公平分配挑戰歌曲，挑戰期間即使遇到Eric Kwok騷擾或是跌入危險區，三人仍能保持冷靜繼續唱下去，如此淡定將來前途絕對指日可待；更值得留意的是，XiX除前8首歌曲平均綜合成績高達92.8%外，當Caitlin挑戰《世上只有》時，拍子準確率更高達100％，成績絕不遜職業歌手。

三人之中，最淡定的是年紀最小的沙律，沙律原來本身亦是《唱錢》Fans，因側田挑戰《數字人生》而受到啟發的她，竟想到挑戰跳唱《數字人生》，不但舞姿有板有眼、而且全程零索氣，令大批網民大為驚艷，紛紛留言大讚假以時日、一定大有前途：「尋晚你唱歌好勁」、「唱慢歌都好聽，果然有料」、「唱得又跳得」、「好有塑造性，把聲辨識度好高」、「我今日開始入粉」。而沙律除了有演唱實力，性格亦相當Cutie，在節目中不時流露可愛「少女心」，難怪一夜之間成功圈粉。