Tiger邱傲然夥TELLER雨中「寵粉」 《聲夢》、《聲秀》勁歌辣舞掀廣東歌熱潮

近年復古風潮席捲全港，舊式廣東歌不僅是跨世代的集體回憶，更已轉化為當代時尚的社交語言。經典旋律一響起，總能瞬間點燃全場氣氛，因此「經典廣東歌」已成為現今各大音樂派對及節慶活動中最受歡迎的主題之一，讓不同年齡層的觀眾都能在共鳴中盡情狂歡 。理財TrendyToo、中銀Chill Card與Mastercard攜手於西九文化區藝術公園海濱東草坪舉行「中國銀行（香港）及 Mastercard 呈獻：THE PAPARAZZI CANTOPOP PARTY」 ，邀得MIRROR成員Tiger（邱傲然）、TELLER王偉俊、《聲夢傳奇》、《聲秀》系列的一眾新生代歌手，包括Aska張馳豪、Ziva穎喬、Emily周智敏及Ophelia柯雨霏齊齊開騷力撐廣東歌。

大會邀請DJ打碟為活動打開序幕，將經典廣東歌串連，令歌迷如痴如醉，投入廣東歌的世界 ！而Tiger（邱傲然）打頭陣為這晚活動表演，一口氣唱出《脫兔》、《Live the way I want》、《Alright》，令現場氣氛頓時升溫 。即使現場下著細雨，歌迷亦照樣為偶像呐喊助威：「你哋點啊？呢個舞台夠晒近，我想行近啲落嚟舞台好唔好啊？」 ，雖然歌迷心疼Tiger要「淋雨」高呼：「落雨啊！」 不過Tiger都非常寵粉走近Fans，仲逐一同大家擊掌：「多謝你哋落雨都嚟呢個Event，俾啲掌聲自己！」

其後TELLER王偉俊緊隨其後登場，他為這晚表演重新編曲，仲不時表演拿手beatbox，仲把握機會大冧Fans：「今日啲歌全部都係Special version，因為你哋全部都係special嘅每一位！呢度（維港景）真係好靚，但都唔夠一個『紫海』（Fans燈牌）靚，love you all！」

TELLER王偉俊

TELLER王偉俊

《聲秀》代表Emily周智敏、Ziva穎喬及Ophelia柯雨霏勁歌熱舞出場，Fans歡呼聲不絕 。周智敏短裙上陣，不時跳出火辣舞步令全場氣氛升溫，翻唱容祖兒金曲《隆重登場》 ！而Ziva穎喬都非常性感，性感高叉露腰裝束非常養眼，型格戴太陽眼鏡跳舞：「大家so far睇得開唔開心？我今日又係跳《Taxi》，我跳到好熱啊，見到你哋着晒雨褸都嚟支持我哋，真係好多謝你哋，大家要保暖唔好凍親，近排好多人病，你哋一定要保暖！」而Ophelia柯雨霏則小背心上陣，非常青春可人，她非常心疼Fans淋雨支持自己，所以非常識做走近Fans收花！

Emily周智敏

Emily周智敏

Emily周智敏

Ziva穎喬

Ziva穎喬

Ziva穎喬

Ophelia柯雨霏

Aska張馳豪壓軸出場，他大show手臂肌肉盡顯大隻線條：「嚟到先知道原來四面台，所以冇排過都係執生 ！多謝大家今日咁嘅天氣都嚟聽我哋唱歌，希望大家玩得開心！你哋飲咗幾多杯啊？希望大家包容呢個有鬚嘅造型，因為我依家拍緊劇《警是個大佬》，唔知今年出定係出年播呢？希望盡快出街俾大家睇！」 最後，Aska跳了落台同大家握手，仲好識搞氣氛叫全場拍手和唱：「唔使擔遮同唔使攞電話！」為這晚的節目畫上完美的句號 。

Aska張馳豪

Aska張馳豪

繼上月憑舞台劇《我推的男子》首度入圍《第34屆香港舞台劇獎》「最佳男主角（喜劇／鬧劇）」後，MIRROR隊長楊樂文（Lokman）演技再獲關注。在釜山公布入圍名單中，Lokman憑《存酒人》中「阿當」一角，成功入圍《2026全球OTT大獎》（2026 Global OTT Awards）「最佳男配角獎」，成績斐然。

《存酒人》劇照

在《存酒人》中，Lokman一改舞台上的隊長光環與強烈節奏感，飾演內斂壓抑的「阿當」。角色看似平靜懂事，實則將悲傷與孤獨深埋心底，層次分明的演繹獲觀眾與影評人一致好評。不少劇迷直言：「睇到唔同咗嘅Lokman，完全忘記佢係舞台上的隊長。」

對於能夠在國際性大型頒獎禮上獲得提名，Lokman收到消息時難掩興奮，以半開玩笑半認真的語氣分享心路歷程：「可以喺一個咁大型、咁有指標性、咁國際化嘅舞台上面有呢個提名，我係好開心嘅，真係好開心嘅！係一個肯定，係一個『我得咗』嘅感覺——『爸爸媽媽，我得咗啦！』嗰種感覺。雖然只係提名啦，但係已經有呢個份量！」

《存酒人》劇照

Lokman並感謝《存酒人》團隊，多謝公司、監製阿簡、導演Alan、編劇阿海，以及所有台前幕後。他說：「多謝團隊努力建構咗阿當呢個角色，呢套劇我真係拍得好開心，亦都喺裏面得到好多感受。同時間，見到呢個角色可以帶我去到咁遠，多謝『阿當』。」被問到會否親身出席在釜山舉行的頒獎禮，Lokman表示正努力和公司爭取中，自己都很期待可以到當地感受頒獎禮氣氛。

接連獲得舞台劇男主角及OTT國際獎項提名，Lokman多謝宇宙送了一份充滿肯定的禮物，直言這是一支強心針和定心丸：「最近有咁好嘅成績，舞台劇又有提名，今次呢個角色又去到國際提名，係好好嘅一個里程碑，都係我自己嘅自信心加強系列。即係喺迷惘嘅時候，得到讚美、肯定呢啲說話，係非常之好強嘅強心針、定心丸。」

《存酒人》劇照

最後，Lokman在2026下半年期望有更多演藝工作外，亦預告會再出Solo：「希望之後都會繼續多啲演藝嘅工作啦——劇集、電影、舞台劇，成為更立體嘅演員。因為呢一兩年嘅作品入面，我都繼續有Keep住學習，繼續有好多唔同嘅人幫助我，所以係真係好開心嘅……我係會出Solo㗎，哈哈，大家期待吓啦。多謝大家！」

《存酒人》劇照