C AllStar新碟封面盡顯男人浪漫

組合C AllStar將於情人節推出新碟《LoveraHolic》，四子日前拍攝唱片封套時，冒濕腳和大風互相拍照留念，盡顯男人的浪漫。

C AllStar在海邊和山坡等地方拍攝唱片封面。

C AllStar出道七年首次推出純情歌唱片《LoveraHolic》，四子選在海邊和山坡等地方拍攝唱片封面，帶出「天涯海角」情懷。雖然唱片封面照無女伴，但他們互相教擺甫士，又互相拍照留念，陳健安（On仔）更出動私伙古董相機替其他兄弟拍照，又借畀King過攝影師癮，還在海邊selfie，默契十足，男人的浪漫莫過於此。

釗峰笑說：「我哋啲表情都好chok，但其實連續幾個浪撲埋嚟，對腳濕晒，好狼狽！」安仔亦說：「而且勁大風，難為髮型師不停要幫我哋整理，佢仲講笑話唔緊要，反而難得咁自然，平時好難set到咁飄逸！」

C AllStar鬥chok。

而另一個影相的地方設有燒烤爐，出道時被fans改花名「燒烤叉」的C AllStar見爐即笑，之後他們認真地說：「其實除咗係花名，仲有更深層意思，係監製利用我哋呢四支燒㘼叉，炮製唔同嘅歌曲畀大家。」

C AllStar見燒烤爐即想起花名「燒烤叉」。

Jase（何建曦）透露新碟《LoveraHolic》並非最初的唱片名字：「最初諗咗個成10個英文字嘅名，實在太冗長，最終變咗一個字《LoveraHolic》，意思即係對『愛』極之沉迷，就好似Shopaholic（購物狂迷）和Alcoaholic（酗酒者），上次我哋嘅唱片就創造咗《Cantopopsibility》，今次就用咗個網絡常用嘅潮語。」

安仔表示他們和好多fans一直想出一張只講情的唱片，今次終於成事。釗峰指《一刻戀上》確實係冧女情歌，給人重拾戀愛的感覺。

C AllStar互相拍照留念。