堅尼地城早前發生一宗令人嘖嘖稱奇的「堅離地」怪事，一張千元紙幣竟被用作包裝紙，包裹著一塊香口膠隨地丟棄。有跑友發現這份「寶藏」後，拍照上網分享，並表示最終將它放回原處，引發網民熱烈討論。
threads 截圖
跑友奇遇：千元大鈔包香口膠
一名跑友日前在社交平台Threads分享。他以「奇聞趣事」為題發帖，上載相片並留言指：「港島嘅人係咪真係有錢到咁？堅尼地城跑跑下步見到張1000蚊。紙原來有條友（有錢人）用咗嚟包香口膠。利申：放返咗喺地下。」帖文隨即引起網民關注，不少人驚嘆物主的「豪氣」行為，形容為「一千蚊一粒香口膠，係我見過最貴嘅」、「$1000+香口膠+隨地棄置，成件事都好迷惑」，並戲稱「堅尼地城有堅離地人做堅離地嘅事」「正常啊，堅尼地城吖嘛。如果唔係點堅離地」。
threads 圖片
網民推測：醉酒誤認？
對於這宗離奇事件，網民化身偵探，紛紛猜測丟錢者的動機。最普遍的說法是事主可能「飲醉咗」，誤將千元紙幣當作廁紙使用。有人分析指：「酒精係會令人變得豪爽，估計大概條友醉咗，以為$1000係廁紙，用咗嚟包香口膠。」亦有網民指出行為矛盾：「咁有公德心包起嚿香口膠，但又隨地掉，好矛盾，而且而家都好少見人食香口膠，成件事好怪。」
threads 圖片
網友提醒：厄運錢還是假銀紙？
除了推測動機，部分網民從較玄妙的角度解讀，提醒「街度嘅錢」可能是「厄運錢」或「袪病錢」，拾取會將災難帶回家，更有人分享個人經歷：「試過執過5嚿，過兩日就結膜炎要睇醫生。」好心網民警告：「邊有咁大隻蛤乸，有機會係邪術㗎，千祈唔好執呀。」
threads 圖片
另一方面，亦有較務實的網民提出，該張千元鈔票「可能係假銀紙」。不過，利字當頭，有網民笑言不惜放下尊嚴：「係我點都執，最多洗一洗佢」、「唔係話香口膠，包咗屎我都執」。亦有人提出較正路的處理方法：「原張拎去報失，3個月後心安理得地收。」發現鈔票的樓主最終選擇將「證物」放回地上，未有據為己有。
