鄭敬基（Joe）早年與陳少偉（Ringo）組成組合「風雲」，他透露二人當年因有爭拗而解散樂隊，仲抱住「睇下邊個死先」的心態。Joe現希望找回對方再合作。
鄭敬基（Joe）透露當年解散「風雲」組合，是因為與陳少偉（Ringo）有爭拗。
Joe接受有線節目《樂壇第一手》訪問，透露與Ringo的緣份源自錄音室：「當年我錄好咗六首歌，點知公司突然叫停，我好失望，嗰時我日日喺錄音室見到一個人喺度填詞，佢就係Ringo。」結果二人組成「風雲」推出第一張大碟並大受歡迎。
提到二人當年的不和傳聞，Joe指出第二隻碟時有些拗氣：「佢覺得點解你就永遠企前面，佢就成日都喺後面，結果大家有個唔好嘅心態，就係分開睇下邊個死先，跟住就無再聯絡。」他坦言曾用多個途徑欲找回拍檔，只是都不成功，還在螢幕呼籲Ringo聯絡他，一齊再合作。
「風雲」組合解散後，鄭敬基和陳少偉「睇下邊個死先」。
Joe去年再婚，他坦承音樂是二人的一大橋樑，又稱一對子女豐富了他的音樂世界，「我以前都唔聽Pop同Rock，但因為佢哋令我認識多咗。」對於有人指他們閃婚亦將閃離，Joe斷言：「一定唔會啦，我哋好開心！」
