試真D｜江美儀率曾展望周嘉洛「捨身試伏」直搗惠州海鮮餐廳驚揭暗藏「潛規則」兼貨不對辦

娛圈事

試真D｜江美儀率曾展望周嘉洛「捨身試伏」直搗惠州海鮮餐廳驚揭暗藏「潛規則」兼貨不對辦

2026年04月16日 16:00 最後更新：16:03

無綫綜藝節目《試真D》今晚（16日）一集，曾展望GM取代了吳業坤的位置，與江美儀、周嘉洛齊齊殺到惠州雙月灣進行真正試伏，先後挑戰了評分不高、但1,000多個評論中只有10個差評的海鮮店；極多10分好評、但伏味甚濃的海景公寓；以及傳聞「酸叔臭」的腸粉店！

江美儀Mean語錄：啲海鮮灰甲咁

點擊看圖輯

焦點圖片

海鮮餐廳

店員嘅答案全部都好模稜兩可。

三位主持係有認真幫大家測試團購餐同散嗌新鮮海鮮嘅分別。

到底GM講咗咩咁獨到嘅見解，令美儀姐咁欣賞？

當然佢少不免要搞吓招牌爛Gag。

到底美儀姐最後會點見招拆招？

佢好激動。

睇得出三位主持真係一腳踢實測。

個房門睇嚟好難開咁喎。

GM好滿意個海景。

美儀姐好細心實測，結果竟驚現「煤氣驚魂」。

呢啲老字號腸粉店啲嘢食望落係OK嘅。

周嘉洛咩事飲湯飲到𦧲番出嚟。

睇吓美儀姐畀老鼠仔仔嚇到！

三間餐廳中，以海鮮餐廳的「試伏經驗」最為經典。據美儀姐、嘉洛仔及朱仔三人實測，被指不歡迎「團購」的相關海鮮餐廳、竟推出了叫價只需118元人民幣的7餸套餐，當中包括黃金貝、炒花甲及皮皮蝦（瀨尿蝦）等海鮮，但當向店員了解詳情後，卻發現相關團購暗藏不少「潛規則」，除了海鮮有「冰鮮」及「新鮮」之分、還出現殼多過肉、海鮮凍冰冰、貨不對辦及「大細超」對待不同枱食客等嚴重問題，而出名要求高的美儀姐，品嚐海鮮期間更爆出了一句震撼度十足評語：「啲海鮮灰甲咁。」

而當三位試伏員向店員了解詳情時，店員竟出現前言不對後語及企圖扮慘混水摸魚。更搞笑是，美儀姐試伏完畢後，繼續高聲疾呼：「我直情覺得惠州政府要處理吓呢件事！」想知美儀姐咩事咁激心，以及想直擊三位試伏員如何見招拆招，就要密切留意節目。

江美儀Mean語錄：唔使錢我都唔會住

至於海景公寓亦是相當離奇，雖然有極多10分好評，但網上叫價竟只需122港元，令三人未出發先擔心。果然，單是在聯絡負責人環節，已出現重重困難，不但遲遲找不到人，對方還突然要求加錢，令三人在烈日下呆站了足足15分鐘才能成功上房。

而上到樓後更加是惡夢的開始，首先美儀姐花了九牛二虎之力才成功打開房門，美儀姐忍不住笑言：「好似喺TVB抽到車一樣咁開心呀。」之後美儀姐以一句：「入面所有嘢都唔ok」彈爆屋內所有配套，最後更因為傳出極濃烈煤氣味，令美儀姐爆出一句：「唔使錢我都唔會住！」不過GM卻被房間的無敵海景吸引，並認為如此相宜價錢住得過。到底美儀姐與GM為何會有如此大分歧？

江美儀周嘉洛同老鼠「玩遊戲」

今集探店的腸粉店亦相當特別，除了老闆服務夠晒「另類」，既非親切亦非惡劣，食物的質素也是「超出預期」。更特別的是，嘉洛仔與美儀姐幫襯期間遇上老鼠仔，令二人亂作一團！想親身目擊《試真D》兵團如何捨身試伏，記得逢周一至周五晚上十點半收睇翡翠台。

往下看更多文章

試真D｜江美儀任「幕後玩家」遙控朱敏瀚挑戰「惡爆老闆娘」周嘉洛為避開乳鴿肉汁驚現「超強iPad胸」

無綫綜藝節目《試真D》今晚（4月17日），江美儀、周嘉洛、朱敏瀚、吳業坤將走訪珠海網紅推介特色榴槤飯、以及深圳光明區享負盛名的「光明三寶」，乳鴿、粟米及牛初乳。

周嘉洛抵死金句：我最鍾意睇路

今晚一集特別之處，是為了發揮「試真D」精神，美儀姐派出朱仔及嘉洛仔潛入以「老闆娘態度惡劣」馳名的乳鴿店實測，美儀姐則負責做「幕後玩家」遙距操控二人向老闆娘提出一大堆「麻煩要求」，由於「危險指數」極高，美儀姐在二人行動前叮囑二人「睇路」，而嘉洛仔則跳脫回應：「我最鍾意睇路。」而當朱仔及嘉洛仔甫步入該店，即馬上感受到老闆娘超強氣勢，除了回應客人的答案夠晒出人意表，當朱仔企圖與老闆娘閒聊時，竟換來老闆娘「怒目狠睥」。

雖然朱仔因為「怒睥驚魂」嚇到滴晒汗，但美儀並未放過二人，還要求二人向老闆娘提出極麻煩外賣要求：「Order三隻乳鴿，分別係『唔斬原隻上』、『斬四件要頭』及『斬六件斬斷個頭』」，誓要挑戰老闆娘底線！到底最終嘉洛仔同朱仔下場會點？今晚一定要睇《試真D》。

本集另一亮點，是近日因「霸屏」及「爆肌」贏盡網民焦點的嘉洛仔，將「爆肌升級」展現「超強iPad」胸。事緣三人在其中一家乳鴿店實測期間，因進食環境太熱，嘉洛仔將外套脫去，結果露出超Jumbo麒麟臂，目測手臂粗壯度有朱仔3-4倍，令平時以大隻馳名的朱仔也瞬間變成「細隻仔」。之後，美儀姐在食乳鴿期間意外將熱辣辣的肉汁彈向嘉洛仔，嚇到震一震兼向後Tun的嘉洛仔，驚現「超強iPad胸」經典畫面，足證胸肌健碩度不是蓋的，封他為「最強Body TVB男藝人」不足為過。

片尾「瘋狂廝殺」彩蛋超精彩

至於美儀姐、嘉洛仔及坤哥合力挑戰的「三文魚/甜蝦榴槤飯」，亦相當吸引，平時不吃榴槤的坤哥，未進食前已展現抗拒樣，而食入口後，坤哥再將浮誇表情升級變成「便秘樣」，配以流出嘴外的一堆黃色混合物（其實係榴槤飯），令人想起樹熊含著尤加利葉的經典meme圖，相信節目播出後，坤哥繼「眼鏡起霧」後、表情包庫又可再創經典。