旗下歌手瞞戀情 何哲圖無晒面

近日娛圈最爆戀情莫過於鄭俊弘同何雁詩，男方疑似腳踏兩船，女方疑似小三變正印，擾攘好幾日。期間兩人所屬唱片公司老闆何哲圖多次出面死撐兩人無拍拖、無一腳踏兩船，豈料鄭俊弘同何雁詩手拖手現身機場公開戀情，何哲圖被矇在鼓裡還盲撐兩人，顏面可謂盪然無存。

資料圖片

何哲圖為鄭俊弘解畫（資料圖片）

鄭俊弘何雁詩公開戀情（資料圖片）

其實何哲圖被旗下藝人瞞騙早有前科，鍾嘉欣由08年加入星娛樂，可謂盡得何生寵愛，歌影視發展如日中天。不過前年嘉欣BB與相識未夠一年的脊醫Jeremy Leung閃婚兼生B，早前老公還為嘉欣舉辦驚喜生日會，幸福到爆。不過據講何哲圖當時只知對方請假，卻不知道她結婚生女的事。

資料圖片

至於何哲圖另一愛將吳若希同澳門闊少男友高調拍拖，又高調分手，其後有傳她懷孕，吳若希極力否認，事隔半個月突然又話要休息一段時間，之後先認有喜三個月，才通知老闆何哲圖，可憐何生又被過了一棟。

資料圖片

何哲圖擔任唱片公司高層多年，一手捧紅過不少藝人，可以說是他們的伯樂，不知是不是因為太好人，還是太忙管不了這麼多，經常被旗下藝人瞞騙，認真陰公豬！

吳若希再做業主！近日她於社交平台宣布成功於珠海置業，正式加入「北上買樓」行列，仲興奮表示呢個係一家四口的全新起點。

宣布成功於珠海置業

佢留言話：「等一等先！要恭喜呢位香港藝人，終於喺珠海有屬於我哋一家四口嘅新屋啦！」由睇樓到拎證，過程充滿期待，未來仲打算分享珠海生活、新屋裝修同帶小朋友嘅日常，似乎準備全面進軍「生活系」KOL。

笑言變身「裝修博主」

早前佢更親自揸車北上珠海監工裝修，笑言自己變了「裝修博主」。今次新屋由零開始設計，對佢來說別具意義：「雖然做業主唔係第一次，但由零開始打造一個家就真係第一次。」

親自揸車北上珠海監工裝修

由零開始打造一個家

講到點解揀珠海，佢就話最大原因是方便——由香港開車過去大約只需1個半鐘，加上當地消費相對較低，生活壓力細啲，更適合家庭生活。

非常方便，由香港開車過去大約只需1個半鐘

另外佢更透露自己揀樓有一個堅持——過去20年都只會揀正南或者正北座向，今次亦不例外，風水同採光一樣講究。