無線資深演員曾守明日前在廣州登台時猝死，令人難過。昨晚《東張西望》報道曾守明的死訊，主播陳庭欣在直播時，講到與曾守明的住事，不禁哽咽。
她傷感地表示：「過去幾個月，《平安谷》一班同事都係同守明哥開工，我哋住得近，間中喺同一間餐廳撞到，有時會請我食飯。我話過下次約埋出嚟食飯我請，但依家無咁嘅機會。」
點擊看圖輯
更多相片
陳庭欣報導曾守明死訊時哽咽（無綫截圖）
曾守明太太表示老公希望阿仔讀好書，考入紀律部隊。（無綫截圖）
曾守明因心臟血管問題暴瘦。（無綫截圖）
鄭家生、歐瑞偉與好友曾守明上廣州登台，難以接受曾守明在自己眼前猝死。（無綫截圖）
吳家樂相當不捨，讚曾守明是大好人。（無綫截圖）
陳庭欣報導曾守明死訊時哽咽（無綫截圖）
節目以電話訪問曾守明太太，她透露曾守明遺體將於明日送返香港，她說：「最近冇聽佢有唔舒服，有食藥，完全冇先兆。（曾守明有咩遺願？）阿仔今年考DSE，佢想個仔讀好書，入紀律部隊，有諗過屋企裝修、一齊去旅行。佢好熱愛演戲，想拍一套代表作。」
曾守明太太表示老公希望阿仔讀好書，考入紀律部隊。（無綫截圖）
曾守明因心臟血管問題暴瘦。（無綫截圖）
與好友曾守明同行去廣州登台的歐瑞偉、鄭家生，同樣有接受訪問，相識數十載，痛失好友感到惋惜。歐瑞偉、鄭家生憶述當時為曾守明急救：「當時我喺台下幫佢影相，突然唱緊歌冇聲，砰一聲見到守明成個人趴喺台上。當時我哋衝上台，抬守明返後台，有朋友幫手把脈，話冇咗脈搏。一直同佢做心外壓同人工呼吸，拍醒佢，仲有反應。20分鐘左右，當地救護車嚟咗。」可惜曾守明已經返魂乏術，歐瑞偉、鄭家生亦通知其家人趕去廣州，二人一直陪伴在側，惜無能為力救回好友。
鄭家生、歐瑞偉與好友曾守明上廣州登台，難以接受曾守明在自己眼前猝死。（無綫截圖）
吳家樂相當不捨，讚曾守明是大好人。（無綫截圖）
