舞台喜劇《三一萬能合》反應熱烈 MIRROR 6膠 P1X3L成員等齊捧場力撐

由凌文龍、麥沛東、岑珈其及何洛瑤（Sica）主演的舞台喜劇《三一萬能合》，正於灣仔藝術中心壽臣劇院上演，演期由即日至4月25日，總共演出15場，門票繼續於「撲飛POPTICKET」熱賣。

爆笑舞台喜劇《三一萬能合》門票繼續於「撲飛POPTICKET」熱賣。

《三一萬能合》演出如火如荼，近日不少藝人嘉賓捧場，星光熠熠，當中包括MIRROR的呂爵安（Edan）、楊樂文（Lokman）、陳瑞輝（Frankie）、「6膠」的魏浚笙（Jeffrey）、劉沛蘅（Hillary）、黃正宜（阿正）、徐浩昌（肥腸）、P1X3L的三位成員，歐鎮灝（George）、吳啟洋（Phoebus）、葉振弘（Marco），還有周秀娜、李佳芯、郭羨妮、伍允龍、譚善言、楊安妮（Win Win）、黃梓僑、胡卓希，及一眾ViuTV新劇《IT狗2.0》的演員，拉大隊到場支持，包括陳漢娜、余逸思、陳湛文、李靖筠及林家熙等。

不少藝人嘉賓捧場，星光熠熠。

《IT狗2.0》主創拉隊到場支持。

不少觀眾及嘉賓，觀看後感到驚喜萬分，故事充滿意義，並錄影分享。阿正透露，Jeffrey完場步出時眼濕濕，Jeffrey表示：「好感動，反思整個人生，係一個好有意義嘅故事。」阿正說：「每個演員都能夠擔演到個角色，我看角色還以為麥東係同性戀，Sica好犀利，活潑可愛又有，情感戲又有，珈其好識演出，有一種童真。凌文龍情感起伏好勁，每個演員都做得好好。」

6膠

6膠成員

周秀娜：「珈其好好笑，麥東好正，佢做啲咩都可以觸發到我笑點，很開心的兩小時，個劇好有意思，套劇帶俾我思考。」李佳芯說：「套劇有戲劇、搞笑、娛樂元素，亦有訊息帶出，對於一套舞台劇來說並不容易，今次呢個組合非常之好。」

周秀娜

李佳芯

Edan大讚：「極度推薦，有輕鬆、有幽默、有搞笑，有趣怪，亦好有深度的道理，Sica同其他演員都做得好好。大家睇得開心，又拎到嘢走。」Lokman說：「好鍾意聽麥東唱歌。搵到一班肯同你傾偈嘅人，搵唔到人傾偈就買飛睇啦。」Frankie說：「都好多情，有兄弟情，有愛情。」

MIRROR成員

伍允龍：「用好有趣方法表達畀觀眾，最好嘅喜劇包裝一種悲劇，好值得睇，又開心又感動。」歐鎮灝（George）：「好似睇緊《鋼之鍊金術師》嘅感覺，最尾嘅結局我係估唔到。」吳啟洋（Phoebus）：「台燈聲效果都好好，成個騷都好搞笑。」葉振弘（Marco）：「好好睇，開頭覺得好搞笑，但睇睇吓，開始有種莫名的心酸。」

伍允龍

李靖筠（Gladys）：「頭先有討論個結局係點，所以非常引人入勝。」胡卓希：「估唔到笑中有淚，融合之後乜都冇晒，我會唔會唔捨得呢？」WinWin：「令我都好反思，會唔會都想融合。」黃梓僑：「入面都有幾多情節好感人。」

李靖筠

ViuTV原創劇《COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。

練美娟（娟姐）飾演檢控主任叻姑，P1X3L成員葉振弘（Marco）飾演初出茅廬的助理阿榮。

Marco表示戲內外都跟娟姐學習

娟姐大爆朱鑑然愛穿著背心周圍走

二人相處融洽

在《COURT!》中練美娟（娟姐）飾演檢控主任叻姑、以及P1X3L成員葉振弘（Marco）飾演初出茅廬的助理阿榮，Marco表示戲內外都跟娟姐學習，二人相處融洽，更會趁Off Cam時自拍留念。練美娟為大家介紹她的角色叻姑：「有返咁上下年資同地位，每個法官我都攪得掂，唯獨是方官，即Stanley（邱士縉）飾演嘅Peter，我一見到佢就好騰雞，我覺得佢針對我。今次會同佢正面交鋒，會畀佢睇點樣蝦我同針對我。」

Off Cam時自拍留念

娟姐特意觀看了多部法庭作品

為了準備角色，她特意觀看了多部法庭作品，「真係冇諗過可以參與一部法庭戲，我自己非常之緊張，拍之前去咗真正嘅法庭聽審，為咗今次落足心機去研究，非常開心可以入到呢個劇組演出關於法庭嘅戲碼。」她續說：「因為涉及到法庭戲，所以有好多專業用語，喺背嘢方面都需要落少少功力，亦因為係專業用語而唔可以自己Feel Free去加啲新嘢，所以呢一方面都要跟足啲。」

她今次跟多位演員合作，「主要同Stanley、朱鑑然、Marco（葉振弘）有對手戲，亦有好多證人、被告，最開心就係我喺啲男兒堆度，全部個個都靚仔，大飽眼福嘅。同埋因為呢度好熱，朱鑑然好鍾意成日著住件背心周圍走，益阿叻姑，多謝晒！哈哈！」她又透露：「通常大家Break緊就會休息下，我同朱仔（朱鑑然）就會繼續討論緊嗰件事，我覺得係好得意嘅一啲交流，佢係演戲嘅前輩，所以我會問吓佢一啲關於演戲嘅嘢，佢都好樂意分享，多謝佢啦！就算Break Time我哋都好勤力㗎，我哋都係繼續研究劇本㗎！所以繼續有劇集都搵我哋啦！」

叻姑的助手阿榮由Marco飾演，「佢係一個好新好新、啱啱入行，係叻姑嘅助手，幫佢執文件，粗重嘢交畀我。」他看着娟姐大讚她：「娟姐好專業，係非常之照顧後輩的前輩，喺佢身上感受到演員原來就係要咁樣。」娟姐隨即謂：「我走喇，我走喇。」Marco說：「唔好走啊，我仲有好多好嘢講。」

他自言自己不論是角色或真人也仍然是一位新人，「基本上我係唔識任何要喺呢個場合度做啲咩，懵盛盛咁，叫我做咩就做咩。今次拍呢套劇嘅感覺好Formal，因為始終係講法律嘅嘢，字眼、細節上係不容有失，我睇見都覺得好正經。睇完劇本覺得冇絕對，每個位都有佢難做嘅嘢，法官都有好多嘢要去衡量，所以幾得意。」

他形容自己：「我以前都係『十下十下』，有少少懵盛盛，啱啱入行時，依家都係有少少。我擺咗呢樣特質落去，幾貼合。劇組好Pro，我個角色冇咩對白，但唔係冇嘢做，好多嘢做，要因應場合幫叻姑搵嘢等。」他期望：「慢慢一點一滴咁樣感受多啲演戲，無論係演戲態度，或者咩時候要做啲咩，我覺得得仲係太新，好多時要觀察下究竟前輩Off Cam做緊啲咩。」