羊群心理，人做我做、人云亦云，事事一句「我跟！」就去馬，毫不想過後果，結果釀成慘劇。今次悲劇事主是一批綿羊，59隻羊因為領頭羊失足墮崖，之後就跟住跳，結果大部分都一命嗚呼，真是「You jump I jump !」
新彊傳媒報道，事發在新疆呼圖壁，星期二11點半，一對兄分努爾多拉和阿達克上山放牧，領頭羊從百米高的山崖見到呼圖壁河幹有水，於是便沿着山崖向河裏走，帶領羊群落山飲水。
圖片來源：新彊亞心網
此料不及，山上突然刮起七至八級強風，領頭羊失足跌落山崖，見到其他羊群亦跟住跳落去，阿達克趕緊用鞭子驅趕羊群離開山崖邊。之後兩人就跑到石灘，大量羊隻伏屍，大多已經死去，有部分就仍發出「咩咩」的慘叫聲。
圖片來源：天天探索
事後工作人員指，包括領頭羊就有59隻羊跌落山崖，其中44隻當場死亡，另外有15隻受傷。初步估計，二人捐失近9萬元人民幣，之後將部分死羊賣予工地，挽回5800元損失。
有動物科學學者話，涉事羊隻性情溫順，有較強的合群性。一般情況下，一個有200至400隻羊的羊群，牧羊人只要訓練一隻領頭羊就足夠，羊群出入，過橋過河或者走過狹窄位置，只要領頭羊先行，其他羊隻都會尾隨。
領頭羊帶羊群跳崖事件並非首次（圖片來源：天天探索）
領頭羊帶羊群跳崖事件並非首次，今次已經是11年來第三宗，2003年發生的一次，有38隻羊傷亡，另外在2009年的一宗，就涉及47隻羊。