正義女神｜丘梓謙親揭與許紹雄康華戲內戲外勁有家人Feel 難忘片場教「爸爸」用電話

娛圈事

正義女神｜丘梓謙親揭與許紹雄康華戲內戲外勁有家人Feel 難忘片場教「爸爸」用電話

2026年04月07日 13:00 最後更新：13:45

《康業信貸快遞物業貸款呈獻：正義女神》在劇集開播前已引爆網民期待的已故資深藝人許紹雄，昨晚（4月6日）在「少女殺嬰案」審結時的判詞除為個案帶出亮點，亦揭出了其飾演角色洪思義不為人知的家事。劇中思義向言官（佘詩曼飾）慨嘆：「可惜一個好嘅法官，唔代表係一個好爸爸」，原來在庭上及Office溫暖祥和又善解人意的思義，私下是一名㒼塞兼不懂與兒子溝通的嚴父。

劇情講述思義在Office意外發現兒子知行（丘梓謙「蔥頭」飾）現職送外賣，但二人碰面時恍如陌路，隨著劇情發展，原來知行曾因捲入盜竊罪鬧上法庭，令身為裁判官的思義大感冇面；怒火中燒的思義，不但未有向兒子了解是否被冤枉、更一輪嘴鬧爆知行：「佢阿爸我呀，係法官嚟架，畀你影衰晒！我唔係要你做精英，但你唔好丟我架吖嘛」，說畢更怒摑了知行一巴，自此二人關係決裂，但其實思義至今依然疼愛知行，令人極期待思義兩父子日後關係走向…

點擊看圖輯

焦點圖片

TVB截圖

雖然同個仔鬧到好僵，但洪官心入面始終好錫個仔，見到外賣員都會希望係自己個仔。

蔥頭提供相片

TVB截圖

許紹雄呢個變臉一絕。

更多相片

焦點圖片

TVB截圖

雖然同個仔鬧到好僵，但洪官心入面始終好錫個仔，見到外賣員都會希望係自己個仔。

蔥頭提供相片

TVB截圖

許紹雄呢個變臉一絕。

蔥頭談首與許紹雄對戲：每次Roll機之前要確保自己忍到笑

原來是次是蔥頭首次與Benz哥有對手戲，不過其實早於21年前已結劇緣，蔥頭受訪時，透露11歲拍攝劇集《人間蒸發》時已飾演康華兒子，並謂印象中許紹雄亦有參與拍攝，只是二人沒有對手戲。蔥頭續指是次是自己首次與許紹雄對戲，並大讚對方與自己想像一樣幽默好笑：「每次Roll機之前要確保自己忍到笑。」又指與康華許紹雄私下相處亦甚像一家人：「我哋無論放飯、嗌早餐、嗌咖啡都一齊，Benz哥有時有啲電話問題，例如有App唔識用，都會問我話：『阿仔，呢個點樣搞架？』佢真係好似我爸爸，佢哋都好鍾意講笑，所以好帶到我入戲，令我覺得大家真係好似一家人。」

另外，昨晚，許紹雄就「少女殺嬰案」向佘詩曼取經一幕，許紹雄的「古惑眼神」VS佘詩曼的「冇你咁好氣」眼神對壘更是相當精彩。事緣許紹雄因就案件有事想不通，遂借頭借路與阿佘閒聊，言談間笑言「張櫈好銀」，結果被阿佘一嘢篤爆：「你心入面有嘢銀住呀？講啦！」及後當阿佘得悉許紹雄是來討論案情時，即耍手落閘：「法官審案各自獨立，唔應該受到任何干預同影響」，許紹雄聞言先是一臉嬲豬：「講到咁嚴重呀」，及後又回復招牌式嬉皮笑臉：「我哋大家討論吓法律意見咋嘛。」最終阿佘還是忍不住心軟投降拎File研究，師傅間的默契及槍來劍往既好睇又暖心。

往下看更多文章

一周星星｜佘詩曼難忘拍《宮心計》壓力爆煲致失眠半年親揭22吋蛇腰之謎

TVB娛樂訪談節目《一周星星》、逢周日晚10點05分翡翠台播映，今晚（4月12日）一集嘉賓，是《正義女神》主演佘詩曼及譚耀文，主持是區永權（Albert）。今集負責向兩位主角問問題的嘉賓，則分別有黃宗澤、草蜢、陶大宇、黎耀祥、文頌嫻、何廣沛，及與阿譚合作無間的梁小冰。

向來快人快語的阿佘，今次將先後回應「高超落淚技巧」、「立定遺囑」、「7日時間背100頁對白」及「食極唔肥」等多個傳聞及熱話。談到喊功，阿譚大嘆阿佘落淚Timing超精準：「佢真係可以去到邊一秒要喊，就撳掣可以喊架喇。」區永權聞言即打蛇隨棍上追問，指曾有《宮心計》幕後指出，阿佘對劇本時不但主動問工作人員「邊一句要喊，更會問埋「要左眼還是右眼（落淚）。」到底阿佘會點回應？而談到《宮心計》，阿佘坦言由於監製要求高壓力爆煲、故拍畢後依然因壓力關係失眠長達半年，後求診中醫的答案是「好似跑車開咗turbo唔識停」。

至於被閨密文頌嫻「指控」為何食極都能擁有「千年佘腰」，阿佘忍不住開心謂：「我真係食極都唔肥，同埋我一定要食宵夜！」之後阿佘更細述，如果不吃宵夜，她會如何跌入「為食地獄」，而且更會有後遺症：「如果我唔食宵夜就瞓覺多過兩、三日，我係會瘦架。」而當阿佘說出吃過「最Heavy的宵夜」是甚麼時，全場更陷入瘋狂尖叫，阿譚又忍不住：「可唔可以借啲DNA嚟驗吓？」阿佘最終還會親揭之所以擁有這樣體質，全因一次極致的拍劇經歷，想知是甚麼？就要密切留意節目。

一分對白背默五、六次極認真

阿佘還應何廣沛要求，開心Share「超認真劇本背默大法」：「我坐車係唔講嘢架，咁我前面有一疊通告單，我就會反轉佢嚟係咁寫係咁寫，寫完一次背完喇，再寫一次、再寫一次、再寫一次。即係一段（對白）我寫五次、六次，咁就一定記得喇。」

另外，製作組還找到了阿譚當日參加《新秀》時，所表演的超精彩後空翻，以及阿佘當年拍攝《無名天使3D》時的超高難度飛天遁地動作場面。想聽阿佘親口講述相關動作場口如何令她「成個人打晒交叉」，以及阿佘當年忙到冇覺瞓的拍劇辛酸史，就要今晚收睇《一周星星》。另外節目結尾，《正義女神》總監製鍾澍佳更會預告《正義》之後15集的必睇位，當中包括「惡魔少女」陳若思。