黃芷晴出席活動時透露日前與家人及男友到泰國旅遊，父親黃日華與男友更做「T恤黨」不停買衫。芷晴指男友已過了父母一關，只等男友求婚。
黃日華女兒到鑽石山出席高跟鞋競跑賽大賽活動，她透露日前與父母及男友一同到泰國旅遊時，父親與男友到夜市買T恤買得好開心：「佢變咗T恤黨，本來應該女人行街買多啲，但變咗我同阿媽等佢哋。（佢過咗你父母嗰關？）都應該過咗。」
（左起）黃美棋、郭子豪、黃芷晴出席活動。
她又指今次旅遊令父親及男友變得更老友，自己亦視男友為結婚對象：「都plan緊，但順其自然。」芷晴指男友仍未求婚：「佢啲朋友逼我哋快啲結，但決定權佢話事。」她又謂男友明日生日，昨日已自製蛋糕與她慶祝。