近年香港人都喜歡北上消費，除了貪其價廉物美，用餐時還不會限時限刻催三催四，可以慢慢享用。但反觀香港，很多餐廳老闆為了做多幾枱客生意，在繁忙時段都會限時用餐，近日就有網民指九龍城一間酒樓於繁忙時間指明4位或以下要限1小時交枱，入座時她並沒有為意，及後被「態度好差」催交枱，十分激氣，大呻「就算食物正常都無下次了，好趕客」。
threads圖片
繁忙時段會設特別交枱時限
女網民在社交平台Threads有發帖表示，「估唔到依家一個人一盅兩件，都唔可以坐太耐了」，並上載一張顯示了某間酒樓門口「溫馨提示」告示牌，牌上寫著由於檯位有限，繁忙時段會設有特別的交枱時限，4位或以下只限1小時、5至7位限1小時15分，8位以上限1小時30分交檯，客人需有一半人數到場，方可入座。
示意圖。AI生成圖片
樓主大呻：食得仲趕過茶記！
有網民認出相中是位於九龍城的一間酒樓，樓主表示當時門口已有幾個人等候緊，但她入座時卻未留意到此限時安排，「入座無留意，到一個鐘多少少個知客態度好差咁話要走，我先知，下次係門口要望清楚有無限時先入」，但大呻「真心，就算食物正常都無下次了，好趕客」，又坦言時間好短，食得好趕「老實講，飯茶1個鐘真係有太短，啲水又熱，點心入紙蒸都要20分鐘，食得仲趕過茶記，90-120分鐘合理啲」。
threads截圖
網嘆：所以點解個個都北上消費
有其他網民都遇到相同經歷，「我都試過，聽到話個半鐘要交檯立即掉頭走」，「去飲茶就係想同朋友家人慢慢傾下計，限我時間甘我咪去第二間囉」、「所以點解個個都北上消費」、「咁好生意唔好入去阻住佢了」、「香港垃圾餐飲業，規矩多多，見到一定不消費」、「講真佢唔寫出黎，可能我都係呢啲時間走，但你寫出黎我就唔去食，因為覺得你係到計緊。」
近年香港人都喜歡北上消費。資料圖片
一名港女早前在巴士站等車期間，意外遇到一筆「自來錢」，三張紙幣離奇地飄落到她的腳邊。她秉持拾金不昧的精神，立即將總額530元的現金送到警署。三個月後，這筆款項因無人認領，依法成為她的意外之財，讓她開始為如何處理這筆天降金錢而感到煩惱。有網民則溫和地建議「你收咗佢啦」。
樓主日前在社交平台Threads上載相片發帖。當事人帖文截圖圖片
樓主發帖求意見 分享拾獲過程與兩種處理方式
樓主日前在社交平台Threads上載相片發帖，寫道「集思廣益時間：話說3月前喺巴士站等巴士時，突然有3張紙幣飄到腳邊，拾咗後拎咗去警署報案」。
樓主在等巴士時突有530元飄落腳邊。非涉事巴士站，資料圖片
她續指，「啱啱昨日警署打嚟冇人認領，叫我領取返呢3張紙幣，點樣處理呢筆突然之財好呢？」，並提出兩項常見處理方案：
1) 有人建議全數捐出，因為擔心會承繼前一個人的負面運氣，不宜留在身邊；
2) 有人認為已經經過警署法定程序，錢已合法屬於自己，可以安心留用。
樓主補充，「但呢排生活確有小壓力，要放no pay leave（無薪假），亦有啲代支的錢未回到，點做好呢？」。相片中可見該筆意外之財包括一張500元、一張20元及一張10元紙幣。
樓主發帖求意見，分享拾獲過程與兩種處理方式。當事人帖文截圖圖片
網民多數支持收下使用 視為善有善報
針對這筆意外之財，網民提供多種建議。不少人認為收下是「天意」與「善報」，留言稱「相信你係一個好人，平時做咗好事，上天打救你，你就收咗佢啦」。
更有網民強調「自己用啦！冇問題的」，指出「你既然依咗正常程序交俾警局，啲錢係你㗎啦。你而家拎咗用喺自己身上先，無問題」。
強調合法擁有 無需感到愧疚
網民普遍認為，這筆錢「已經合法擁有，唔好疑心疑鬼，無人認領，就歸拾獲者。你已經做咗好市民，交警署報案，冇人領係失主問題，你唔使覺得愧疚」。考慮到樓主目前的生活壓力，有人建議這筆金額不大，可用來緩解無薪假期間的開支，例如用於購買飯食或交通費用，不必全數捐出，以免加重自身負擔。
部分網民建議捐贈或買六合彩
六合彩。示意圖片
雖然多數意見支持留用，仍有網民建議將錢「捐出去」。也有人提出折衷方案，收下後用部分金額購買六合彩，若中獎再捐出幫助有需要的人，「拿去買六合彩，如果中便拿去做善事喇！也是替自己積德」、「你都做咗應做嘅事，咪捐10%出去囉」。
網民分享個人類似經歷
另有網民分享自身經驗：「咁大個仔執過兩次500蚊，第一次中三嗰年小息喺操場，交咗去校務處，記咗個優點，第二次30幾年前喺灣仔街上面都執到500蚊，交去警署，3個月後變成咗我嘅橫財」、「之前我拾到$60，直接捐了去廟」、「試過拾到$500警署冇人認領捐晒俾深水埗明哥」。
