嫁豪門後神隱8年！朱璇首爾現身 親民合照

2008年華姐冠軍朱璇自從2018年嫁入豪門後，一直行低調路線，幾乎絕跡幕前。早前先難得更新社交平台，晒出近照，近日又被網民於韓國「野生捕獲」，真實狀態即時曝光！

朱璇於2018年與內地富二代Vincent結婚

先後誕下兩名兒子

有內地網民日前於首爾著名的廣藏市場偶遇朱璇，當時佢正輕鬆行街。網民鼓起勇氣上前求合照，佢亦完全冇架子，爽快答應，仲笑容滿面，親民度爆燈，獲大讚「真人又靚又nice」。

有網民於首爾撞到朱璇

近照容光煥發

相中見到，朱璇紮起長髮，着住簡約灰色外套配黑褲，打扮低調但氣質依然出眾。即使已經38歲，於完全冇濾鏡的「生圖」下，皮膚依然緊緻有光澤，狀態勁fit，完全冇走樣，仲有網民直呼：「根本同20幾歲冇分別！」

加上旅行心情靚爆，整個人散發自然光彩，難怪網民一面倒讚：「華姐冠軍真係有料到」、「氣質贏晒」、「完全唔似結婚多年」

2008年華姐冠軍朱璇自2018年嫁人後深居簡出，IG更停更近6年。日前她終於「浮面」，在新加坡魚尾獅前打卡，即引起網民哄動。

朱璇。圖片來源：IG@oceanezhu

朱璇。圖片來源：IG@oceanezhu

朱璇。圖片來源：IG@oceanezhu

現年38歲的朱璇穿上淡色背心外套，皮膚依然白皙緊緻，笑容甜美，狀態比當年參選時更添成熟女人味，獲激讚「完全唔似兩子之母」。她2018年與內地富二代Vincent在比利時舉行婚禮，婚後誕下兩子，全面息影專心相夫教子。

朱璇。圖片來源：IG@oceanezhu