花甲之年仍然爆肌 61歲鄭浩南身形完勝後生仔

現年61歲嘅鄭浩南，早前自爆同結婚20年的前妻鮑愛玲婚變，一度跌入人生低谷。不過捱過情傷之後，佢近年積極復出拍戲，又玩社交平台同網民互動，人氣逐步回升。

早前自爆同結婚20年的前妻鮑愛玲婚變

最近佢上載一段出海暢泳嘅片段，片中見佢上身赤裸，胸肌、腹肌線條超清晰，「麒麟臂」仲要厚實到誇張，完全唔似61歲。網民睇完即刻洗版式留言：「呢個係逆生長」、「仲Fit過好多後生仔」、「司徒浩南返嚟啦！」

身形好fit 呀

今次再返香港同朋友遊船河，佢感性表示：「每次返嚟都好開心，雖然香港變咗好多，但我冇變過。」不過網民焦點全部落晒喺佢個身形度。

網民焦點全部落晒喺佢個身形度

近年積極發展社交媒體

鄭浩南原名鄭立興，1985年出道就被導演林嶺東睇中拍《愛神一號》，仲入圍金像獎最佳新人。之後戲約不斷，最經典一定係《古惑仔》入面嘅司徒浩南，深入民心。之後佢轉戰馬來西亞做生意，一度淡出影壇。

最經典於《古惑仔》入面飾演司徒浩南

感情方面，佢2002年同馬來西亞籍太太結婚，仲育有一對仔女，本來一家四口幸福美滿。點知前年突然爆出婚變，更暗示被「戴綠帽」，老婆仔女突然消失，連資產都唔喺自己名下，打擊相當大。

不過好在之後成功同愛女鄭喜文重聚，仲帶佢去睇熊貓，父女互動超溫馨。19歲嘅囡囡身材高挑又有氣質，成個鬼妹他咁，同爸爸關係唔錯。

經歷低潮後，鄭浩南重新振作，除咗拍電影，仲積極喺內地發展，經營抖音、小紅書介紹美食，又四圍登台搵錢。雖然曾被影到同女性同行傳出新戀情，但佢已澄清只係同事，坦言自己仲未完全走出離婚陰影。

現年60歲的鄭浩南，三年前因為同結婚20年的前妻鮑愛玲婚變，以「人財兩失」形容當時處境，流男兒淚震驚全城。不過他好快就走出陰霾，近年全情投入工作，除了拍戲，還積極進軍內地市場，做埋美食KOL，四圍登台，人氣依然勁。

近年全情投入拍戲

最近，鄭浩南於揚州現身，並大方於社交平台晒出「白馬王子」造型——一身白西裝、戴上墨鏡，再解開幾粒襯衫鈕扣，大曬胸肌+腹肌，加埋古銅膚色，型爆到完全不像60歲！

白馬王子造型

大曬胸肌+腹肌，加埋古銅膚色

型爆到完全不像60歲

不過，這個造型就引嚟兩極反應。有粉絲大讚他「超越99%同齡人」、「法拉利老了都還是法拉利」，更說睇得出他長年自律keep身形；但亦有網民狠批他「中坑油膩」，直言胸口開咁大「唔倫唔類」。

面對負評，鄭浩南就親自落場留言回擊：「唔抵得？」對方即刻用英文解釋無惡意，他都霸氣回敬：「Not everyone’s got the taste to get it.（不是人人都有品味看得懂）」。

面對負評，他霸氣回敬